අලුත් පක්ෂයට සල්ලි සෙවිල්ල

නැගෙනහිරින් එන්න යන අලුත් දේසපාලන සංවිධානෙට ප්‍රබල චරිත ගණනාවක් එකතුවෙලා ඉන්නව. එයාලා හකීම් තුමාගේ ගහ පෙරළගෙන අලුත් පාරක් හදන්න ගත්තා.

ඉතින් මේ දේසපාලන කස්ටියට තමන්ගෙ පක්ෂය ගොඩනගන්න සල්ලි ගොඩක් ඕනෑ වෙලා. මේ දවස්වල තමන්ගෙ හිතවත් ව්‍යාපාරිකයන්ගෙන් සල්ලි ඉල්ලුවත් බිස්නස් සවුත්තු නිසා ආධාර ලැබෙන්නෙ නැතිලු. ඒ නිසා අලුත් සන්ධානෙ කස්ටිය රට සල්ලි හොයන්න කොළඹ ඉන්න මැදපෙරදිග පැත්තෙ තානාපති අංශවල ලොක්කො මුණගැහුණා ඊයේ පෙරේදා. මෙයාලා ගිහිල්ල තමන්ගෙ පක්ෂයට උදව් ඉල්ලුවට එකපාරටම ඒවා කරන්න තානාපති අංශ ඉදිරිපත් වුණේ නැතිලු... අපි මේ ගැන හොයල බලන්නම් කියපු තානාපති අංශ මේ අලුත් කස්ටිය පක්ෂයක් හදන්න යන කතාවෙ විස්තර සේරම හකීම් තුමාගෙ කනේ තිබ්බ කියලා කියැවෙනවා...

ඊට පස්සේ උන්නැහෙත් ඒගැන තානාපති අංශෙට උපදෙස් වගයක් දුන්නලු...

ඕං ඒ ගමන තානාපති අංශ තමන් මෙච්චර කල් ගහපු පදේ වෙනස් කරල ආධාර ඉල්ලපු අයට අලුත් බණක් කියන්න පටන් ගත්තලු...

“බෙදෙන්න එපා. නොබෙදී ඉන්න එකතු වෙලා සටන් කරන්න” කියන අවවාදෙන් පස්සෙ තානාපති අංශවල උදව් නැතිබව තේරුම්ගත්ත අලුත් පක්ෂයෙ අය දැන් වෙනත් ක්‍රමේකට සල්ලි සොයන්න පටන් අරන්ලු.