සුපිරි වාහනයක්!

රුපියල් දස කෝටියක් විතර වටින වාහනයක් කොළඹ ප්‍රධාන පෙළේ වාහන කොම්පැණියකට ගෙනල්ලා තියනවලු...

සුපිරි බෙන්ස් වර්ගයට අයත් අලුත්ම ක්ලාස් එකක කළු පාටට හුරු ජීප් මොඩ්ල් වාහනේ අයිතිකරු හැටියට පොත්වල සඳහන් වෙන්නෙ සාමාන්‍ය පොරකගෙ නමක්ලු. ඒත් ඒ ජීප් එකේ සැබෑ හිමිකරු නොපෙනෙන කෙනෙක් කියලයි ආරංචි. සමහරු කියන්නෙ එයා ප්‍රබල ව්‍යාපාරික භවතෙක්ලු. තවත් අය කියන්නෙ මේකෙ හිමිකරු බලවත් දේශපාලන පොරක්ලු...

තවත් අය කියන්නෙ මේ වාහනේ සැබෑ හිමිකරු ප්‍රබල දේශපාලන පවුලක තරුණ මහත්තයෙක් කියලයි...

හැබැයි මේ වාහනේ තවමත් හිමිකරු ගෙනිහිල්ල නැතිලු. ඒක පෑලියගොඩ පැත්තෙ එක්තරා රේගු අංගනයක නවත්තලලු තියෙන්නෙ.

වාහනේ ගැන ආරංචි වෙච්ච මේ රටේ මාද්දිය කස්ටිය වගේම  යහපාල‍නේ දේශපාලන කස්ටියත් මේක වාහන “යාර්ඩ්” එකෙන් ගෙනියන්නෙ කව්ද කියලයි බලන් ඉන්නෙ. ඊට පස්සෙ ඇත්ත කතාව එළියට එන්න පුළුවන්.