බාගැනිල්ල

යහපාලන ආණ්ඩුවෙ “අත” පාටියෙ ඉහළ මට්ටමේ පට්ටමක් දරාගෙන ඉන්න ජ්‍යෙෂ්ඨම ඇමැති සයිස් මහත්තයෙක් පසුගියදාක හලාවත පැත්තෙ දේශපාලන ලොක්කෙක් හම්බුවෙන්න උන්නැහේගෙ ගෙදරට ගියා.

ළඟදි කොණ්ඩ මෝස්තරේ එහෙම වෙනස් කරපු හුඟක් වැඩවලට ප්‍රසිද්ධ ඈත පළාතක් නියෝජනේ කරන මේ දේශපාලන භවතා හලාවත දේශපාලකතුමාගෙ ගෙදරට ගියේ දේශපාලන කපුකමකට කියලා ආරංචියි...

ඉතින් එතන ගිහිල්ලා මේ බරපතළ සාකච්ඡාව කරගෙන යනකොට නිමල හදවතක් තියෙන මේ ජ්‍යෙෂ්ඨය හිටිගමන් දැඩිලෙස අසනීප වෙලා කතාබහත් නැවතුණාලු.

ඊට පස්සේ විශේෂ ගුවන් යානයකින් කොළඹට ප්‍රතිකාර සඳහා ගේන්න යනකොට... එකපාරටම අසනීපෙ සනීප වුණා කියලා ආරංචියි...

ඒ පාර හලාවත පැත්තෙන්ම සුළු ප්‍රතිකාරයක් අරන් උන්නැහේ කොළඹ ආවලු... හැබැයි මොන කරදර වුණත් උන්නැහේ ගිය ගමන සාර්ථකවෙලා කපුකම හරි ගියාලු...

ඒකෙ ප්‍රතිඵලයක් හැටියට පසුගිය කාලෙ හිටපු ලොකු තැනට ආවඩපු නියෝ - මාල් තුමා බාගත්ත කියල ආරංචියි.