ක්‍රිකට් ඡන්දයේ යෝකර් බම්පර්
ශ්‍රී ලංකා ක්‍රිකට් ආයතනයෙ අලුත් ලොක්කෝ තෝරන ඡන්දය තියෙන්නෙ 31 වැනිදලු. ක්‍රිකට් මහ පුටුවට ලංකාවේ ඉන්න දළකාරයො ගණනක්ම ඉදිරිපත් වෙලා. ඒ නිසා ක්‍රිකට් සටන හොඳටම උණුසුම් බවයි ආරංචිය...
දැන් ඉන්න සභාපති තැන වගේම හිටපු සභාපතිල කිහිප දෙනකුත් සටනේ පෙරමුණ අරං. නිලවරණයට ඉදිරිපත් වෙලා ඉන්න උන්නැහේලගෙ කියුම් කෙරැම් ගැන විරෝධතා ඉදිරිපත් කරන්න තිබ්බේ ගිය අඟහරුවාදා. මෙතනදි මාර වැඩක් සිද්ධවෙලා.... නිලවරණයට ඉදිරිපත් වෙලා ඉන්න එක්තරා ලොක්කකුට විරැද්ධව දස අතින්ම විරෝධතා ඉදිරිපත් වෙලා. ඒ විරෝධතා ලිපි ලේඛන පිටු 1500 කටත් වැඩියිලු... කොහොම වුණත් ලබන 29 වැනිදා මේවා ගැන තීන්දුවක් දෙන්නයි යන්නෙ. 29 වැනිදා විරෝධතා තීන්දුව දීල 31 වැනිද ඡන්දය තියන එක හරි නෑ කියල හුඟක් අය කියනව. ඒ වුණත් වැඩේ වෙන්න යන්නෙ එහෙමයි...
එච්චර විතරක් නෙමෙයි. ක්‍රිකට් ප්‍රේමින්ගේ පිටු 1500ක විරෝධතා එල්ලවුණු මහපුටු අපේක්ෂකය ඒ විරෝධතාවලට රහසිගතව උත්තර බඳින්නත් වැඩපිළිවෙළක් කරලයි කියලත් ආරංචියි... මේක අනිත් අපේක්ෂකයන්ට නොලැබෙන වාසියක්ලු. ඒ නිසා ක්‍රිකට් සටන උසාවියෙන් කෙළවර වෙන්න යන බවයි දැනගන්න තියෙන්නෙ.
