2020 පෙබරවාරි 01 වන සෙනසුරාදා
ඇඟට ඕනෑ ප‍්‍රතිඔක්සිකාරක බහුල ආහාර
2020 පෙබරවාරි 01 වන සෙනසුරාදා, ප.ව. 12:30 1285
විවිධ ආහාරවල පවතින විටමින් සහ ඛනිජ (විටමින් ඒ, සී, ඊ සහ සෙලේනියම්) ප‍්‍රතිඔක්සිකාරක ලෙස කි‍්‍රයා කරයි. ප‍්‍රතිඔක්සිකාරක අඩංගු ආහාර පරිභෝජනය මගින් හෘදයාබාධ, අධි රුධිර පීඩනය, පිළිකා, ආතරයිටිස් (හන්දි ආසාදන), ඇදුම සහ දියවැඩියාව වැනි රෝගී තත්ත්ව වළක්වාගත හැකිය. ඉතා ඉහළ ප‍්‍රතිඔක්සිකාරක ප‍්‍රභවයන් ලෙස ධාන්‍ය, පියලි හා ඇට වර්ග, පළතුරු හා නොපිසන ලද එළවළු යනාදිය සැලකිය හැක. මෙම ප‍්‍රතිඔක්සිකාරක පරිපූරක ලෙස (පෙති/ කරල් ලෙස) ලබාගන්නවාට වඩා ස්වභාවික ආහාර මගින් ලබාගැනීම වඩාත් ඵලදායී වනු ඇත.
ප‍්‍රතිඔක්සිකාරක බහුල ආහාර කිහිපයක්
විටමින් සී සහ ඒ බහුල ආහාර
පළතුරු - දෙළුම්, මිදි, දොඩම්, වියළි මිදි, අන්නාසි, නාරං, ඇපල්, පැණි කොමඩු ආදිය.
එළවළු - තක්කාලි, බීට්, ලෙමන්, නිවිති.
වියළි පළතුරු - රටඉඳි
විටමින් ඊ බහුල ආහාර
නිවිති, බතල, තක්කාලි, අලිගැටපේර, ගස්ලබු, බෙල් පෙපර්, කජු, රට කජු ආදී ඇට වර්ග සහ තෙල් සහිත බීජ වර්ග.
නිවුඩ්ඩ සහිත ධාන්‍යවලින් සාදන ආහාර, බඩඉරිගු තෙල් සහ ඔලිව් තෙල්.
සෙලීනියම් බහුල ආහාර
බාර්ලි, තිරිඟු, බත්, බඩඉරිඟු, සෝයා බෝංචි, සත්ව ආහාර (හරක් මස්, කුකුළු මස්, බිත්තර) සහ මුහුදු ආහාර (බලයා, කෙලවල්ලා, ඉස්සන්, දැල්ලන් වැනි මත්ස්‍ය ආහාර)
කුළුබඩු - කුරුඳු, ඉඟුරු, කරාබුනැටි.
► සෞඛ්‍ය පෝෂණ
2024 නොවැම්බර් 30 වන සෙනසුරාදා, ප.ව. 02:00