සංගා හා මහේල Sky High එමරල්ඩ් ලෝයල්ටි සමඟින්
Cool Planet සිය “ස්කයි හයි” ලෝයල්ටි කාඩ්පත හඳුන්වා දෙමින් සිය වෙළෙඳ ජාලය ඔස්සේ පාරිභෝගික භවතුන් වෙත සුවිශිෂ්ට ප‍්‍රතිලාභයන් සහ ප‍්‍රසාද දීමනාවන් ලබාගැනීමට අවස්ථාව උදා කරදී ඇත.
අඛණ්ඩව වර්ධනය වෙමින් තිබෙන වෙළෙඳ දැවැන්තයකු වන Cool Planet විවිධ විලාසිතාවන් ඉදිරිපත් කිරීමේ දී සහ පාරිභෝගික භවතුන් වෙත මුදලට වටිනාකමක් ගෙන දීමේ දී විශිෂ්ඨත්වයක් පෙන්නුම් කර තිබේ. එසේම, පාරිභෝගික භවතුන් සහ Cool Planet අතර සැබැඳියාව අනුව ලෝයල්ටි කාඩ්පත් ඔස්සේ වරප‍්‍රසාද හිමි කර දීමටද සාඩම්බර කාර්යභාරයක් සිදුකෙරෙමින් පවතී.
වසර ගණනාවක සිය අත්දැකීම් ද සමගින් ශ‍්‍රී ලංකාවේ හොඳම කමිස නිෂ්පාදනය සම්බන්ධයෙන් ඉහළ කීර්තිනාමයක් දිනාගනිමින් කමිස නිෂ්පාදනයේ ප‍්‍රධානතම සමාගමක් වන Emerald International (Pvt) Ltd සමාගම Cool Planet සමඟ ලෝයල්ටි කාඩ්පත් එළිදැක්වීම සඳහා පැවති අතිශය උත්කර්ෂවත් උත්සවයේ හවුල්කාරී සමාගම වූ අතර සිය සමාගමේ සන්නාම තානාපතිවරුන් වන කුමාර් සංගක්කාර සහ මහේල ජයවර්ධන උළෙලේ ප‍්‍රධාන ආරධිත අමුත්තන් ලෙස සහභාගී වූහ.
එමරල්ඩ්ස් මෙම සුපිරි ක‍්‍රිකට් තරු යුවළ සඳහා පළමු ලෝයල්ටි කාඩ්පත් යුවළ පිරිනැමුණ අතර මෙම උත්සවය සඳහා ජනප‍්‍රිය තරු රැසක් හා කීර්තිමත් ව්‍යාපාරියෝ රැසක් සහභාගී වූහ.
සියලු හිතෛෂී ගනුදෙනුකරුවන් වෙත මෙම ලෝයල්ටි කාඩ්පත පළමුවෙන් පොදු වේ හඳුන්වා දෙනු ලැබේ. වසරක් අවසාන වීමෙන් පසු ගනුදෙනුකරුවන්හට අදියර කිහිපයක් යටතේ වර්ධනය විය හැකිය.තමන් වැය කරනු ලබන සෑම රුපියල් 100.00ක මුදලක් සඳහාම ලකුණු එක බැගින් ලබාගැනීමේ හැකියාව ගනුදෙනුකරුවන් වෙත ලැබේ. එක් ලකුණක් එක් රුපියලකට සමාන වේ.
කොළඹ 05, නුවර, මාලබේ, පැලවත්ත, නුගේගොඩ සහ වත්තල ආදී දිවයින පුරා පිහිටි Cool Planet ශාඛා ජාලය තුළින් එමරල්ඩ් ලෝයල්ටි කාඩ්පත සඳහා ලකුණු ඉපැයීම හෝ වියදම් කිරීම සිදුකළ හැකිය.
“මෙම වරප‍්‍රසාද ක‍්‍රමය තුළින් අප සමග සමීපව ගනුදෙනු කරමින් සිටින ගනුදෙනුකාර භවතුන් වෙත තමන් කැමති පරිදි සිත පිරී යන තුරු සාප්පු සවාරියේ යෙදීමට අවස්ථාවන් උදාකර දෙමින් අප සමඟ දීර්ඝ කාලයක් අඛණ්ඩව පවත්වා ගෙන සම්බන්ධතාව සඳහා වරප‍්‍රසාද ලබාදීමත් සිදු කෙරෙනවා.” යැයි Cool Planet හි ප‍්‍රධාන විධායක නිලධාරී රිස්වි තහා මහතා අදහස් දක්වමින් ප‍්‍රකාශ කර සිටියේය.
විලාසිතා සම්බන්ධයෙන් නිරන්තරයෙන් අවධානයෙන් සිටින කාන්තා, පිරිමි සහ කුඩා දරුවන්හට ඉතා සුන්දර ඇඳුම් මෙන්ම සෙල්ලම් බඩු, විවිධ උපාංග, නිෙවසේ උපාංග, කාර්යාල ද්‍රව්‍ය, බෑග්, සහ වෙනත් විවිධ වූ භාණ්ඩ වර්ග අගය එකතු කිරීමක් ලෙස ලබාගැනීමට හැකිය. Cool Planet යනු එකම වහලක් යටින් සියල්ල මිළදී ගත හැකි ස්ථානයක් බවට පත්වීම පුදුමයක් නොවන අතර පාරිභෝගික භවතුන් වෙත සෑම විටම පහසුවක් ගෙන දීමට උත්සුක වෙයි.