ෙබනඩික්ට් පාප් වහන්ෙස් සමුගනිති!

95 වැනි වියෙහි පසු වූ 16 වැනි බෙනඩික්ට් පාප්වහන්සේ සිය අයහපත් සෞඛ්‍ය තත්ත්වය මත තනතුරෙන් ඉවත් වී දශකයකට පසු ස්වර්ගස්ථ වූහ. උන්වහන්සේ වසර 600කට පසු සිය තනතුරෙන් ඉල්ලා අස්වූ පළමු පාප් වහන්සේ ද වූහ. ඒ 1415 දී XII ග්‍රෙගරි පාප්වහන්සේගෙන් පසුව ඉල්ලා අස්වූ පළමු පාප්වරයා බවට පත් වීමෙනි.

බැතිමතුන්ට අවසන් ගෞරව දැක්වීම සඳහා උන්වහන්සේගේ දේහය වතිකානුවේ සාන්ත පීතර චතුරස්‍රයේ සාන්ත පීතර බැසිලිකාවේ තැන්පත් කර තිබූ අතර අති විශාල ජනතාවක් ගෞරව දැක්වීමට එක්රොක් වූහ. 

ජර්මනියේ ජෝසප් රුට්සිංගර් ලෙස උපත ලැබූ 16 වැනි බෙනඩික් පාප් වහන්සේ 2005 වසරේ දී පාප් පදවියට පත් වූහ. උන්වහන්සේ මෙතෙක් තේරී පත්වූ වයස්ගතම පාප්වරයා වීම ද විශේෂත්වයකි. ඒ වන විට උන්වහන්සේගේ 78 වැනි වියෙහි පසු වූහ. උන්වහන්සේ වසර අටක පමණ කාලයක් කතෝලික සභාවට නායකත්වය දුන් අතර, හිටපු බෙනඩික් පාප් වහන්සේ සිය අවසන් වසර ගත කළේ වතිකානුවේ පිහිටි Mater Ecclesiae ආරාමයේය.