ඉන්දියානුවන් ප්‍රථම වරට සමරන ගෝල්ඩන් ග්ලෝබ්ස් ජය!
සිය රටේ චිත්‍රපටයක් ප්‍රථම වරට ගෝල්ඩන් ග්ලෝබ් සම්මානය දිනා ගැනීමේ සතුට ඉන්දියානුවෝ බදාදා සමරනු ලැබූහ.
එහි යටත් විජිත පාලකයා වූ බ්‍රිතාන්‍යයෙන් ඉන්දියාව නිදහස ලබාගැනීමේ අරගලය අළලා සැකසුණු තෙළිඟු භාෂා චිත්‍රපටයක් වන "RRR”, 2023 ගෝල්ඩන් ග්ලෝබ්ස් හි හොඳම ගීත කාණ්ඩයෙන් ජයග්‍රහණය ලැබීය. එහි ජයග්‍රාහී ගීතය වන "නාටු නාටු" සංගීතවත් කළේ එම්.එම්. කීරවානි විසිනි. පද රචනය චන්ද්‍රබෝස්ගේය. එස්.එස්. රාජමෞලි විසින් එය සම රචනය සහ අධ්‍යක්ෂණය කරන ලදී.
රට පුරා මේ සම්බන්ධයෙන් උණුසුම් සුබ පැතුම් ගලා එද්දී, ඉන්දීය අගමැති නරේන්ද්‍ර මෝදි ද එම සම්මානය ප්‍රකාශයට පත් කළ මොහොතේම සුබ පැතුම් වීඩියෝවක් ට්වීට් කළේය.
ඉන්දියානු චිත්‍රපට කර්මාන්තය සෑම වසරකම විවිධ භාෂාවලින් චිත්‍රපට දස දහස් ගණනක් නිකුත් කරන අතර, IMDb ට අනුව, ලොව පුරා ඩොලර් මිලියන 155 කට ආසන්න ආදායමක් උපයමින් “RRR” රටේ සිව්වැනි ඉහළම අදායම් ලැබූ චිත්‍රපටය බවට පත්ව තිබුණි.