හමාස්ට එරෙහි වූ ඉන්දියානු සුපිරි කතුන්!
හමාස් සංවිධානය විසින් ඔක්තෝබර් 7 වැනිදා එම රටට එල්ල කළ ප්‍රහාරයේදී ඊශ්‍රායලයේ වැඩිහිටි යුවළකගේ භාරකරුවන් ලෙස සේවය කරන කේරළයේ කාන්තාවන් දෙදෙනෙක් ඔවුන්ගේ ජීවිතාරක්ෂකයන් බවට පත්වූහ. ඒ අනුව ඉන්දියාවේ ඊශ්‍රායල තානාපති කාර්යාලය, සමාජ මාධ්‍ය වේදිකාවක් වන X හි සටහනක් මගින් කේරළ ජාතිකයන් දෙදෙනකු වන සබීතා සහ මීරා මෝහනන් - "ඉන්දියානු සුපිරි කාන්තාවන්" ලෙස ප්‍රශංසා කර ඇත.
එය සමඟ ඔක්තෝබර් 7 වැනි දින සිදුවූයේ කුමක්ද යන්න විස්තර කරන සබීතාගේ වයිරල් වූ වීඩියෝවක් ද බෙදා හැර ඇත. එහිදී එදින දිගහැරුණු සිදුවීම් අනුපිළිවෙළ විස්තර කරමින් සබීතා ඔවුන් රැකබලා ගත් වයෝවෘද්ධ අඹුසැමියන් ආරක්ෂා කළ අවස්ථාවේ භයංකර සිදුවීම විචිත්‍රවත් ලෙස විස්තර කරයි.
ඇය උදේ 6.30ට පමණ සයිරන් හඬ ඇසී ආරක්ෂිත කාමරයට දිව ගිය බව පවසයි. ඉන්පසුව, ඔවුන්ට යුවළගේ දියණියගෙන් ඇමැතුමක් ලැබුණු අතර ඇය ගාසා තීරයේ මායිම අසල පිහිටි Nir Oz නම් මේ ගොවි ගම්මානයේ ආරක්ෂාවටර කිබුට්ස් - සහ නිවසේ සියලු දොරවල් අගුළු දමන ලෙස පවසා ඇත. “විනාඩි කිහිපයක් ඇතුළත මිනිසුන් ගෙට කඩා වැදී වෙඩි තබන හඬ අපට ඇසුණා. මොකද කරන්නේ කියලා අපි දුවට ආපහු කතා කළා. ඇය අපිට කිව්වා ආරක්ෂිත කාමරයේ දොර මිටෙන් අල්ලාගෙන යන්න දෙන්න එපා කියලා.” පසුගිය වසර තුනක සිට ඊශ්‍රායලයේ සේවය කරන සබීතා පැවසුවාය. ප්‍රහාරකයන් එයට උණ්ඩ වරුසාවක් එල්ල කර එය විවෘත කරන ලෙස තර්ජන කළද තමන් දෙදෙනාම පැය හතර හමාරකට වැඩි කාලයක් දොර හසුරුව අල්ලාගෙන සිටි බව ඇය පැවසුවාය. “ඔවුන් සියල්ල විනාශ කළා. අපි දැනගෙන හිටියේ නැහැ මොකක්ද වෙන්නේ කියලා. අපේ බෑග්, පාස්පෝට් ඔවුන් පැහැරගෙන ගිහින්. දහවල් 1 ට පමණ අපට තවත් වෙඩි තැබීමක් ඇසුණා. පසුව ඊශ්‍රායල ආරක්ෂක අංශ අපව බේරාගත්තා.” ඇය පැවසුවාය.
