ලෝකයේම තිබහ නසන ආශ්චර්යමත් මූලද්‍රව්‍යයක් !
“ආශ්චර්යමත් මූලද්‍රව්‍යයක්” ලෙස හැඳින්වෙන ග්‍රැෆීන් මගින් පානීය ජලය නිෂ්පාදනය සඳහා ඉමහත් ප්‍රයෝජනයක් ගත හැකි බව එක්සත් අරාබි එමීර් රාජ්‍යයේ (එක්සත් අරාබි එමීර් රාජ්‍යයේ) කලීෆා විශ්වවිද්‍යාලයේ පර්යේෂකයන් පිරිසක් සොයාගෙන තිබේ.
තනි මිනිස් හිසකෙසකටත් වඩා මිලියන ගුණයකින් තුනී වන මේ විශිෂ්ට මූලද්‍රව්‍ය වානේවලටත් වඩා ශක්තිමත්ය. පොළවෙන් කැණීම් කර ලබාගන්නා ද්‍රව්‍යයක් වන ග්‍රැෆයිට් තනි ස්ථරවලින් සාදන ලද මෙම කාබන් මූලික කරගත් ද්‍රව්‍ය අතිශය සැහැල්ලු, ප්‍රබල සන්නායක සහ නම්‍යශීලී ගුණයකින්ද යුතු අතර ඉලෙක්ට්‍රොනික උපකරණවල සිට ප්‍රවාහනය දක්වා නව ලොව කර්මාන්ත උදෙසා පරිවර්තනීය තාක්ෂණයක් එක්කිරීමට සමත්වූවකි. දැන්, එක්සත් අරාබි එමීර් රාජ්‍යයේ පර් යේෂකයන් පෙන්වා දෙන්නේ මුහුදු ජලයෙන් ලවණ ඉවත් කර පානීය ජලය නිෂ්පාදනය කිරීම සඳහා මිල අඩු කාර්යක්ෂම පිරිපහදු ක්‍රමයක් සඳහා ග්‍රැෆින් යොදාගත හැකි බවය. මේ වන විට ගෝලීය වශයෙන් මිලියන 300 කට වැඩි ජනතාවක් ලවණ ඉවත් කළ මුහුදු ජලය ප්‍රයෝජනයට ගනිති. දේශගුණික විපර්යාස සහ ජල දූෂණය අපගේ සීමිත මිරිදිය සැපයුමට තර්ජනයක් වන බැවින්, ඉදිරියේදි මේ නව මුහුදු ජල පිරිපහදු තාක්ෂණය ලෝකයටම නැතිවම බැරි පොදු තාක්ෂණයක් වන්නට නියමිතය.