2023 ලෝක විශිෂ්ටයා ගායිකා ටේලර් ස්විෆ්ට්!

ලෝක ප්‍රකට ටයිම් සඟරාව මගින් සෑම වසරකම ප්‍රකාශයට පත් කරන වසරේ විශිෂ්ටතම පුද්ගලයා සම්මානයට 2023 වසරේ නම් කර ඇත්තේ ලෝක ප්‍රකට ඇමෙරිකානු ජනප්‍රිය ගායිකා ටේලර් ස්විෆ්ට් ය. අදාළ  වසර තුළ ලෝකයට සහ ලෝක ප්‍රජාවටත්, අදාළ ක්ෂේත්‍රයටත් සිදුකළ බලපෑම් සැලකිල්ලට ගනිමින් ඒ වසරේ විශිෂ්ටතම පුද්ගලයා ප්‍රකාශයට පත් කරනු ලැබේ.

ටේලර් ස්විෆ්ට් මේ ගෞරවය දිනා ඇත්තේ ඇමෙරිකානු හිටපු ජනාධිපති බරක් ඔබාමා, යුක්රේන ජනාධිපති ව්ලැදිමීර් සෙලෙන්ස්කි හා දේශගුණික විපර්යාස සහ පරිසරය රැකගැනීම වෙනුවෙන් ලොව පුරා දැඩි හඬක් නගන ස්විඩනයේ ග්‍රේටා ටන්බර්ග් අභිබවමින්. එමෙන්ම වසරේ විශිෂ්ටතම පුද්ගලයාගේ නිර්දේශිත නම් 10 අතරට චීන ජනාධිපති ෂී ජින්පින් සහ රැසියානු ජනාධිපති ව්ලැද්මීර් පුටින්ගේ නම් ද ඇතුළත්ව තිබුණි.