ඡායාරූප ශිල්පීන් 6,000ක් පැරැදූ අට හැවිරිදි දැරිය!

සිය සුරතල් කළුකුමාගේ සමීප ඡායාරූපයක් ලබාගත් දැරියක් එංගලන්තයේ සහ වේල්සයේ ක්‍රියාත්මක වන සත්ව සුබසාධනය සඳහා වන වාර්ෂික රාජකීය සම්මාන උලෙළේදී හොඳම තරුණ ඡායාරූප ශිල්පියාට හිමි සම්මානය RSPCA Young Photographer Awards 2023 for a Welsh snapper, දිනා ගැනීමට සමත්ව තිබේ. වේල්සයේ Llandrindod වෙතින් පැමිණි ඇය අට හැවිරිදි ජේමි ස්මාර්ට්ය. 

මෙවර මේ සම්මානය සඳහා තරගකරුවන් 6,000කට වඩා ඉදිරිපත් වී සිට ඇත. දශක තුනක ඉතිහාසයකට හිමිකම් කියන මේ වාර්ෂික රාජකීය සම්මාන උලෙළේදී මෙතෙක්  හොඳම තරුණ ඡායාරූප ශිල්පියාගේ සම්මානය දිනාගත් ළාබාලතම ඡායාරූප ශිල්පියා හෝ ශිල්පිනිය ද ඇය ය. මේ හුරුබුහුටි දැරිය ඇය විසින් ගනු ලැබූ වනජීවීන්ගේ ඡායාරූප සහ වීඩියෝපට රැසක් ඇතුළත්ව ඇති Eagle Eyed Girl නමින් වූ ඇගේම වූ වෙබ් අඩවියක්ද පවත්වාගෙන යයි.