ගාසා තීරයේ දරුවන් සාගතය ගිල ගනියි!
ගාසා තීරය ඔස්සේ සාගතය පැතිර යන බවත් දරුවන් තම දෙමාපියන්ගේ දෑත් මත කුසගින්නෙන් මිය යන බවත් සමීක්ෂණ වාර්තා කියයි. ගාසා තීරයේ මන්දපෝෂණයෙන් දරුවන් 34 දෙනකු දැනටමත් මිය ගොස් ඇති බව රජයේ මාධ්‍ය කාර්යාලය ජූනි 22 දා වාර්තා කළේය.
ඊශ්‍රායලය ගාසා තීරයේ වටලෑම දිගටම කරගෙන යද්දී සහ ආධාර කණ්ඩායම්වලට ප්‍රමාණවත් තරම් ආහාර රුඳවුම් ප්‍රදේශ වෙත යාම වළක්වන විට, දෙමාපියන් පවසන්නේ තම දරුවන් කුසගින්නේ මිය යන ආකාරය දෙස බලා සිටීම හැර වෙනත් විකල්පයක් නොමැති බවයි. ගෝලීය ආහාර අනාරක්ෂිතභාවය සහ මන්දපෝෂණය තක්සේරු කරන ඒකාබද්ධ ආහාර සුරක්ෂිතතා අදියර වර්ගීකරණය (IPC) ආයතනය විසින් අඟහරුවාදා ප්‍රකාශයට පත් කරන ලද වාර්තාවක් මගින්, ඉදිරි මාස තුන ඇතුළත ගාසා තීරය මුළුමනින්ම පාහේ සාගතයකට මුහුණ දෙනු ඇතැයි අනතුරු අඟවා තිබේ. ළමුන් 50,000 කට වැඩි පිරිසකට උග්‍ර මන්දපෝෂණය සඳහා ප්‍රතිකාර අවශ්‍ය බව පලස්තීන සරණාගතයන් සඳහා වන එක්සත් ජාතීන්ගේ ඒජන්සිය (UNRWA) මේ මස මුලදී ප්‍රකාශ කර තිබුණි. ගාසා තීරයේ ඊශ්‍රායල ප්‍රහාරවලින් පලස්තීනුවන් 37,658 දෙනකු මිය ගොස් තවත් 86,237 දෙනකු තුවාල ලබා ඇති බව ගාසා සෞඛ්‍ය නිලධාරීහු පවසති.
