මොන්ගෝලියාවේ මහ මග දුවන මකර බෝට්ටු!

උතුරු චීනයේ මොන්ගෝලියාවට අයත් ස්වයං පාලන කලාපයේ සිලින්හොට් හිදී ලොව පුරා නරඹන්නන් රැසක් ආකර්ශනය කරගත් හිම මත දුවන මකර බෝට්ටු තරගයක් පැවැත්විණි. ඒ දෙදින ඉසව්වක් වන සිලින් ගෝල් ජාත්‍යන්තර අයිස් ඩ්‍රැගන් බෝට්ටු ශූරතාවලියයි.

මෙම තරගයට චීනය, අමෙරිකා එක්සත් ජනපදය, එක්සත් රාජධානිය සහ ඉතාලිය ඇතුළු රටවල් සහ කලාප කිහිපයකින් කණ්ඩායම් 20 ක් සහ ක්‍රීඩක ක්‍රීඩිකාවන් 400 කට ආසන්න සංඛ්‍යාවක් එක් විය. එයට 12 දෙනකුගෙන් යුත් මීටර් 100 ඍජු ධාවන තරගය, පස් දෙනකුගෙන් යුත් මීටර් 100 ඍජු ධාවන තරගය සහ 12 දෙනකුගෙන් යුත් මීටර් 300 ප්ලාවිත හැරවුම් තරගය වැනි විවිධ ඉසව් ඇතුළත් විය. සිලින් ගෝල්, එහි හිම සහ ශීත ක්‍රීඩා සත්කාරකත්වය සඳහා ලොව පුරා ප්‍රසිද්ධය. මේ මකර බෝට්ටු තරගය තරගකරුවන්ට චීනයේ දේශීය සංස්කෘතිය අත්විඳීමට අවස්ථාවක් ලබා දෙන බව සිලින් ගෝල් ජාත්‍යන්තර අයිස් ඩ්‍රැගන් බෝට්ටු ශූරතාවලියේ ප්‍රධාන තීරක ප්‍රධානීෂැං යූ පැවසීය.