ජපන් බාබා වන්ගාගේ භයානක අනතුරු ඇඟවීම!
සිය අනාවැකිවල විස්මිත නිරවද්‍යතාවය සඳහා ප්‍රසිද්ධ ජපන් බාබා වන්ගා ලෙසද හඳුන්වන ජපාන අනාගත වක්තෘවරියක් වන රියෝ ටැට්සුකි, 2025 ජූලි මාසයේදී ජපානයට සහ ආසියාවේ සමහර ප්‍රදේශවලට විනාශකාරී මෙගා-සුනාමියක් ඇතිවන බවට අනාවැකි පළ කර ඇත.
2011 ටොහොකු භූමිකම්පාව, කොවිඩ් 19 වසංගතය ඇතුළුව ඇගේ පෙර අනාවැකි නිවැරදි බව ඔප්පු වී ඇති අතර ජපානය මෙම නවතම අනාවැකිය පිළිබඳ භීතියට පත්ව සිටියි. රියෝ ටැට්සුකි හිටපු මංගා චිත්‍ර කලාකාරියකි. ඇය ඇගේ කලා කෘති සඳහා ප්‍රසිද්ධ නැත. නමුත් ඇගේ අනාවැකිමය සිහිනවල භයානක නිරවද්‍යතාවය සඳහා ප්‍රසිද්ධය. 1980 ගණන්වල සිට, ටැට්සුකි ගෝලීය ව්‍යසන පිළිබඳ පූර්වදර්ශන දකිමින් සිටින අතර, ඇය ඒවා සිහින දින පොතක සටහන් කර ඇත. 1999 දී, ඇය ‘මම දුටු අනාගතය’ යන මැංගා කෘතියේ ඇගේ වඩාත්ම භයානක අනාවැකි කිහිපයක් ඉදිරිපත් කළාය. එය නිකුත් වූ දා සිට, ඇගේ බොහෝ අනාවැකි ඉටුවී ඇති අතර, එය ඇදහිලිවන්තයන් සහ සංශයවාදීන් යන දෙපිරිසම මවිතයට පත් කර ඇත.
1991 දී ඇය ක්වීන් නම් රොක් සංගීත කණ්ඩායමේ ප්‍රධාන ගායිකාව වූ ෆ්‍රෙඩී මර්කරිගේ මරණය කලින් දුටුවාය. 1995 දී, ඇය ඇගේ සිහින දින පොතේ තවත් බියකරු අනාවැකියක් පළ කරමින්, ජපානයේ කෝබේහි විනාශකාරී භූමිකම්පාවක් ගැන අනතුරු ඇඟවීය. ඒ අනුව 6,000කට අධික පිරිසක් මිය ගිය 1995 කෝබේ භූමිකම්පාව, ටැට්සුකිගේ දැක්ම සමඟ සමපාත විය. කෙසේ වෙතත්, ඇගේ වඩාත් ප්‍රසිද්ධ සහ බියජනක අනාවැකිය වූයේ 2011 ටොහොකු භූමිකම්පාව සහ සුනාමියයි. ඇගේ මංගා චිත්‍ර කතා පොතේ, ටැට්සුකි ලිව්වේ, “2011 මාර්තු මාසයේදී විශාල ව්‍යසනයක් සිදුවනු ඇත” යනුවෙනි. මේ විනාශයට ෆුකුෂිමා න්‍යෂ්ටික ව්‍යසනය ද ඇතුළත් විය.
කෙසේ වෙතත්, ඇගේ මෑත කාලීන සහ වඩාත්ම බියජනක අනාවැකිය ඊටත් වඩා විශාල ව්‍යසනයක් ගැන විස්තර කර ඇත. එය2025 ජූලි මාසයේදී ජපානයට සහ ආසියාවේ සමහර ප්‍රදේශවලට මෙගා-සුනාමියක් ඇතිවන බවට ඇය පුරෝකථනය කර තිබේ. ටැට්සුකි පවසන පරිදි, ජපානයට දකුණින් පිහිටි පැසිෆික් සාගරය ‘උණුසුම්’ වන ආකාරය සහ දැවැන්ත බුබුලු මතුපිටට නැගී එන ආකාරය ඇය දුටුවාය. මෙය දිය යට ගිනිකඳු පිපිරීමක් හෝ සාගර පතුලේ දැවැන්ත පිපිරීමක් පෙන්නුම් කරන බව ඇය විශ්වාස කරයි. ප්‍රතිඵලය ව්‍යසනකාරී විය හැකි අතර, 2011 දී ඇතිවූ සුනාමියට වඩා තුන් ගුණයකින් විශාල සුනාමියක් ඇතිවිය හැකිය. මෙම මෙගා-සුනාමිය ජපානයේ පැසිෆික් වෙරළ තීරය විනාශ කළ හැකි අතර පිලිපීනය, තායිවානය සහ ඉන්දුනීසියාව වැනි අසල්වැසි ප්‍රදේශවලට බලපෑම් කළ හැකි බව ඇය පවසයි.
ජපානය, තායිවානය, ඉන්දුනීසියාව සහ උතුරු මරියානා දූපත් සම්බන්ධ කරමින් දියමන්ති හැඩැති ප්‍රදේශයක කොතැනක හෝ ව්‍යසනයේ කේන්ද්‍රස්ථානය පිහිටා ඇති බව රියෝ ටැට්සුකි ඇගේ සිහිනයෙන් දුටුවාය. සාගර පතුල බොහෝ සෙයින් වෙනස් විය හැකි බවත්, එය කලාපයේ භූගෝලය වෙනස් කළ හැකි බවත්, සමහර විට තායිවානය, පිලිපීනය සහ හොංකොං වැනි දූපත් සම්බන්ධ කළ හැකි බවත් ඇය කියයි. ඇගේ දර්ශනයේ වඩාත්ම සිත්ගන්නා සුළු කොටසක් වූයේ මකරකු වැනි හැඩ දෙකක් අපිකේන්ද්‍රය දෙසට ගමන් කරන ආකාරය දැකීමයි. මේ ගැන කුතුහලයෙන් සිටි ඇය දිය යට සිතියම් දෙස බැලූ අතර හවායි දූපත් අසල මකරකු වැනි හැඩැති සැකැස්මක් සොයා ගත් අතර එය ඇය පුරෝකථනය කළ ව්‍යසනයට සම්බන්ධ විය හැකි යැයි ඇය විශ්වාස කරන්නීය.
ඇගේ 2025 දී මෙගා-සුනාමියක් ඇතිවිය හැකි බවට ඇති අදහසට සහාය දක්වන භූ විද්‍යාත්මක සාක්ෂි දැනට හමුව නොමැත. කෙසේ වෙතත්, ජපානය පැසිෆික් ගිනි වළල්ල දිගේ පිහිටා ඇති බව විශේෂඥයෝ පිළිගනිති. එය නිතර මෙගා භූමිකම්පා සහ දැවැන්ත සුනාමි සඳහා ඇති හැකියාව සඳහා ප්‍රසිද්ධ කලාපයකි. එවැනි විශේෂ කලාපයක් වන්නේ ජපානයේ දකුණු වෙරළට ඔබ්බෙන් පිහිටි දෝෂ කලාපයක් වන නන්කායි අගලයි. මෙගා පීඩන භූමිකම්පාවක් මෙහි සිදුවුවහොත්, එය ටැට්සුකි පුරෝකථනය කළ ආකාරයටම මීටර් 30කට වඩා උස සුනාමියක් ඇතිකළ හැකි බව වාර්තා වේ.