කොළඹ “කින්ස්බරි”යේ කෑම සාගරේ The Ocean Seafood, Honey Beach Club, The Grill

කොළඹ කින්ස්බරි හෝටලය කියන්නේ කවදත් මගේ සිත් ගත් තැනක්. විශේෂයෙන්ම එතැන තියෙන රාජකීය වික්ටෝරියානු පෙනුමට, හැඟීමට මම හරිම කැමතියි. අනික කින්ස්බරි අවන්හල් හැම එකකම ඒකටම ආවේණික දර්ශනතලයක් තියෙනවා. හෝටලය මුදුනේ තියෙන Ce La Vi අවන්හල් එතැනදී විශේෂයි. ඒකත් කින්ස්බරියට මම කැමති වෙන්න තව හේතුවක්. 

The Ocean Seafood අවන්හලත් මෙතැන තියෙන සුපිරි අවන්හලක්. හොඳම මුහුදු ආහාර වර්ග රාශියක් මෙතැනදී රස බලන්න පුළුවන්. ඒ විතරක් නෙමේ ඉස්තරම් වර්ගයේ වයින් වර්ගත් මෙතැන තියෙනවා. Harbor Court අවන්හලත් බොහෝ දෙනෙකුගේ ප්‍රියතම තේරීමක්. එතැන තියෙන්නේ කෑම සාගරයක් කිව්වොත් නිවැරදියි.

Honey Beach Club කියන්නේ සුන්දර වගේම හොඳ සංගීතය පිරුණු තැනක්. ඒ වගේම කොළඹදී බීච් පාටියකට කියාපු තැනක්. The Grill අවන්හලේදී ග්‍රිල් කරන ලද බීෆ් සහ සී ෆුඩ් පිරිනැමෙනවා. හොඳට රස දැනෙන අයුරින් විවිධ මස් වර්ග යොදාගෙන පිළියෙල කෙරෙන මෙම දීසි ආහාර මේසයට පිළිගන්වන්නේත් ඉතාම දැකුම්කලු විදිහටයි. The Gourmet Station කියන්නේ කේක් වර්ග, සැන්ඩ්විච්, පේස්ට්‍රි වගේ දේවල් රස බලන්න තියෙන තැනයි. 

කලින් සඳහන් කළා වගේ හෝටලය මුදුනේ තියෙන Ce LA VI අවන්හල කියන්නේ ආහාර වගේම බීම වර්ගත් සංගීතයත් ඉහළින්ම පිරිනමන තැනක්. එතැනදී ලබන අත්දැකීම වචනයෙන් විස්තර කරන්න බැරි තරම්. 
ඒ අවන්හල් එකතුවට අමතරව SENSES SPA කියන්නේත් අමතක කරන්නම බැරි තැනක්. රෝස පෙති දැමූ වතුරින් ස්නානය කරන්න වගේම වෘත්තීය මට්ටමේ තෙරපි සහායක් ලබාගන්නත් මෙතැනදී පුළුවන්. 

- ධනූ 
සේයාරූ - You’re my favorite