ප්‍රවාහනයේ දියුණුවක්
ග්‍රහලොව රජු වන සූර්යා 2019 අප්‍රේල් මස 14 වැනි ඉරුදින සවස 2 පසුවී විනාඩි 9ට තමාට උච්ච රාශි භවන වන මේෂ රාශියට පිවිස මෙම මැයි මාසයේ 15 වැනි බුධ දින දක්වාම බලවත් වූ ගමනක යෙදෙනු ඇත. සූර්යා මේෂ රාශියට පිවිසීමත් සමඟ කෝණ මාසයේ නිමාව ලැබී සුබ මුහුර්ත ඇතිවන වකවානුවක් ද වනු ඇත.
අප රට කෙරෙහි අවධානය යොමු කිරීමේදී ප්‍රවාහන කටයුතු සම්බන්ධයෙන් දියුණුවක් හා යම් යම් වරප්‍රසාද රජය විසින් දෙනු ලබන කාලයක් වේ. ගුවන් සේවා කටයුතුවලට සම්බන්ධ ප්‍රධානියකුට අපලයක් ඇතිවන කාලයකි. දූ දරුවන්ගේ කටයුතු වෙනුවෙන් ද, මව්වරැන් වෙනුවෙන් ද, සුබසාධන කටයුතු සිදුවනු ඇත. අලුත් කර්මාන්ත ස්ථාපිත වීමක් ද, යම් යම් කටයුතු වෙනුවෙන් නීතිය කඩකිරීම් පිළිබඳ සොයා බැලීමට රජය වැඩි අවධානයක් යොමුකරන කාලයක් වේ. යම් ආයතනයන්හි සේවය කරන මෙන්ම සමාජ සේවා කටයුතුවල නිරත ප්‍රධානීන්ට චෝදනා අපවාද අසන්නට සිදුවන්නාවූත් කාලයක් වේ. බන්ධනාගාර නිලධාරීන්ට මෙන්ම ප්‍රධානීන්ට ප්‍රශංසා හිමිවන සමයකි.
විදේශීය වශයෙන් විමසා බැලීමේදී රාජ්‍ය නායකයකුට මාරක ඇතිවන කාලයකි. ගුවන්යානා අනතුරක් ඇතිවීමක් ද වාර්තා වනු ඇත. මහජන සෞඛ්‍යයට බාධා ඇතිවෙමින් වෛරස් රෝගයක් ප්‍රචලිත වන කාලයක් ද වේ.
මීළඟට ඔබට
මේෂ - කටයුතු සාර්ථකයි
ඔබට ඉතා යහපත් වන කාලයක් වේ. ඔබගේ කටයුතු සාර්ථක වන අතර උසස්වීම් අපේක්ෂා කළ අයගේ බලාපොරොත්තු ද ඉෂ්ඨ වනු ඇත. ඔබ ගැන වැඩිපුර සිතා කටයුතු කරන කාලයක් බැවින් මිතුරන් සමඟ සිත් අමනාපකම් ඇතිකරගනු ඇත.
වෘෂභ - විදේශ ගමන්
ඔබට එතරම් යහපත් නොවනු ඇත. විදේශගත වීමේ බලාපොරොත්තුවෙන් සිටි අයට තම බලාපොරොත්තු ඉෂ්ඨ කරගත හැකිවනු ඇත. ගමන්වලින් හදිසි කරදර ද, අනතුරැ ද ඇතිවිය හැකි බැවින් ප්‍රවේසම් විය යුතුය. ඇස් ආශ්‍රිත පීඩාවක් ද මතුවනු ඇත.
මිථුන - ව්‍යාපාර අරඹයි
විශාල අන්දමෙන් මුදල් යොදවා කටයුතු කිරීමේදී පරිස්සම් වීම වැදගත් වන අතර තමන් කරන කටයුතු සාර්ථක බවට පත්වන කාලයක් වේ. දේශපාලන කටයුතුවල නිරත අයට ඉතා යහපත් වනු ඇත. ව්‍යාපාර ආරම්භයටද ශුභ වේ.
කටක - උසස්වීම් හිමිවේ
ඔබටද යහපත් ඵල අත්වන වකවානුවකි. සේවා ස්ථානය ආශ්‍රිතව පැවති බාධා දුරැවී යන අතර උසස්වීම්ද ලබාගත හැකි කාලයකි. පවුල් දිවියේ සමගිය වර්ධනය වන නමුත් ඌෂ්ණාධික රෝග මතුවනු ඇත.
සිංහ - සතුරන් මර්දනයට
ඔබට ද යහපත් වන අතර ඔබ කරන කටයුතු සාර්ථක බවට පත්වනු ඇත. අන් අය අතර කැපීපෙනෙන තත්ත්වයට පත්වන අතර දේශපාලන කටයුතුවල නිරත වී සිටින අයට ද යහපත් කාලයකි. තමන්ට එරෙහි සතුරැ බලවේග මර්දනය කරගත හැකි කාලයක් ද වේ.
කන්‍යා - හදිසි පීඩා
ඔබ කරන කටයුතුවලට විවිධ වූ බාධා ඇතිවන කාලයක් වේ. ඔබගේ උත්සාහයේ තරමට ලබාගත හැකි ඵලය අඩු කාලයකි. ගමන්වලින්ද හදිසි ශරීර පීඩා ඇතිවනු ඇත. ඇස්වල පීඩාවක් මතුවනු ඇත.
තුලා - පවුලේ සමගිය
ව්‍යාපාරික කටයුතුවල නිරත වී සිටින අයට ඉතා යහපත් කාලයක් වේ. තම උත්සාහයෙන් කටයුතු සාර්ථක බවට පත්කරගත හැකි කාලයකි. පවුල් දිවියේ ද සමගිය වර්ධනය වනු ඇත. අන් අයගේ ගෞරවයට පත්වන කාලයක් ද වේ.
වෘශ්චික - නිර්මාණශීලී වෙයි
ඔබට එරෙහිව පැවති සතුරැ උවදුරු මැඩපවත්වාගත හැකි කාලයකි. නිර්මාණශීලී කටයුතුවල නිරත අයට තම නිර්මාණ බිහි කිරීමට යහපත් කාලයක් වේ. ගමන්වලදී හදිසි ශරීර පීඩා ඇතිවිය හැකි බැවින් ප්‍රවේසම් වන්න.
ධනු - ලිංගික ඇසුර
ඔබට ඉතා යහපත් කාලයක් වේ. ඔබ කරන කටයුතු සාර්ථක බවට පත්වන අතර විරුද්ධ ලිංගික ආකර්ශනයට ලක්වනු ඇත. සමාජ සේවා කටයුතු සඳහා කාලය යොදවන වකවානුවකි. විනෝද චාරිකාවලට සහභාගි වීමට ඉඩ සැලසේ.
මකර - සිතේ සතුට
උරුම හිමිකම් ලබාගැනීමට ඉතා යහපත් වකවානුවක් වේ. සිතේ සතුට ඇතිවන කාලයක් ද වේ. පිටස්තර අයගේ ප්‍රශ්නවලට මැදිනොවී සිටිය යුතු කාලයක් ද වේ. අන් අය අතර කැපීපෙනෙන පුද්ගලයකු බවට පත්වනු ඇත.
කුම්භ - මංගල යෝජනා
ශුභ ඵල ඇතිවන අතර ලේඛන කටයුතුවල නිරත අයට යහපත් වනු ඇත. විවාහක අයට මංගල යෝජනා ස්ථිර වන කාලයක් වේ. සහෝදර බැඳීම් වර්ධනය වනු ඇත.
මීන - අධික වියදම්
ජ්‍යොතිෂ නන්දන
ප්‍රවීණ ජ්‍යොතිෂවේදි ජ්‍යොතිෂාචාර්ය
රේණුක වික්‍රමසිංහ
සුවණැන ජ්‍යොතිෂ පර්යේෂණාතනය
ඔලබොඩුව, ගෝනපල
