රාමා - සීතා හමුවෙන්න පුළුවන් බණ්ඩාරවෙල නවාතැන Orient Hotel
බණ්ඩාරවෙල Orient Hotel කියන්නෙ ඌව පළාත් සභාවේ සංචාරක අමාත්‍යාංශය සංවිධානය කරපු තරගයකිනුත් ඌව පළාතෙ හොඳම හෝටලය බවට පත්වුණ සුඛෝපභෝගී හෝටලයක්.
මුහුදු මට්ටමේ ඉඳන් අඩි 3800ක් තරම් උසකින් ප්‍රධාන නගරයට ආසන්නව පිහිටලා තිබෙන Orient හෝටලය කාමර 50 කින් සමන්විතයි. Jacuzzi වැනි සුඛෝපභෝගී පහසුකම්වලින් සමන්විත රාමා-සීතා සහ පැරඩයිස් නම් කාමර ඒ අතර විශේෂයි.
Orient Hotel වලදී අත්දකින්න පුළුවන් විශේෂත්වයන් තමයි පරිසර හිතකාමී සංචාරයන්, කෘෂිකාර්මික ගොවිපළවල්වල සංචාරයන්, වගේම ත්‍රාසජනක අත්දැකීම් විඳගැනීමේ හැකියාව. ඒ වගේම ස්වභාව සෞන්දර්යයෙන් අනූන ඌව පුරවරයේ සුන්දර ස්ථානවල ඇවිදින්න, කඳවුරු බඳින්න, කඳුනගින්න, පාපැදි සවාරි යන්න, වනජීවී උද්‍යාන නරඹන්න, පක්ෂීන් නරඹන්න වගේ එළිමහන් ක්‍රියාකාරකම් රැසක් Orient හෝටලය සපයනවා. ඒ වගේම Orient හෝටලයේ නවාතැන් ගන්නා ඔබට පැයක දෙකක ගමනකින් හාලිඇල, බුදුරුවගල වගේම දුන්හිඳ, දියලුම, රාවණා, බඹරකන්ද වගේ දියඇලි වෙතත් පැය තුන හතරක ගමනකින් මහියංගන ආදිවාසී ගම්මාන, තංගමලේ සහ කුමන කුරු උද්‍යාන, ලාහුගල, ආරුගම්බේ වෙරළ වගේ තැන්වලටත් ළඟාවෙන්න පුළුවන්.
ඊට අමතරව හෝටලය ඇතුළෙදි කැරොකේ ශාලාවක්, beer garden, ශරීර සුවතා මධ්‍යස්ථානයක්, රැස්වීම ශාලාවක්, laundry පහසුකම්, පැය විසිහතර පුරාම room service, බිලියඩ් වැනි ක්‍රීඩා පහසුකම් ආදී තවත් දේ ඔවුන් ඔබ වෙනුවෙන් සපයනවා. දැනටමත් Orient hotel යුරෝපීයන් අතර සුන්දර ගමනාන්තයක් වී හමාරයි. ඉතිං ඔබටත් පුළුවන් Orient හෝටලයේදී ස්වාභාව සෞන්දර්ය එක්ක මුසුවුණු අපූරැ නිවාඩුවක් ගතකරන්න.
සනත් වීරසූරිය
සේයාරූ I ශන් බන්දු වීරසිංහ