වැසුණු කම්හල් යළි ඇරේ

ග්‍රහ මණ්ඩලයේ සියුම් බුද්ධිමතා වූ බුධ ග්‍රහයා තමාට සම රාශි භවනක් වූ අඟහරුට අයත් වෘශ්චික රාශියට 2019 දෙසැම්බර් මස 5 වැනි ගුරැ දින උදේ 10 පසුවී විනාඩි 34ට පිවිසෙයි. බ්‍රහස්පතිට අයත් විසා නැකතේ 4 වැනි පාදයෙන් ද, සෙනසුරුට අයත් අනුර නැකතේ සම්පූර්ණවත්ව බුධට අයත් දෙට නැකතේ 2019 දෙසැම්බර් 25 වැනි බුධ දින සවස 3 පසුවී විනාඩි 46 දක්වාම බුධ ගමන් කරනු ඇත.

බුධ වෘශ්චික රාශිගතවීම අප රටට ඇති කරන්නා වූ බලපෑම විමසා බැලීමේදී යහපත් ඵල ලැබෙන ස්වරූපයක් පෙන්නුම් කරයි

වෙළෙඳ ව්‍යාපාරවල දියුණුවත්, වසා දමා ඇති කර්මාන්ත යළි ඇරඹීමටත්, ඒ ඔස්සේ නව රුකියා ඇතිවීමත් සිදුවන කාලයක් වේ. අධ්‍යාපන ක්ෂේත්‍රයේ දියුණුවක් ද ඇතිවනු ඇත. මහජනයා කෘෂිකර්මාන්තය වෙනුවෙන් උනන්දුවක් දක්වන වකවානුවකි. ස්ත්‍රීන්ගේ හා ළමයින්ගේ සුබසිද්ධිය සඳහා යම් යම් වැඩදායී ක්‍රියාවන් කරළියට පැමිණෙන කාලයකි. රාජ්‍ය නායකයන් රටට සුබදායී ආයෝජන හිමිවන ආකාරයේ විදේශ ගමන් බිමන් සිදු කරන කාලයක් ද වේ.

මීළඟට විදේශීය වශයෙන් සලකා බැලූවිට අරාබිය, රුසියාව, පෝලන්තය, ස්විඩනය යන රටවල වෙළෙඳ ව්‍යාපාර හා අධ්‍යාපනය පිළිබඳව නව නීති පැනවෙන අතර රාජ්‍ය ප්‍රධානීන් අතර ගැටුම් සහිත තත්ත්ව ඇතිවනු ඇත.

ඇල්ජීරියාව, මොරොක්කා, සිරියාව ආශ්‍රිතව ළමයින් සහ තරුණ අයගේ මරණ අධික වන කාලයකි. රාජ්‍ය පාලන කටයුතුවල අවුල් වීමක් ද, සාහිත්‍යවේදියකුට මාරක ද වේ

අමෙරිකාව, එංගලන්තය, ඊරිප්තුව, අයර්ලන්තය යන රටවල තැපැල් අර්බුද ඇතිවනවාත් හැර මාධ්‍යවේදියකුට හා ප්‍රසිද්ධ ලේඛකයකුටද මාරක ඇතිවන කාලයක් වේ.

මේෂ - ස්නායු පීඩා

ඔබට යහපත් ඵල අත්නොවන වකාවානුවකි. ලියවිලිවලට අත්සන් තැබීමේදී පරිස්සම් විය යුතු කාලයකි. ඔබගේ කටයුතුවලට විවිධ පාර්ශවවලින් බාධා ඇති කරනු ඇත. ස්නායු පීඩාවක් ද මතුවනු ඇත

වෘෂභ - ආර්ථික වාසි

පවුල් දිවියේ සමගියට බාධාවීම් ඇතිවන කාලයක් බැවින් ඉවසීමෙන් කටයුතු කරන්න. ව්‍යාපාරික කටයුතුවල නිරත වී සිටින අයට යහපත් ඵල අත්වනු ඇත. ආර්ථික වාසි හිමිවන කාලයක් ද වේ.

මිථුන - සිත් අමනාප

ඔබගේ නෑදෑයන් සමඟ සිත් අමනාප වීමක් ද, තම කටයුතුවලට ඔවුන්ගෙන් ප්‍රශ්න ඇතිවීමක් ද සිදුවන කාලයක් වේ. උසස් අධ්‍යාපන කටයුතුවල නිරත වී සිටින අයට ශුභවන අතර යම් යම් කටයුතුවලට විවිධ අයගෙන් බාධා එල්ලවනු ඇත.

කටක - දේශපාලනයට යහපත්

අධ්‍යාපන කටයුතුවල නිරත වී සිටින අයට ශුභ ඵල අත්වන අතර ප්‍රේම සම්බන්ධතාවලට යොමු වී සිටින අයට යම් යම් ප්‍රශ්න ඇතිවන කාලයක් ද වේ. දේශපාලන කටයුතුවල නිරත වී සිටින අයට ශුභ වනු ඇත.

සිංහ - වාහන මිලදී ගැනීම්

ඔබගේ මතයට ක්‍රියා කරමින් වැඩ කටයුතු රාශියක් සාර්ථක බවට පත්කර ගන්නාවූත් කාලයකි. ඉඩමක් හෝ වාහනයක් මිලදී ගැනීමට ද ශුභ වනු ඇත. රැකියා ස්ථානය ආශ්‍රිතව පැවති ප්‍රශ්න මඟහැරී යන කාලයක් ද වේ.

කන්‍යා - නිර්මාණශීලී අදහස්

සහෝදරයන් සමඟ හොඳ හිත වර්ධනය වේ. නිර්මාණශීලී අදහස් ජනිත වන කාලයක් බැවික් කලා නිර්මාණ බිහි කිරීමට ශුභ වනු ඇත. කෙටි ගමන්වලින් ඵල අත්වන කාලයක් ද වේ.

තුලා - වි‍ෙද්ශ ගමන්

ආර්ථික වාසි අත්වන කාලයක් වේ. පවුල් දිවියේ සමගිය වර්ධනය වන කාලයක් වේ. යම් යම් කටයුතුවලට විවිධ අයගෙන් බාධා එල්ලවනු ඇත. විදේශ ගතවීමේ බලාපොරොත්තු ඉෂ්ඨ කරගත හැකිවන කාලයක් ද වේ.

වෘශ්චික - යහපත් පිළිගැනීම්

ඔබගේ කටයුතුවලට පැවති බාධා දුරැවී යන කාලයක් වේ. අන් අයගේ පිළිගැනීමට ලක්වනු ඇත. නිවෙසේ අලුත්වැඩියාවක් කිරීමට යහපත් වන කාලයක් වේ.

ධනු - ඇස්වල පීඩා

ඔබගේ කටයුතුවලට බාධා මතුවන කාලයක් වේ. පවුල් දිවියේ සමගිය බිඳවැටෙන අතර සේවා ස්ථානයේ ප්‍රශ්න මතුවීම මත සේවය එපාවන තත්ත්වයට පත්වන කාලයක් ද වේ. ඇස්වල පීඩාවක් ද මතුවන කාලයකි.

මකර - ආදායම ඉහළට

ඔබගේ ආදායම් මාර්ග යහපත් මඟට හැරෙන කාලයක් වේ. දේශපාලන කටයුතුවල නිරත වී සිටින අයට ශුභ ඵල අත්වනු ඇත. සහෝදර බැඳීම් වර්ධනය වන කාලයක් ද වේ. අධ්‍යාපන කටයුතුවල නිරත වී සිටින අයට ද ශුභ ඵල අත්වනු ඇත.

කුම්භ - දරුවකුගේ දක්ෂතාවක්

ඔබට යහපත් ඵල අත්වන අතර ඔබ කරන කටයුතු සාර්ථක බවට පත්වනු ඇත. දරුවකුගේ දක්ෂතාවක් මත සිතට සතුටක් ඇතිවනු ඇත. පැවති අසනීප ගති මඟහැරී සිතට සහනයක් ඇතිවන කාලයකි.

මීන - සාර්ථක කෙටි ගමන්

ඔබට ද යහපත් ඵල අත්වන අතර ඔබ කරන කටයුතු සාර්ථක බවට පත්වනු ඇත. යම් යම් කටයුතු අතපසු වීම්ද ඇතිවන බැවින් අවධානයෙන් කටයුතු කළ යුතු වේ. කෙටි ගමන්වලින් ඵල අත්වන කාලයකි.

ජ්‍යොතිෂ නන්දන
ප්‍රවීණ ජ්‍යොතිෂවේදි ජ්‍යොතිෂාචාර්ය
රේණුක වික්‍රමසිංහ
සුවණැන ජ්‍යොතිෂ පර්යේෂණාගාරය
ඔලබොඩුව, ගෝනපල