මුතුගල සර්ගෙන් පාඩම් කරන හැටි ගැන පාඩමක්

- ප්‍රකට උසස් පෙළ ජීවවිද්‍යා දේශක දිනේෂ් මුතුගල

පාඩම් කරන කාලය නොවෙයි වැදගත්. පාඩම් මතක හිටින්න පාඩම් කළ හැකි කාලයයි. එක ළමයකුට පැය දහයකින් කරන්න පුළුවන් දේ තව ළමයකුට පැය දෙකකින් කළ හැකි වෙනවා. උදේට නැගිට්ටම පාඩම් කරන විෂයය කොටස් ගැන තීරණය කරන්න. අපේ මොළය නිතර හැඩගැහිල තියෙන්නේ අමාරු දේ මුලින්ම අමතක කරන්න.දැන් ඕපාදුප කතාවක් ගනිමු. ඒකෙ ඉලක්කම් ගැනත් කියවෙනවා. පස්සේ අර කතාව මතක් කරන කොට කතාව ඔක්කොම මතකයි. ඉලක්කම් ටික අමතකයි. මොළයේ හැටි එහෙම තමයි. 

අද ගෙදර ගිය ගමන් පාඩම් කළ යුත්තේ අද පන්තියේ උගන්නපු දේවල්. එවිට එව්වා ඉක්මනට මතකයට එනවා. මතකය අලුත්නේ. ඒවා මතකද කියල බලන්න කටු කොළයක මතකයෙන් සටහන් කරන්න පුළුවන්. ඉන්පසු පොතක් තියලා වහලා ආයෙත් මතකද කියල පරීක්ෂා කරන්න. කටුසටහන් කොළ නැත්නම් වයිට් බෝඩ් එකක වුණත් ලියන්න පුළුවන්. මේකට වැඩි වෙලාවක් යන්නේ නැහැ. පැයක් දෙකක් යාවි. ඉන් පසු ඒ විෂයය පැත්තකින් තියන්න. හෙට පන්තියෙ තියෙන්නෙ රසායන විද්‍යාව නම් ඒකෙ හෙට කරන පාඩම අද මුල ඉඳන් කියවන්න. ඊට පසු හෙට පාඩම කරන තැනට පැමිණියාම නවත්වන්න. පන්ති ගිහින් හවස ඇවිත් එදා කරපු රසායන විද්‍යා පාඩම බලලා ඉවර කරන්න. පහුවදා රසායන විද්‍යා පන්තියක් නැත්නම් වෙන රසායන විද්‍යා පාඩමක් බලාගන්න. එදා දවසම ළමයට වෙන් වෙලා තියෙන්නේ රසායන විද්‍යාවට. එත්කොට මොළේ මේ මතක පිළිගන්න කැමතියි. 

youtube ඇසුරිනි..