දරු උපත් වැඩිවන යෝගයක්!
2019 මාර්තු මස 15 වන කිවි දින උදේ 9.00ට බුධ ග්‍රහයා තමාට සම රාශි භවනක් වූ සෙනසුරැට අයත් කුම්භ රාශියට පිවිස අප්‍රේල් මස 12 වන කිවි දින දක්වාම ගමන් කරයි. 2019 මාර්තු මස 22 වන කිවි දින පාන්දර 3.44ට සිකුරැ ග්‍රහයා ද තමාට මිත්‍ර රාශි භවනක් වූ සෙනසුරැට අයත් කුම්භ රාශියට පිවිස එම අප්‍රේල් 16 වන දින දක්වාම ගමන් කරනු ඇත. සිකුරුත් බුධත් යෝගව ගමන් කරන්නා වූ මෙම කාලය තුළ අප රට ගැන විමසා ලැබීමේදී රටේ දරැ උපත් වැඩි කාල සීමාවක් වන බව පෙනේ. විදේශීය රටවල් සමඟ සාර්ථක වෙළඳ ගිවිසුම් ආයෝජන ගිවිසුම් ඇතිවනු ඇත. කාන්තා අභිවෘද්ධිය. උදෙසා යම් යම් කටයුතු දියත් කරන අතර පතල් ආශ්‍රිත අනතුරක් ද ඇතිවේ. මහජනයා අතර කට කතා පැතිර යන අතර තම ස්වාමිපුරැෂයා විසින් භාර්යාවට අමානුෂිය ලෙස වදදීම් ද ඝාතනය කිරීමක් ද වාර්තා වෙයි. කුඩා දරුවන්ට කාන්තාවන්ට සිදුවන අපරාධ ක්‍රියාතුළ වර්ධනයක් පෙන්නුම් කරයි. පුවත්පත්/ ජනමාධ්‍යෙව්දියකුට මාරකයක් ඇතිවේ.
විදේශීය වශයෙන් විමසා බැලීමේදී අයර්ලන්තය, ආසියාතික රටවල් හා සයිප්‍රසය ආශ්‍රිතව ආර්ථික අර්බුදයක් ඇති වන කාලයක් වේ. අමෙරිකානු රටවල් වන ඊජිප්තුව, එංගලන්තය ආදියේ බිහිසුණු දුම්රිය අනතුරක් ද සිදුවිය හැක. ප්‍රසිද්ධ ලේඛකයකුට, චිත්‍ර ශිල්පියකුට මාරක ද ප්‍රංශය, ඉතාලිය, රුමේනියාව යන රටවල සමාජශාලාවල අශුභ සිදුවීමක් ද කාන්තා හිංසන ක්‍රියාවන් ද වාර්තා වනු ඇත. තුර්කිය, ස්විස්ටර් ලන්තය, බැබලෝනියාව, ග්‍රීසිය, බ්‍රසීලය රටවල අපරාධ ක්‍රියාවල වර්ධනයක් ද සිදුවනු ඇත. ඕස්ට්‍රේලියාව, චීනය, ඊජිප්තුව, ආජන්ටිනාව ආශ්‍රිතව මහජනයා අතර කට කතා පැතිර යාම්ද, දික්කසාද වීම් බහුල වෙයි.
මීළඟට ඔබට
මේෂ - සමාජ සේවා කටයුතු
ඔබට යහපත් ඵල අත්වන අතර හවුල් කටයුතුවලින් ද යහපත් ප්‍රතිඵල ලැබේ. විශාල වශයෙන් මුදල් යොදවා කටයුතු කිරීමේදී පරිස්සම් විය යුතු අතර සමාජ සේවා කටයුතුවලට වැඩිපුර යොමුවන කාලයක් ද වේ.
වෘෂභ - කැපී පෙනේ
ඉතා යහපත් වන අතර ඔබ කරන කටයුතු සාර්ථක බවට පත්වනු ඇත. තනි මතයට ගන්නා වූ තීරණවලින් ද යහපත් ඵල ලැබේ. ඔබගේ දරුවකුගේ විශේෂ හැකියාවක් නිසා සිතට සතුට ඇතිවනු ඇත. සේවා ස්ථානයේ ද අන් අය අතර කැපී පෙනෙන තත්ත්වයට පත්වනු ඇත.
මිථුන - කෙටි ගමන්
වැඩිපුර තමා ගැන සිතා කටයුතු කිරීමට යාම නිසා හිත මිතුරන් තමා සමඟ සිත් අමනාපකම් ඇති කරගනු ඇත. ආගමික කටයුතු සඳහා මුල් තැන දෙන කාලයක් ද වේ. කෙටි ගමන් අධිකව යෙදෙනු ඇත.
කටක - නීතිමය ගැටළු
ව්‍යාපාරික කටයුතුවල නිතර වී සිටින අයට යහපත් ඵල අත්වන අතර යම්කිසි ආකාරයක නීතිමය ප්‍රශ්නයකට මැදිවිය හැකි බැවින් පරිස්සම් වන්න. තම කටයුතුවලට විවිධ අයගෙන් බාධා ද ඇතිවනු ඇත.
සිංහ - සතුරන් එළියට
ව්‍යාපාරික කටයුතු ආරම්භයට යහපත් වන්නා වූ කාලයකි. අවිවාහක අයට මංගල යෝජනා ස්ථිර වනු ඇත. ඔබට එරෙහිව පැවති සැඟවුණු සතුරු බලවේගයක් අනාවරණය වනු ඇත. ව්‍යාපාරික කටයුතුවල නියැලි අයගේ දියුණුව ඇතිවී ලාභ වැඩිවීම් සිදුවනු ඇත.
කන්‍යා - ස්ථාන මාරු වීම්
සේවා ස්ථානයෙන් වෙනත් ස්ථානයකට මාරු වීමත් අපේක්ෂා කළ අයගේ බලාපොරොත්තු ඉෂ්ඨ වනු ඇත. තමාගේ යම් කිසි දෙයක් නැති වූයේද එය නැවත ලබාගැනීමට හැකි වන කාලයවක් වන මුත් එම කටයුතුවලට විවිධ පාර්ශවවලින් බාධා ද එල්ල වේ.
තුලා - කලාවට හොඳයි
විරුද්ධ ලිංගික බැඳීම් ඇති වුවද තමා සමඟ ප්‍රේමයෙන් සිටි අය සමඟ සිත් අමනාපකම් ඇතිවනු ඇත. ආර්ථික අපහසුතා ඇතිවනු ඇත. කලා කටයුතුවල නියැලි අයට ඉතා යහපත් වන්නාවූත් වකවානුවක් වේ.
වෘක්චික - සිතට සහනය
ඔබට යහපත් ඵල අත්වන අතර නිවසේ අලුත්වැඩියාවක් කිරීමට සිත් යොදවන වකවානුවකි. තම නෑදෑයන්ගෙන් දුරස්ව කාලය යොමු කරන අතර සිතේ සහනය ගෙනදෙන විසිතුරැ භාණ්ඩ මිලදී ගන්නාවූත් කාලයක් ද වේ.
ධනු - නව නිර්මාණ
ලේඛන කටයුතුවල නිරත වී සිටින අයට ඉතා යහපත් වන අතර නව නිර්මාණ එළිදැක්වීමට ද හැකිවනු ඇත. සිතේ සතුට ඇතිවන අතර කෙටි ගමන්වලින් ඵල අත්කරගත හැකිවනු ඇත.
මකර - උගුරේ පීඩා
ඉතා යහපත් ඵල අත්වන අතර ඔබ කරන කටයුතු සාර්ථක බවව පත්වනු ඇත. ආගමික කටයුතු සඳහා වැඩිපුර කාලය යොදවනු ඇත. සේවයෙන් උසස් වීමක් අපේක්ෂා කළ අයගේද බලාපොරොත්තු ඉෂ්ඨ වේ. උගුර ආශ්‍රිත පීඩාවක් මතුවනු ඇත.
කුම්භ - අලුත් ව්‍යාපාර
ඔබට යහපත් වන අතර අන් අයගේ ආකර්ෂණයට ඔබට ලක්වනු ඇත. හදිසි ඉක්මන් තීරණ නිසා තම හිතවතුන් සමඟ සිත් අමනාපකම් ද ඇති වනු ඇත. අලුතෙන් ව්‍යාපාරික කටයුතු කිරීමට ද යහපත් කාලයක් වේ.
මීන - සතුන්ගෙන් අනතුරු
පවුල් දිවියේ සමගියට බාධා ඇති වන්නාවූත් කාලයකි. තම කටයුතුවලට ද විවිධ වූ අයගෙන් ප්‍රශ්න ඇතිවනු ඇත. සතුන්ගෙන් අනතුරක් ඇති විය හැකි බැවින් පරිස්සම් වන්න.
ජ්‍යොතිෂ නන්දන
ප්‍රවීණ ජ්‍යොතිෂවේදි ජ්‍යොතිෂාචාර්ය
රේණුක වික්‍රමසිංහ
සුවණැන ජ්‍යොතිෂ පර්යේෂණායතනය
ඔලබොඩුව, ගෝනපල