කොළඹ පෙරාපු රාත්‍රිය Colombo Brefest 2019
ප්ලැටිනම් වන් ස්යූට්ස් (Platinum One Suites) ගෙනෙන Colombo Brefest 2019 පසුගියදා පැවැත්වුණා. මාර්තු7, 8 සහ 9 දිනවලදී පැවැත්වුණු මේ වැඩසටහනේදී කොළඹ රාත්‍රී සමාජයට බොහොම නැවුම් දේවල් ගොඩක් එකතුවෙලා තිබුණා. ප්ලැටිනම් වන්, ස්යුට්ස් පළමුවරට සංවිධානය කරපු මේ වැඩසටහන කොළඹ ජීවත්වෙන තරුණ ප්‍රජාවට කොළඹ හැඟීම හොඳහැටි කාන්දු කරපු වැඩසටහනක් කිව්වොත් නිවැරදියි.
විශේෂයෙන්ම සංගීතය, පුදුමය දනවන දේවල්, නෑගි බෝග, ඒ වගේම ආහාර පාන ඇතුළු බොහෝ දේ රැගත් Colombo Brefest සතුට විනෝදය පිරුණු තැනක් බවට පත්ව තිබුණා. ඒ වගේම නර්තනය සඳහාත් හොඳ අවස්ථාවක් සලසා දී තිබුණා.
Platinum One Suites පිහිටලා තියෙන්නේ කොළඹ 3 බගතලේ පාරෙයි. තරමක් කාර්යබහුල ඝෝෂාකාරී පරිසරයක් වුණත් මෙතැනදී විනෝදයෙන් පිරුණු කාලයක් වැඩසටහන අතුරදරදී දකින්න ලැබුණා. ඒ වගේම මෙතැන නිවාස සංකීර්ණයක ලක්ෂණ ගත් හෝටලයක් ක්‍රියාත්මකයි. එහි සාමාන්‍ය කාමර 3ක් සහ Suites පන්නයේ ඒකක 4ක් අඩංගුයි.
