අනපේක්ෂිත අර්බුද රැසක්
මේ තත්ත්වය අප රට කෙරෙහි අවධානය යොමු කිරීමේදී අප රටේ බලාපොරොත්තු නොවූ අපරාධ ක්‍රියා තවදුරටත් ඇති වීමේ ප්‍රවණතාවයක් වර්ධනය වන බැවින් ආරක්ෂාක අංශ දැඩි අවධානයකින් යුක්තව මෙම කාල වකවානු සිටිය යුතු බව කියමු. නාට්‍යශාලා චිත්‍රපටශාලා විනෝද ස්ථාන සමාජශාලා පාසල් අධ්‍යාපනික ස්ථාන ආශ්‍රිතව සිටින අය ඉතා පරිස්සමින් අවධානයෙන් විමසිල්ලෙන් සිටිය යුතුවේ. මේ සමය තුළ හදිසි තත්ත්වයක් ඇතිවීමටත් දේපල ජීවිත හානිවීම්ද ඇති වියහැකිය. මහජන නියෝජිතයකුට ද මන්ත්‍රීවරයකුට ද ඉතා අශුභ වන අතර ඔවුනට මාරක යෙදෙන කාලයක්ද වේ. ස්වාභාවික ආපදා නිසා ද ගංගා පිටාරගැලීම්, නායයෑම්, සුළිසුළං, හේතුවෙන් ජන ජීවිතයට බලපෑම් ඇති වන කාලයක් වේ. මේ කාලයේ හදිසි අනතුරු ද වැඩි බව වාර්තා වෙයි.
විදේශීය වශයෙන් ද ශුභ කාලයක් නොවන අතර මගීන් 100කට ආසන්න ප්‍රමාණයක් රැගත් ගුවන් යානයක් ගුවන් ගත කිරීමේදී හෝ පැමිණීමේදී අනතුරට ලක්වීමක් හෝ ගුවනේදී ගිනි ගැනීමකට ලක්වීමකට ඉඩ ඇත. හදිසි අනතුරු බස් රථ හා දුම්රියවල පිපිරීම් ගිනිගැනීම් මෙන්ම ජෙට් යානා යාත්‍රා අනතුරට පත්වීම් ඇතිවන අතර විදේශ රාජ්‍ය නායකයකුට ඉතා අශුභ ඉරණමකට මුහුණ පෑමට ද සිදුවෙනවා ඇත.
මේෂ - නොබියව ඉදිරියට
ඔබට යහපත් වන අතර ඔබ කාර්මික කේෂත්‍රයේ නියැලි අයකු නම් ඉතා ශුභවනු ඇත. යම් යම් කටයුතු වෙනුවෙන් නොබියව ඉදිරිපත් වන කාලයක් වන අතර සතුරු පීඩා ද පරාජය කළහැකි කාලයකි.
වෘෂභ - පවුල් ප්‍රශ්න
තම දේ රැකගෙන කටයුතු කිරීමට උත්සාහ දරණ කාලයක් වේ. පවුල් ජීවිතයේ යම් යම් ප්‍රශ්න ඇති විය හැකි බැවින් ඉවසීමෙන් කටයුතු කළ යුතුවේ. මිතුරන් පිළිබඳ ගැටලු ඇතිවන කාලයක් ද වේ.
මිථුන - මුදල් පාඩු
විශාල අන්දමෙන් මුදල් යෙදවීම් කිරීමේදී කල්පනාකාරී විය යුතු අතර විශාල පාඩු ඇති විය හැකි කාලයක් ද වේ. ව්‍යාපාරික කටයුතුවල නිරත අයට ද පාඩු ඇතිවන කාලයකි. උදරය ආශ්‍රිතව පීඩාවක් මතුවේ.
කටක - ස්ථාන මාරු
සේවා ස්ථානයෙන් මාරුවීමක් අපේක්ෂා කළ අයට මාරැවීමක් ලබාගත හැකි වනු ඇත. පිටස්තරින් එන ආරංචියක් හේතුවෙන් තැති ගැනීමකට ලක්වන්නාවූත් කාලයක් වේ.
සිංහ - සතුරන් පසුබසී
භූමිය ආශ්‍රිතව සම්පත් ලබා ගැනීමට ශුභ කාලයක් වේ. හදිසි කේන්ති ගති ඇතිවනු ඇත. තමන්ට එරෙහි සතුරැ බලවේග පරාජය කිරීමට හැකියාව අත්වන වකවානුවක් වේ.
කන්‍යා - නව දේපල ලාභ
තම මතයට ක්‍රියාකරමින් ගන්නා වූ තීරණ සාර්ථක වන කාලයක් වේ. සේවා ස්ථානය ආශ්‍රිතව පැවති ප්‍රශ්න මගහැරී වනු ඇත. නව දේපලක් මිලදී ගැනීමට යහපත් කාලයකි.
තුලා - සාර්ථක ප්‍රතිඵල
යම් යම් වැඩවලට ප්‍රමාද ගති ඇති වුවද ඔබගේ උත්සාහය මගින් කටයුතු සාර්ථක කරගත හැකි කාලයක් වේ. තාක්ෂණික හා කාර්මික කටයුතුවල නිරත අයට ද ශුභ ඵල අත්වනු ඇත.
වෘෂ්චික - ශරීර පීඩා
ඔබගේ කටයුතුවලට යම් යම් බාධා ඇති වනු ඇත. මිතුරන්ගෙන්ද ඔබට ප්‍රශ්න ඇතිවන බැවින් කල්පනාකාරිවන්න. ශරීරයේ ලේ ආශ්‍රිත පීඩාවක් ද හදිසි ශරීර පීඩාවක් ද ඇතිවිය හැකි බැවින් ප්‍රවේසම් වන්න.
ධනු - ව්‍යාපාර පාඩු
පවුල් දිවියේ යම් යම් ගැටලු ඇතිවන කාලයක් වන අතර ව්‍යාපාරික කටයුතුවල නිරත අයටද පාඩු ඇතිවේ. නීතිමය ප්‍රශ්නයකට මැදිවිය හැකි බැවින් කල්පනාකාරී වන්න.
මකර - කේන්ති ගති
ඔබට එරෙහි සතුරු බලවේග මර්දනය කරගත හැකි වන කාලයක් වේ. හදිසි කේන්ති ගති ඇතිවිය හැකි බැවින් සිත පාලනය කරගත යුතු කාලයකි. තමාට ලැබෙන ආරංචි පිළිබඳව හොඳින් සොයාබලා කටයුතු කිරීම වැදගත් වේ.
කුම්භ - සතුටින් ගතවේ
විරුද්ධ ලිංගික ආකර්ෂණයට ලක්වන අතර නිතර සතුටින් කාලය ගතකරන වකවානුවකි. හිත මිතුරන්ගෙන් ප්‍රශ්න ඇතිවනු ඇත. රථ වාහන පිළිබඳ කටයුතු කරන අයට යහපත් වේ.
මීන - රථ වාහන ලාභ
තම මකයට අනුව කටයුතු කරන අතර තම කටයුතු සාර්ථක කරගත හැකි කාලයකි. ඉඩකඩම් රථ වාහන මිලදී ගැනීමට ද යහපත් කාලයකි. සේවා ස්ථානය ආශ්‍රිතව පැවති ප්‍රශ්න මඟහැරී යනු ඇත.
ජ්‍යොතිෂ නන්දන
ප්‍රවීණ ජ්‍යොතිෂවේදි ජ්‍යොතිෂාචාර්ය
රේණුක වික්‍රමසිංහ
සුවණැන ජ්‍යොතිෂ පර්යේෂණායතනය
ඔලබොඩුව, ගෝනපල
