එයාර්පෝට් පාරේ සුපිරි ඉතාලි හෝටලේ Tamarind Tree Hotel

Airport Hotel කියන්නෙ ලංකාවෙ ජනප්‍රිය සංකල්පයක් නොවුණත් රටපුරා සංචාරයන්ට පෙර සංචාරකයන්ව ආකර්ෂණය කරගැනීමේ ක්‍රමයක්. කටුනායක, මිනුවන්ගොඩ මාර්ගයේ පිහිටා තිබෙන Tamarind Tree Hotel කියන්නෙත් එහෙම තැනක්. බණ්ඩාරනායක ජාත්‍යන්තර ගුවන්‍ තොටුපොළට විනාඩි 10ක පමණ දුරකින් ප්‍රසිද්ධ මීගමුව වෙරළ තීරයට කිලෝමීටර් කිහිපයක් ඈතින් අක්කර 14ක හරිතවත් තණපලසක, ෆාම් ගස්වලින් වටවෙලා තමයි Tamarind Tree Hotel පිහිටල තියෙන්නේ.

ඉතාලි ආයෝජනයක් වන Tamarind Tree හෝටලය Luxury Chalet 34ක්, Deluxe Rooms 22ක් සහ Luxury Suites 2ක් ඇතුළුව සම්පූර්ණ කාමර 58කින් සමන්විතයි. ඒ වගේම මේ හැමදෙයක්ම AC, Mini Bar, Satellite TV, IDD Phones, Hot and Cold Water වගේ පහසුකම් වලින් සමන්විතයි. විශේෂයෙන්ම Luxury Suites හි නිදන කාමර 2ක්, නවීන පන්නයේ නාන කාමර 2ක්, විසිත්ත කාමරයක්, Microwave උදුනක්, විශාල ශීතකරණයක්, Coffee Maker එකක් වගේම හැඳි ගෑරුප්පු පිඟන් කෝප්ප ආදියෙන් අංගසම්පූර්ණ මුළුතැන්ගෙයක්, Free WiFi මෙන්ම නිස්කලංක උද්‍යානයකින් සහ නාන තටාකයේ දර්ශනකින්ද සමන්විතයි.

වසර ගණනාවක් තිස්සේ Tamarind Tree Hotel කියන්නෙ බණ්ඩාරනායක ජාත්‍යන්තර ගුවන්තොටුපළ ළඟාවෙන මගීන්‍ට ගුවන් යානා කාර්ය මණ්ඩලවලට, සංක්‍රමණික මගීන්ට සුවිශේෂී වූ ස්ථානයක්. ඒ වගේම සංචාරක ව්‍යාපාරිකයන්ටත් මෙතැන විශේෂයි. Tamarind Tree හෝටලය ප්‍රධාන වශයෙන්ම ඉලක්ක කරගන්නෙ Airport Traffic එක. ඔවුන් කියන විදිහට අපහසු ගුවන් ගමනකින් අනතුරුව රටපුරා සංචාරයකට සූදානම් වන හෝ රටපුරා සංචාරයකින් අනතුරුව පිටත්වීමට සූදානම් වන සංචාරකයන්ට සුවපහසු විවේකී කාලයක් ලබාදීම තමයි ඔවුන්ගේ අරමුණ.

සාම්ප්‍රදායික ශ්‍රී ලාංකික ආහාරවලට අමතරව ඉතාලියානු ආහාර රැසක් ඔවුන් පිළිගන්වනවා. ඇත්තට ඔවුන් ඕනෑම වර්ගයේ ආහාරයක් ඔබ වෙනුවෙන් පිළිගන්වන ලෑස්තියි. ඒ වගේම ඔවුන්ගේ Coffee Shop එකෙන් ඕනෑම වර්ගයක බීම ලබාගන්නත් Pool එක ළඟට වෙලා ඒව රසවිඳින්නත් පුළුවන්. ඔවුන්ගේ අවන්හලේ 130කට එකවර අසුන් ගන්නත් පුළුවන්. ස්වාභාවික පරිසරය රසවිඳින්න පුළුවන් Garden Cafe එකකුත් ඔවුන් සතුයි. විවිධ උත්සව සඳහා වෙන්කළ හැකි 300ක් පමණ ඉඩකඩ පහසුකම් සහිත විශාල Banquet Hall එකකුත් Tamarind Tree හෝටලයේ දකින්න පුළුවන්. ඒ වගේම අමුත්තන් 800කට පමණ එකවර පහසුකම් සපයමින් උද්‍යානයේ Outdoor Functions සංවිධානය කරන්නත් ඔවුන් කටයුතු කරනවා.

විශේෂයෙන්ම තල්මසුන් සහ ඩොල්ෆින් නරඹන්න වගේම බෝට්ටු සවාරි සඳහා කල්පිටිය වෙරළට යන්නත් මෙහි නවාතැන් ගන්න සංචාරකයන්ට පුළුවන් . ඉතින් Tamarind Tree Hotel කියන්නෙ Airport Traffic එකට අපූරු විසඳුමක්.

 සනත් වීරසූරිය