තල්පිටිය වෙරළ තීරයේ සීෆුඩ් ස්පෙෂල් Taprobana හෝටලය

සුන්දර තල්පිටිය වෙරළ තීරයේ පිහිටල තියන Taprobana හෝටලයේ ලැගුම් ගන්න ඔබ ආයෙත් වරක් මේ පුංචි ලංකාව ගැන ආදරයෙන් බැඳෙනවා නිසැකයි. මෘදු වැලිතලාවෙන් පිරුණු වෙරළ තීරය, රන්වන් හිරුකිරණ, මුහුදු හුළඟ වගේම තාල වර්ගයේ තුරුවලින් හැඩවුණු අවට පරිසරය ස්වභාවික සෞන්දර්යයේ අපූර්වත්වය කියාපානවා. ඒ නිසාවෙන්මයි Taprobana හෝටලය දේශීය විදේශීය සංචාරකයන්ට අපූරු නවාතැන්පොළක් වෙන්නෙ.

අලංකාර සිතුවම් වලින් සරසපු නූතන පහසුකම් සියල්ලන්ගෙන්ම අංගසම්පූර්ණ කාමර වගේම හෝටලයේ හැමතැනැක්ම හොඳ අවකාශයකින් සහ ආලෝකයෙන් යුක්තයි. ඒ වගේම විශාල නානතටාකය දකින හැමවිටම පිහිනන්න විතරක් නෙවෙයි පාටි එකක් දාන්නත් ඔබට හිතෙනව නිසැකයි.

විශාල තෝරගැනීම් ගොන්නක් එක්ක ඔවුන් පිළිගන්වන උදෑසන, දහවල්, රාත්‍රී ආහාර අතර මුහුදු ආහාර සුවිශේෂීයි. මොකද මේ වෙරළබඩ පරිසරයේ නැවුම් මුහුදු ආහාර ඔවුන් සතු නිසා. ඒ වගේම ඔවුන්ගෙ Room Service Menu එකත් විශාල පරාසයක විහිදෙනවා. විශේෂයෙන් මම තෝරගත්තු චීස් පිරුණු Pepperoni Pizza එක නම් කියාගන්න බැරිතරම් රසවත්. ලාංකීය අනන්‍යතාවය ඔප්පු කරන ඔවුන්ගේ ආගන්තුක සත්කාර අද්විතීයයි. නිවාඩුවක් අතරමැද වුණත් සෞඛ්‍යය සම්පන්න බව ගැන හිතන ඔබ වෙනුවෙන් තමයි ශරීර සුවතා මධ්‍යස්ථානය හා Amoda Spa එක ඔවුන් වෙන්කරල තියන්නෙ.

සංචාරක කර්මාන්තයට අමාරු කාලවකවානුවක වුණත් මේ වගේ සංචාරක නවාතැනක් ගැන ඔබට කියන්නෙ අපි අපිට උදවු කරගන්න ඕන කියන එකත් මතක් කරමින්. ඉතින් වෙරළකරයේ නිස්කලංක නිවාඩුවකට Taprobana හෝටලයට එන්න ඔබටත් පුළුවන්.

 ධනූ 
     you’re my favorite