යාල කැලේ අසබඩ සංචාරකයන්ගේ සොඳුරු නවාතැන Exho Safari Tissa

තිස්සමහාරාමයේ Exho Safari Tissa කියන්නෙ Ceylon Hotel Corporation (CHC) යටතේ පාලනය වන තවත් එක ප්‍රසිද්ධ හෝටලයක්. ඓතිහාසික තිස්සමහාරාම වැව නුදුරේම පිහිටන මේ නවාතැන CHC Tissa Rest House සහ Tissa Maha Hotalaya යන නම්වලින් සංචාරකයන් අතර ප්‍රසිද්ධියක් උසුලනවා.

Exho Safari Tissa ප්‍රධාන වශයෙන්ම යාල ජාතික වනෝද්‍යානය ඉලක්ක කරගෙන නිර්මාණය වූවක්. ලොව විශාලතම දිවි ගහණයක් දක්නට ලැබෙන, වලසුන්, අලි සහ කුරුල්ලන් නැරඹීම සුවිශේෂී වූ යාල ජාතික වනෝද්‍යානයේ සංචාරයට කැමති සංචාරයන්ට ගැලපෙනම නවාතැනක් තමයි මෙම හෝටලය. එමෙන්ම ඓතිහාසික කතරගම පූජාභූමිය හා කිරිවෙහෙර වන්දනාකරන්නට පැමිණෙන බැතිමතුටත් අපූරු ගිමන්හලක්. එමෙන්ම කුරුලු පාරාදීසයක් වූ මෙම ප්‍රදේශයේ සංචාරය කරන්නටත් අතීත රාජකීයයන් ඉදිකළ තිස්සමහාරාම වැවේ බෝට්ටු සවාරිවලට එක්වන්නත් Exho Safari Tissa හී නවාතැන් ගන්න සංචාරකයන්ට හැකියි.

Tissa Rest House ලෙස ආරම්භ වී 2011 වසර වනවිට සියලුම නවීන පහසුකම් සහිතව සංවර්ධනයට වූ හෝටලය 2016 දී Exho Safari Tissa නම් ලබනවා. සංචාරකයන්ව පිළිගැනීමේ ශාලාවේ පෝටිකෝව දක්වාම වාහන රැගෙන ඒමේ පහසුකම් සහිත අතර පොල් අතු සෙවිලිකළ විශාල ගස් කඳන් කණු ලෙස යොදා නිර්මාණය කළ ශාලාව දොරවල් සහ වායුසමීකරණයෙන් තොර වන අතර විවෘත ස්වභාවික සිසිල් වටපිටාවක් නිර්මාණය කරනවා.

Deluxe Rooms 47ක් සහ Suites 3ක් ඇතුළු කාමර 50 කින් සමන්විත වන අතර නවීන පහසුකම් සහිතයි. පහත මහළේ කාමර නාන තටාකය සහිත උද්‍යානයට විවෘත වන නිසාවෙන් උදෑසන නැවුම් අවදිවීමක් බලාපොරොත්තු විය හැකියි. එමෙන්ම Exho Safari Tissa හී ප්‍රධාන අවන්හලද නාන තටාකයට පසෙකින් පිහිටන අතර එය දේශීය සහ බටහිර ආහාරයන්ගෙන් සමන්විතයි. Exho Safari හී චෙෆ් සමන් සේනාධීර පවසන ආකාරයට ඔවුන් තම ආගන්තුකයන් සඳහා නැවුම් මුහුදු ආහාර කිරින්ද වෙරළින් ගෙන එන අතර සංචාරකයන්ගේ ඕනෑම ඉල්ලීමක් ඉටුකිරීමට කැපවී සිටී. එමෙන්ම BBQ එළිමහන් ආහාර වේලකටද සංචාරයන්ගේ ඉල්ලීම අනුව ඔවුන් පහසුකම් සලසයි.

යාල ජාතික වනෝද්‍යානය, කතරගම, කිරිවෙහෙර, බූන්දල කුරුලු අභයභූමිය, ටෙලි සිනමා ගම්මානය ආදී බොහෝ සංචාරක ස්ථානයන්ට පහසුවෙන් ළඟාවිය හැකි Exho Safari Tissa සැබැවින්ම අපුරැ සංචාරක නවාතැනක්.

- සනත් වීරසූරිය
- සේයාරූ - ශාන් බන්දු වීරසිංහ