විදේශ ආයෝජන ලියලයි

ග්‍රහ මණ්ඩලයේ බුද්ධිමතා වූ බ්‍රහස්පති ග්‍රහයා තමාට ස්වක්ෂෙත්‍ර රාශි භවනක් වන ධනු රාශියට 2019 නොවැම්බර් මස 5 වැනි කුජ දින පාන්දර පහ පසු වී විනාඩි 25 පිවිසෙයි. 2020 මාර්තු මස 30 වැනි සඳු දින පාන්දර තුන පසු වී විනාඩි 48 දක්වාම මෙලෙස බලවත් වූ ගමනක බ්‍රහස්පති යෙදෙනවා ඇත. මෙම වකවානුව තුළ මිථුන, කන්‍යා, ධනු හා මීන යන ලග්නවලින් උත්පත්තිය ලබන්නා වූ දූ දරුවන් ඉතා වාසනාවන්ත වන අතර ඔවුනට ගුරු හංස යෝග බලයේ ඵල ලබමින් ඉතා බුද්ධිහත්ව රටට වැඩදායී දූ දරැවන් ලෙස කටයුතු කිරීමේ වාසනාව උදා වේ.

බ්‍රහස්පති මාරුව අප රටට ඇති කරන්නා වූ බලපෑම පිළිබඳව විමසා බැලීමේදී මහජන සුබ සිද්ධිය උදෙසා රජය මඟින් විවිධ තීරණ ගන්නා කාලයක් වන අතර ජනතාවට හිතැති නව නීති පනත් සම්මත වන්නා වූ වකවානුවක් වේ. එසේම රටෙහි ආර්ථික වර්ධනයක් ද සිදුවන කාලයක් වේ. විදේශීය සම්බන්ධතා ඇතිවීමෙන් රට තුළ විදේශ ආයෝජන වර්ධනය වන අතර එම එමඟින් විදේශ විනිමය රටට ලැබීමත් සිදුවනු ඇත. රට තුළ විවාහ වීම් අධික වන කාලයක් වේ. අධ්‍යාපන කටයුතු වෙනුවෙන් නව හඳුන්වාදීම් මෙන්ම නව ක්‍රමවේද ක්‍රියාත්මක වනවා ද ඇත. දුම්රිය හා තැපැල් ආශ්‍රිත ප්‍රශ්න සමතයකට පත්වන අතර පුවත් දැනගැනීමට මහජනයා උනන්දුව වැඩි කරන කාලයක් ද වේ.

මේෂ - කටයුතු සාර්ථකයි

ඔබට යහපත් ඵල අත්වනු ඇත. ඔබ කරන කටයුතු සාර්ථක වන අතර අධ්‍යාපනයේ නිරත වී සිටින අයට ඉතා යහපත් ඵල අත්වේ. ආගමික කටයුතුවලට වැඩිපුර යෙදෙන වකවානුවක් වේ. තමා ගැනම සිතා කටයුතු කිරීම හේතුවෙන් හිතවතුන් තමා සමඟ සිත් අමනාපකම් ද ඇති කරගනු ඇත. 

වෘෂභ - මුදල් පාඩු

ව්‍යාපාරික කටයුතුවල නිරත වී සිටින අයට යහපත් ඵල අත්වන අතර නොගැලපෙන අය තමා සමඟ මිතුරු වීම් ඇති කරගන්නාවූත් කාලයක් බැවින් කල්පනාකාරී වන්න. විශාල වශයෙන් මුදල් යෙදවීම් කිරීමේදී පරිස්සම් විය යුතු අතර මුදල් පාඩු හිමිවන කාලයක් වේ. අවිවාහක අයට නොගැලපෙන යෝජනා ඉදිරිපත් වන කාලයක් බැවින් හදිසි තීරණ ගැනීමෙන් වළකින්න.

මිථුන - මංගල යෝජනා

ඔබට ඉතා යහපත් ඵල අත්වන ගුරැ හංස යෝග බලය උදාවන්නාවූත් වකවානුවක් වේ. අවිවාහක අයට මංගල යෝජනා ඉදිරිපත් වන අතර පවුල් දිවියේ සමගිය වර්ධනය වෙයි. හවුල් කටයුතුවලින් ද සමාජ සේවා කටයුතුවලින් ද ඵල ලබන කාලයකි. හෘදය රෝග පීඩා ඇති අය තරමක් පරිස්සම් විය යුතු කාලයක් ද වේ.

කටක - සතුරන් පසුබසී

ආර්ථික අපහසුතා පැන නගින කාල සීමාවක් වන අතර ඔබට එරෙහිව පැවති සතුරු බලවේග පරාජය කිරීමට හැකි වන කාලයකි. සේවා ස්ථානයේ පැවති ප්‍රශ්න මඟහැරී යනු ඇත. විශාල අන්දමෙන් මුදල් යොදවා කටයුතු කිරීමේදී ඉතා පරිස්සම් විය යුතු අතර විශාල මුදල් පාඩු ලබන වකවානුවක් ද වේ.

සිංහ - අධ්‍යාපනයට හොඳයි

ඔබට යහපත් ඵල ගෙන දෙන අතර ඔබ කරන කටයුතු සාර්ථක වන්නාවූත් කාලයක් වේ. අධ්‍යාපන කටයුතුවල නිරත වී සිටින දූදරුවන්ට ඉතා යහපත් තරග ජය හිමිකර ගත හැකි කාලයක් ද වේ. ආගමික කටයුතුවලට සහභාගී වීමට අවකාශ අත්වනු ඇත. ආර්ථික ලාබ අත්වන අතර තැන්පත් ධනය ද වැඩිකරගත හැකි වන කාලයක් වේ. විරුද්ධ ලිංගික ආකර්ශනයට නතු වන කාලයක් ද වේ.

කන්‍යා - අලුත් වාහන ලාභ

ඔබට ඉතා යහපත් ඵල ගෙන දෙන ගුරැ හංස යෝග බලයේ ඵල අත්වනු ඇත. උරැම හිමිකම් ලබාගත හැකි වන අතර අලුතෙන් ඉඩමක් වාහනයක් මිලදී ගැනීමට ද ශුභ කාලයක් වේ. සේවා ස්ථානය ආශ්‍රිතව පැවති ප්‍රශ්න මගහැරී යනු ඇත. නව රුකියා බලාපොරොත්තුවක් ද ඉෂ්ඨ වනු ඇත. යම් යම් කටයුතුවලට නොබියව ඉදිරිපත් වන සමයකි.

තුලා - තරග ජයග්‍රහණ

මාධ්‍ය කටයුතුවල මෙන්ම ලේඛනයේ නිරත වී සිටින අයට ශුභ ඵල අත්වන අතර නව නිර්මාණශීලී අදහස් ජනිත වන්නාවූත් කාලයකි. උසස් අධ්‍යාපන කටයුතුවල නිරත වී සිටින අයට ශුභ ඵල හිමිවන අතර තරග ජයග්‍රහණ ද ලැබෙන කාලයක් වේ. හවුල් කටයුතුවලින් ද ඵල ලබන ආර්ථික වාසි ලැබෙන කාල සීමාවක් ද වේ.

වෘෂ්චික - නව රැකියා අවස්ථා

තම තැන්පත් ධනය වර්ධනය කරගත හැකි වන අතර පවුල් දිවියේ සමගිය ද ඇතිවන කාලයක් වේ. සේවා ස්ථානය ආශ්‍රිතව පැවති ප්‍රශ්න මඟහැරී යන අතර නව රුකියා බලාපොරොත්තු ද ඉෂ්ඨ වන කාලයක් වේ. සමාජ සේවා කටයුතුවල වැඩි වශයෙන් නිරත වීමට අවකාශ අත්වනු ඇත. දත්වල පීඩා මතුවනු ඇත. 

ධනු - ආර්ථිකය යහපත්

ඔබට ඉතා යහපත් ඵල ගෙන දෙමින් ගුරු හංස යෝග බලයේ ඵල අත්වනු ඇත. අන් අය අතර කැපී පෙනෙන තත්ත්වයට පත්වෙයි. අධ්‍යාපන කටයුතුවල නිරත වී සිටින අයට ද ශුභ ඵල අත්වනු ඇත. ආර්ථික වර්ධනයක් ද සිදුවන අතර හිතමිතුරන්ගෙන් උදව් උපකාර හිමිවන සිතේ සතුට ඇතිවන කාල සීමාවක් වේ. අලුතෙන් ව්‍යාපාරයක් ආරම්භ කිරීමට ද ශුභ වනු ඇත.

මකට - විනෝද සංචාර 

විශාල වශයෙන් මුදල් යොදවමින් කටයුතු නොකළ යුතු කාල සීමාවකි. උරැම හිමිකම් ලබාගත හැකි වන අතර පවුල් දිවියේ සතුට සමගිය ඇතිවන කාලයක් ද වේ. පවුල් දිවියේ සතුට වෙනුවෙන් විනෝද චාරිකා සංචාරවල ද යෙදෙන කාලයක් වේ.

කුම්භ - අලුත් ව්‍යාපාර

ආර්ථික වාසි අත්වන අතර ලැබීම් මාර්ග දියුණු වන කාලයක් ද වේ. හිත මිතුරන්ගෙන් ද උදව් උපකාර අත්වෙයි. තම උත්සාහයෙන් කටයුතු රුසක් සාර්ථක බවට පත් කරගත හැකි කාලයක් ද වේ. මාධ්‍ය ක්ෂේත්‍රයේ හා දේශපාලන ක්ෂේත්‍රයෙහි නිරත වී සිටින අයට ද ශුභ ඵල අත්වන අතර අලුතෙන් ව්‍යාපාරික කටයුතු ආරම්භ කිරීමට ද යහපත් වන්නා වූ කාලයක් වේ.

මීන - අලුතින් දේපොළ

ඔබට ද ගුරැ හංස යෝග බලයේ ඵල අත්වන අතර සේවා ස්ථානය ආශ්‍රිතව ප්‍රශ්න මගහැරී යන අතර නව රුකියා බලාපොරොත්තු ද උසස්වීම් ද ඉෂ්ඨ කරගත හැකිවනු ඇත. අලුතෙන් දේපල මිලදී ගැනීමක් ද සිදුකරන වකවානුවක් වේ. පවුල් දිවියේ ද සතුට ඇතිවන්නා වූත් කාලයක් වේ.

ජ්‍යොතිෂ නන්දන
ප්‍රවීණ ජ්‍යොතිෂවේදි ජ්‍යොතිෂාචාර්ය
රේණුක වික්‍රමසිංහ
සුවණැන ජ්‍යොතිෂ පර්යේෂණායතනය
ඔලබොඩුව, ගෝනපල