මන්දාරම් නුවර සොඳුරු දසුන් මැද ගැටෙන ජයවර්ධන බංගලාව

නුවරඑළිය කඳු අතර සංචාරය කරන ඔබට ඇතැම් විට මන්දාරම් නුවර හුරුපුරුදු නමක් නොවන්නට හැක. දිනයේ පළමු හෝ අවසන් හිරු කිරණ කිසි දිනෙක නොදකින උස් වූ කඳු සහ වනාන්තර සෙවණැලිවලින් අඳුරු වූ අද්භූත සුන්දර ගම්මානයක් නම් මන්දාරම් නුවරයි. පිදුරුතලාගල රක්ෂිතයට මායිම්ව මන්දාරමෙන් වැසී ගිය මේ ගොවි ගම්මානය වික්‍රමාන්විත සංචාරකයන් හට අපූරැ තෝතැන්නකි.

කොළපතන ඇල්ල, කබරගල ඇල්ල, ඇතිනි වැටුණු ඇල්ල ආදී දියඇලි කිහිපයකින් සමන්විත ගම්මානයට වර්ෂාව නම් සුලබය. තවමත් එතරම් ගවේෂණය නොවූ මේ නැවුම් සංචාරක පියසේ නවාතැන් ද සුලබ නොවේ. නමුත් ඔබ මන්දාරම් නුවර සංචාරය කරන්නේ නම් ජයවර්ධන බංගලාව ඔබේ නවාතැන්පොළට සුදුසුම ස්ථානය වනු ඇත. මුතුන්මිත්තන්ගෙන් උරුම වූ මේ පැරැණි බංගලාව නවීකරණයෙන් පසු සුඛෝපභෝගී සංචාරක නිවෙසක් බවට පත් කළ බව එහි හිමිකරු ක්‍රිෂ් ජයවර්ධන මහතා පැවසීය.

ජයවර්ධන බංගලාව මන්දාරම් නුවර සොඳුරු දසුන් නෙත ගැටෙන ස්ථානයක පිහිටා ඇත. Double bunker beds සහිත unit 3කින් යුත් පැරැණි නිවෙස pass 8ක් සඳහා සුවපහසු නවාතැනක් සපයයි. ලී ගෘහභාණ්ඩ සහිත සම්ප්‍රදායික ජර්මානු beer garden එකක් වන  පසුපසවත්ත කඳුවළල්ලේ අපූරු දසුන් නෙත ගැටෙන තැනකි. ජයවර්ධන බංගලාවේ චෙෆ් සමන් ප්‍රියන්ත මහත්මා දේශීය ආහාර ඇතුළු විවිධ ආහාර වර්ගවලින් සංචාරකයන් පිනවීමට සැදී පැහැදී සිටී. සැබැවින්ම අපූරු පරිසරයක වෙනස්ම නිවාඩුවකට ජයවර්ධන බංගලාව සුවිශේෂී ස්ථානයකි.

කඳු නැගීම, දියඇලි හි ස්නානය, trekking, කුරුල්ලන් නැරඹීම, jungle safari මෙන්ම වනාන්තර මායිමේ කඳවුරු බැඳීම ආදී වික්‍රමාන්විත සඳහා මඟපෙන්වන්න ද ඔවුන් සූදානමිනි.

ඉතින් ඔබත් වෙනස් වූ අත්දැකීමකට කැමති නම් මන්දාරම් නුවර සංචාරය අපූරු එකක් වනු ඇත.

සනත් වීරසූරිය 
සේයා රූ : ශාන් බන්දු වීරසිංහ