දුම්රිය අනතුරු බහුලවේ...

මේ වනවිට මේෂ රාශියෙහි ගමන් කරමින් සිටින සිකුරුත් යුරේනසුත් අතර ග්‍රහ යුධ සංග්‍රාමයක් 2020 මාර්තු 9 වන දින පාන්දර 1 පසුවී විනාඩි 9ට සිදුවනු ඇත. මේෂ රාශියෙහි කේතුට අයත් අස්විද නැකතේ දී සිදුවන මෙම ග්‍රහ යුධ සංග්‍රාමය හේතුවෙන් සිකුරුගේ සහ යුරේනස්ගේ අයහපත් වූ ග්‍රහ කිරණ පෘථිවියට එල්ලවනු ඇත. මේ හේතුවෙන් අප රටට කුඩා දරුවන්ට මෙන්ම කාන්තාවන්ට ද අයහපත් වන අතර ඔවුන් වදහිංසාවලට ලක්වීම්ද පහරදීම්ද වාර්තා වනු ඇත. දුම්රිය ධාවන අනතුරැ ද බස් රථ, මෝටර් රථ දුම්රිය හදිසි ගිනි ගැනීම් වැනි බිහිසුණු අනතුරු වීම්ද වාර්තා වනවා ඇත. ආගමික නායකයකුට මෙන්ම සන්නිවේදන මාධ්‍ය කේෂ්ත්‍රයේ මෙන්ම ලේඛකයකුට මාරක ඇතිවීම්ද වාර්තා වන කාලයක් වේ. 

මේෂ - පවුලේ සමගිය

ඔබගේ කටයුතුවලට පැවති බාධා දුරුවී යනවා ඇත. පවුල් දිවියේද සමගිය වර්ධනය වන අතර අවිවාහක අයට මංගල යෝජනා ඉදිරිපත් වන්නාවූත් කාලයක් ද වේ. කලා කටයුතුවල නිරත වී සිටින අයට ශුභ ඵල ගෙනදෙන අතර ශරීර ශක්තියට බාධා ගෙන දෙමින් තිබූ රෝගී තත්ත්වයක් පහව යනු ඇත.

වෘෂභ - සතුරන් මර්දනය

පවුල් දිවියේ පැවති ආරවුල් මගහැරී යන කාලයක් වේ. ඔබට එරෙහිව පැවති සතුරැ උවදුරැවක් මර්දනය කිරීමට හැකියාව අත්වනු ඇත. උරැම හිමිකම් ලබාගැනීමට ද යහපත් වන කාලයක් වේ. සෙම් පීඩාවක් මතුවනු ඇත.

මිථුන - කලාවට හොඳයි

දේශපාලන කටයුතුවල නිරත වී සිටින අයට පැවති සතුරැ උපද්‍රව මගහැරී යන කාලයක් වේ. කලා කටයුතුවල නිතර අයට ශුභ ඵල වර්ධනය වන අතර විරැද්ධ ලිංගික බැඳීම් ද ඇතිවන කාලයක්වේ. කලාත්මක දේවල්වලට සහ ඇඟළුම් ආශ්‍රිත ව්‍යාපාර සඳහා ලාභ ලැබෙනු ඇත.

කටක - උගුරේ අසනීප

සේවා ස්ථානයේහි අනිකුත් සේවකයන් සමඟ තිබුණු සිත් අමනාපකම් මගහැරී යනු ඇත. නව දේපලක් මිලදී ගැනීමට ද යහපත් වන්නා වූ කාලයක් වේ. කලාත්මක සිතුවිලි ඇතිවන අතර උගුර ආශ්‍රිත පීඩාවක් මතුවනු ඇත.

සිංහ - සාර්ථක ගමන්

නිර්මාණශීලී කටයුතුවල නිරත අයට යහපත් ඵල අත්වන අතර කෙටි ගමන්වලින් සාර්ථක ඵල අත්වන කාලයකි. පවුලේ සහෝදර සහෝදරියන් සමඟ හොඳ හිත වර්ධනය වනු ඇත. වන්දනා ගමන් විනෝද ගමන් යෙදෙන කාලයක් ද වේ.

කන්‍යා - දේපල ලාභ

ඔබගේ කටයුතුවලට විවිධ වූ බාධා ඇතිවන අතර මිතුරන්ගෙන් ද ප්‍රශ්න මතුවන කාලයක් වේ. පවුල් දිවියේ සමගිය ඇතිවනු ඇත. විවාහක අයකුට තම කාලත්‍රයාගෙන් ලැබිය යුතු දේපලක් ලබාගත හැකි වන කාලයක්ද වේ.

තුලා - මංගල යෝජනා

පවුල් දිවියේ පැවති ප්‍රශ්න මගහැරි යන අතර අවිවාහක අයට මංගල යෝජනා ඇති වන කාලයක් ද වේ. ව්‍යාපාරික කටයුතුවල නිරත අයට මෙන්ම හවුල් කටයුතුවල නිරත වී සිටින අයට ද ශුභ ඵල අත්වනු ඇත. 

වෘශ්චික - සතුරු බලවේග

ඔබගේ කලත්‍රයාට පැවතියා වූ අසනීප තත්ත්වයන්ගෙන් යම්තාක් දුරට මිදීමට හැකිවන කාලයකි. ඔබගේ කටයුතුවලට විවිධ පාර්ශ්ව මගින් බාධා ඇතිකරනු ඇත. ඔබට එරෙහි සතුරු බලවේගද හිස ඔසවන කාලයකි.

ධනු - හවුලෙන් වාසි

කලා කටයුතුවල නිරත වී සිටින අයට යහපත් ඵල ගෙන දෙන කාලයක් වන අතර විරුද්ධ ලිංගික ආකර්ෂණයට ලක්වනු ඇත. අවිවාහක අයට මංගල යෝග උදාවන අතර. හවුල් කටයුතුවලින් ද ඵල අත්වනු ඇත.

මකර - නව ව්‍යාපාර

සිතේ සතුට ගෙනදෙන කාලයක් වන අතර අලුතින් ඉඩමක් හෝ වාහනයක් මිලදී ගැනීමට ද ශුභ වේ. රුකියාව ආශ්‍රිතව පැවති ප්‍රශ්න මගහැරීයන අතර අලුතින් ව්‍යාපාරයක් ඇරඹීමට ද ශුභවන කාලයකි.

කුම්භ - ආගමික උත්සව

නිර්මාණශීලී අදහස් ජනිත වන කාලයක් වන අතර සහෝදර සහෝදරියන් සමඟ හොඳ හිත වර්ධනය වනු ඇත. ඵලදායි වූත් කෙටි ගමන් යෙදෙන අතර ආගමික උත්සවවලට ද සහභාගී වන කාලයක් වේ.

මීන - කැපි පෙනේ

පවුල් දිවියේ සතුට ඇතිවන කාලයක් වන අතර ආර්ථික වාසිද ගෙනදෙන සමයකි. යම් යම් කටයුතුවලට නොබියව ඉදිරිපත් වන අතර අන් අය අතර කැපී පෙනෙන තත්ත්වයට පත්වනු ඇත.

ජ්‍යොතිෂ නන්දන
ප්‍රවීණ ජ්‍යොතිෂවේදි ජ්‍යොතිෂාචාර්ය
රේණුක වික්‍රමසිංහ
සුවණැන ජ්‍යොතිෂ පර්යේෂණායතනය
28 ඔලබොඩුව, ගෝනපල