Two අයිඩියාස්
මොනවම හරි කරන්න ඕනෑ. ඒත් මොකක්ද කරන්නේ. මෙන්න මේ ප්‍රශ්නෙ නිසා ව්‍යාපාර පටන් ගන්න හිතන ගොඩක් දෙනා අතරමඟ නැවතිලා ඉන්නවා. ඉතින් හැම සතියකම පොඩි අදහස් දෙකක් අපි ඔයාලට දෙනවා...
ඕකිඩ් වගාවක් කරමු
ලංකාවේ ඇතැම් ගෘහණියන් මේ වෙනකොටත් සාර්ථකව කරගෙන යන වගාවක් තමා ඕකිඩ් නැත්නම් උඩවැඩියා වගාව. ගොඩක් දෙනෙක් ආසාවට ලස්සනට තමා මේ වගාව ගෙවත්තෙ සිදු කරන්නෙ.
ඒත් ඇත්තටම මේක සැලකිය යුතු මුදලක් උපයන්න පුළුවන් වගාවක්. ඕකිට් වර්ගවලට වෙළෙඳපොළේ හොඳ ඉල්ලුමක් තියෙනවා. මේ වගාව සඳහා දැනුම කෘෂිකර්ම අමාත්‍යාංශය සම්බන්ධ කරගෙන ලබාගන්න පුළුවන්. විවිධ පුහුණු වැඩසටහන් සෑම දිස්ත්‍රික්කයකම වගේ ක්‍රියාත්මක වෙනවා.
යම් දැනුමක් එක්ක සුළුවට වාණිජ අරමුණින් ඕකිඩ් වගාවක් ඔබට ආරම්භ කරන්න පුළුවන්. විශාල වියදමක් දරන්නේ නැතුව මල් ගැන ආසාවක් තියෙනවා නම් පුංචි ආරම්භයක් අරගන්න. පියවරෙන් පියවර වගාව සංවර්ධනය කරගෙන වෙළෙඳපොළ නිර්මාණය කර ගත්තොත් ලොකු තැනකට යන්න පුළුවන්.
හෑන්ඩ් බෑන්ඩ් හදමු
අතින් නිර්මාණය කරපු හෑන්ඩ් බෑන්ඩ් වගේම එක එක පාටින් ගොතපු නූල් වර්ගවල වෙළෙඳපොළේ තියෙනවා ඔබ දැක ඇති. ගොඩක් දෙනෙක් මේවා පළඳින්න කැමැතියි.
ව්‍යාපාරයක් විදිහට මේ වගේ දේවල් නිර්මාණය කරන්න ඔයාට පුළුවන්. සරල අමුද්‍රව්‍ය තමා ඕනෑ වෙන්නෙ. යූටියුබ් වගේ සමාජ මාධ්‍යයක් වුණත් ප්‍රමාණවත් ඒ වගේ අත් පළඳනා නිර්මාණය කරන්න ඉගෙන ගන්න. නිවසේ කාලය ගත කරන තරැණියන්ට ගෘහණියන්ට වැඩිහිටියටන්ට මේක හොඳ ව්‍යාපාර අවස්ථාවක්.
ලවර්ස් කියන මාදිලියේ කඩවලට මේ දේවල් ලබා දෙන්න පුළුවන්. ඒ වගේම සමාජ මාධ්‍ය හරහාම වෙළෙඳපොළක් නිර්මාණය කර ගන්න පුළුවන්. මේවා හදන විදිහ ටික් ටොක් ෆේස්බුක්වල, කෙටි වීඩියෝ, ෆොටෝ දැම්මා නම්
අනිවා ර් යෙන් වෙළෙඳපොළක් නිර්මාණය වෙනවා.