මේ බැරියර් පෙරළන්න

ඉපදුණානම් ඉතිං
ලෑස්තිවෙන්න මොන්ටිසෝරි යන්න
හැංගිමුත්තන් කරලා කොහොමද
ශිෂ්‍යත්වෙ පාස් වෙන්නෙ
ඕලෙවල් ඒලෙවල්
කොහෙද අපිට වෙලාවක්
පෙනහළු පිරෙන්න 
නිදහසේ හුස්ම ටිකක් ගන්නවත්
ළමා කාලය යොවුන් විය
කොහෙද අපිට සුන්දර
ටාගට් කවර් කරනවා විතරයි
ඉතිං ඔයා එනවද
මේ බැරියර් පෙරළන්න

පුළුවන් තරම් දුර ඉගෙන ගන්න
හොඳ රස්සාවක් හොයාගන්න
ලස්සන ගෙයක් හදන්න
වාහනයක් ගන්න
හොඳ තැනකින් කසාදයක්
දරුවො ටිකක්
අන්තිම කාලෙ
අනේ අපි පන්සල් යන්න
කවුදෝ හදපු තනුවක්
අපි හතිදාගෙන ගහන එකද
ජීවිතය කියන්නෙ
ඉතිං ඔයා එනවද
මේ බැරියර් පෙරළන්න

හුස්ම පොද විස කෙරුව
වතුර ටික මිල කෙරුව
මිනිස්කම සතපවා
නරැමකම අල්තාරයේ ඉන්දුව
තව කොච්චරනම් කලක්
නව ලිබරල් ධනේෂ්වර ශීලය
අපි සමාදන් වෙනවද
මේ ක‍්‍රමයෙ බැතිමතුන් වෙනවද
ලාභෙට වන්දනාවෙ යනවද
බැංකු ගිණුමෙන් නිවන් දකිනවද
වෙනසක් ඕනෙ නැද්ද
ඒකට දහිරිය නැද්ද
සමනළ සිහින දකින
දෙබරෙක් වෙන්න
ඉතිං ඔයා එනවද
මේ බැරියර් පෙරළන්න

I රිවිහාර පින්නදූ