HIT TIPS

හිල්ටන් විලාසිතා

අතීත සේද මාවත යුගයේ අපේ රටේ තිබුණු අත් යන්ත්‍ර රෙදි පිළි නිර්මාණ සිහිගන්වමින් සහ විශේෂයෙන්ම අත්යන්ත්‍ර රෙදිවලින් නිර්මාණය කෙරුණු ආභරණ සහිත විශේෂ විලාසිතා දැක්මක් නොවැම්බර් 27 වැනිදා සවස 5 සිට 8 දක්වා කොළඹ හිල්ටන් හෝටලයේදී පැවැත්වෙනවා. හිල්ටන් High Tea වලට සමගාමීව පැවැත්වෙන මේ විලාසිතා දැක්මෙන් ලැබෙන සියලු ආදායම් ආබාධිත දරුවන්ගේ සුබසෙත වෙනුවෙන් සුනෙර පදනමට ලැබෙන බවත් සඳහන්. 

පොඩ්ඩන්ට ඉවුම් පිහුම්

කොළඹ තිඹිරිගස්යාය පාරේ පිහිටා තිබෙන MA’s Gourmet අවන්හල උදාවෙන උත්සව සමය වෙනුවෙන් අලුත් විදිහකට සැරසෙමින් සිටිනවා. ඒ කුඩා ළමයිනුත් හවුල් කරගනිමින්. ඒ අනුව උත්සව සමයේදී පොඩ්ඩන්ට ඉවුම් පිහුම් වැඩමුළුවන් පවත්වන්න මේ අවන්හල ලෑස්තියි. නොවැම්බර් 29 සවස 3.30 සිට 5.30 දක්වා මේ වැඩමුළුවට එක්වන්න පොඩ්ඩන්ට පුළුවන්.