ස්වීටිගේ මළ මඟුල!

මේ නට්‍ය ශාලාවක සිදුවීමක්. මේ නාට්‍ය ශාලාවේ ඉන්න ප්‍රේක්ෂකයන්ගේ අත්පොළසන්, විසිල් මැදින් වේදිකාවට වැඩි උස මහත නැති තරුණයෙක් එනවා. ඔහුගේ නම සහීල් මිර්සා. කොහොමද ඉතින්? කට්ටියම මොකද කියන්නේ? මගේ නම සාහීල් මිර්සා. මම තමයි මේ නාට්‍යයේ රචකයත්, අධ්‍යක්ෂකත්. මගේ මේ නාට්‍ය මොළයෙන් නෙවෙයි හදවතින් විතරක් බලන්න. එසේනම් මෙන්න ඔබ ඉදිරියේ පෙන්වන්නේ එක කෙල්ලෙක් හිටියා ඇය දැක්කම අන්න එහෙම දැනුණා.

මේ විවාහ උත්සවයක සිදුවීමක්. මෙන්න මේ විවාහ උත්ස්වයේ ඉන්න සුරූපී තරුණියක් තමන්ගේ කුඩා කාලයේ ඉඳන් දකින සිහිනය මතකයට නගාගෙන එහි මිහිර විඳගනිමින් ඉන්නවා. එයාගේ නම ස්වීටී චවුද්‍රී.
ස්වීටී - මම ලොකු කෙනෙක් වුණාම මටත් ආදරයක් තියේවි මටම කියලා. මමත් මනාලියක් වෙලා විවාහ වෙනවා. 
ස්වීටී තමන්ගේ විවාහය ගැන සිහින දකිමින් ඉද්දී ඇයගේ සහෝදරයා ඔවුන්ගේ තාත්තා බල්බීර් ගාවට එනවා.

ඩැඩී අපිට ඉක්මනටම ස්වීටීව විවාහ කරලා දෙන්න වෙනවා.
තාත්තා - කොල්ලෙක්ව ගස්වලින් කඩා ගන්නද?
අම්මා - මම දන්නවා නියම කොල්ලෙක්ව.

ස්වීටී - මම කොයිවෙලාවෙද ඒ කොල්ලා දැක්කේ. මට එයා නැති වුණොතින් ජීවත් වෙන්න බැහැ කියලා දැනුණා මට. 
සහීර් ස්වීටී ගැන සිහින දකිමින් ඉන්නකොට ස්වීටිට වෙනත් මනාලයෙක් හොයනවා ගෙවල්වලින්. ඔහුගේ නම රාසා. ඔහු වැඩ කරන්නේ ලන්ඩන්වල. ඔහු හොඳට මුදල් උපයන  කෙනෙක්. 
ඒ අතරේ ස්වීටිගේ සහෝදරයත් ස්වීටිට කොල්ලෙක්ව හොයන් ඇවිලා තමන්ගේ තාත්තා ගාවට යනවා. 

ස්වීටිගේ සහෝදරයා - ඩැඩී මං හොඳ කොල්ලෙක්ව හොයාගත්තා. මගේ හොඳ යාළුවෙක්. එයාගේ නම පන්කජ්.
ඒත් ස්වීටිට විවාහය හොයලා තියෙන්නේ විවාහ යෝජනා හොයලා දෙන ආයතනයක් හරහායි. 

මේ කෑම මේසයක් අසල වාඩිවෙලා පිරිසක් අතරේ සිදුවෙන සිද්ධියක්. මෙතන තියෙන මේසයක් අසල පුටුවල ස්වීටි ඇයගේ තාත්තා සහෝදරයා සහ සහීල් මිර්සාත් ඔහුගේ පවුලේ කට්ටිය එක්ක වාඩිවෙලා කතාබහක නිරත වෙමින් ඉන්නවා.
අයියා - ඩැඩී ඔයා හිතන්නේ ස්වීටි විවාහ වෙන්න රෙඩිද?

තාත්තා - ඇයි නැත්තේ? දෙන්නට දෙන්නා ආදරේ කරනවා, විඳිනවා. දෙන්නට දෙන්නා පණ වගේනේ ඉන්නේ. නේද පුතා?
ඔය වගේ දෙබස් ගලපන්න මන්වත් දන්නේ නැහැ අන්කල් කියලා කියන්නේ ඔවුන් එක්ක මේසේ එකට වාඩිවෙලා ඉන්න සාහිල්.
කොහොමින් කොහොම හරි ස්වීටිගේ විවාහ උත්සවය පැවැත්වෙමින් තියෙනවා. මේ අතරේ මනාලයාගේ පැත්තෙන් එනවා මැදිවයසේ කාන්තාවක්. ස්වීටිගේ පියා ඇයත් එක්ක කතාබහ කරමින් ඇවිදිමින් ඉන්නවා. 
ස්වීටිගේ පියා - ඔයාට මාත් එක්ක පාට්නර්ෂිප් කරන්න පුළුවන්ද?

රන්වන් පාටින් ගෙත්තම් කරලා තියෙන කොළ පාට සාරියකින් සැරසී ඉන්න ඇය දෙන්නේ මේ වගේ උත්තරයක්.
උහ් කොයි වගේ පාර්ට්නර්ෂිප් එකක්ද? ප්‍රොෆෙශන්ල්ද නැත්නම් පර්සනල් ද?
ඒ අතරේ සහීල් ස්වීටි එක්ක කතා කරමින් තවත් තැනක ඉන්නවා. 

සාහීල් - ඔයා කවද හරි කාට හරි ඇත්තටම ආදරය කරලා තියෙනවද?
හිනා වෙමින් හිටිය ඇගේ මුහුණේ අඳුරු වළාවන් ඇඳෙනවා. ඇය කවුරුත් නැති තැනකට සාහීල් එක්ක යන්නේ ඇයගේ ඇස්වලින් වැටෙන කඳුළු ලෝකයා දකියි කියන බයෙන්. ඒත් වැඩි වෙලාවක් ඇයට තමන්ව පාලනය කරගෙන ඉන්න ලැබෙන්නේ නැහැ. ඇය අඬමින් සාහිල් ගාව ඉන්නවා. 

පන්කජ්ව කසාද බඳින්නලු. ආපහු කියනවා මුස්ලිම් කොල්ලෙක්ව කසාද බඳින්නලු. ආපහු කියනවා වෙබ් සයිට් එකකින් හෙව්ව කෙනාව විවාහ කරගන්නලු. හැමෝම මට බලපෑම් කරනවා. ඒත් මගේ හිත වෙන කෙනෙක් ගාව නැවතිලා තියෙන්නේ.
අන්න එදා මං මතක තියා ගත්තා මගෙ හිතේ තියෙන ඇත්ත මට සදහටම සඟවලා තියා ගන්න වෙනවා කියලා.

අයියා - ඩැඩී ඔයාට තේරෙන්නේ නැද්ද? මේ ස්වීටි මේ සාහිල් එක්ක පටලැවිල්ලක් තියෙනවා කියලා ඔයාට තේරෙන්නේ නැද්ද? ඒකනේ පන්කජ්ට අකමැතියි කියන්නේ. ඒකත් මේ කසාදේ අස්සේ.
තාත්තා - ස්වීටි මට ඔයා ගැන ලජ්ජයි. 

මේ පන්ජාබයේ සිදුවීමක්. මෙතන දේවස්ථානයක් තියෙනවා. ඒ ඉස්සරහා ස්වීටි සහ සාහිල් බිම වාඩිවෙලා කතා කරමින් ඉන්නවා.

ස්වීටි - සාහිල් ඔයා එක්ක විතරයි මං මගේ අවංක ආදරය බෙදා ගත්තේ. 
සාහිල් - ස්වීටි....

බොහොම සුන්දර කතාවක් නේද? ඒත් කතාවේ ඉතුරු ටික බොහොම සුන්දරව රහ බලන්නම් ඔබටත් 2019 පෙබරවාරි 01 වැනිදා පටන් තිරගත වන මිනිත්තු 120 ක කතා කාලයකින් යුතු ශෙලී චොප්රාධර් විසින් අධ්‍යක්ෂණය කරන ලද ඒක් ලඩ්කී කෝ දේකාතෝ ඒසා ලගා හින්දී සිනමාපටය නරඹන්නම වෙනවා. ඒ වගේම තමයි තිරගත වුණු පළවෙනි දවසෙම ඉන්දියානු රුපියල් කෝටි තුනහමාරක් ආදායම උපයගෙන අලෙවි වාර්තා පිහිටවලා තියෙන මේ හින්දි සිනමාපටය නිෂ්පාදනය කරලා තියෙන්නේ විදූ විනෝද් චොප්රා. ගසල් ධලිවල් සහ ශෙලී චොප්රාධර් විසින් ලියා තියෙන එක් ලඩ්කී කෝ දේකාතෝ ඒසා ලගා හින්දි සිනමාපටයේ පසුතල සප්ත ස්වරයෙන් හැඩ කරලා තියෙන්නේ සන්ජේ වන්ද්‍රේකර් සහ අතුල් රනින්ගා. දැන් ඔබට කියන්න හදන්නේ මෙන්න මේ සිනමාපටයේ විවිධ චරිතවලට පණ පොවන අපි ඔබ ආදරය කරන කට්ටිය ගැනයි. මේ සිනමාපටයේ ස්වීටිගේ තාත්තාගේ චරිතයට පණ පොවන්නේ අනිල් කපූර්. 

චට්‍රෝෙග් චරිතයට පණ පොවන්නේ 1967 නොවැම්බර් 13 වැනිදා ඉන්දියාවේ හර්යානා ප්‍රාන්තයේ අම්බාලාවල ඉපදුණු ජුහි චාව්ලා. දැනට මුම්බායීහි ජීවත් වෙන ජූහී චාවලා එක්ක මේ සිනමාපටයේ ප‍්‍රධාන චරිතය ස්වීටීට පණ පොවන කෙනා ගැනයි දැන් කියන්න හදන්නේ. ස්වීටීගේ චරිතයට පණ පොවන්නේ මෙන්න මේ සිනමාපටවලින් ඔබ අපි දැක තියෙන ඇයයි.

Saawariya (2007), I Hate Luv Storys (2010).Raanjhanaa (2013)Khoobsurat (2014) Dolly Ki Doli (2015),Prem Ratan Dhan Payo (2015), Neerja (2016) Veere Di Wedding (2018),
1985 ජුනි 09 වැනිදා ඉන්දියාවේ මහාරාෂ්ට‍්‍රාවල බොම්බෙ නගරයේදී උපත ලද ඇය 2007 වසරේ පටන් හින්දී සිනමාව හා සම්බන්ධවෙලා ඉන්නවා. ඇය වෙන කවුරුවත් නෙවෙයි. මේ සිනමපටයේ තාත්තාගේ චරිතයට පණ පොවන්නෙත් ඇයගේ ඇත්තම තාත්තා වන අනිල් කපූර්. ඔව් අනිල් කපූර් සහ සුනීතා කපූර්ගේ වැඩමහල් දියණිය සෝනම් කපූර් අහුජා තමයි මේ සිනමාපටයේ ස්වීටිගේ චරිතයට පණ පොවන්නේ. සෝනම් ඇතුළු ඉහතින් කිව්ව කට්ටියත් එක්ක තවත් ජනප‍්‍රිය නළු නිළියන් රැසක් මේ සිනමාපටයේ චරිත හැඩ කරන්න එකමුතු වෙලා ඉන්නවා. ඒ කවුද කියලත් කියන්න  ඕනනේ නේද? රෙගිනා කැසන්ද්‍රා, සාරා අර්ජුන්, රාජ් කුමාර් රාඕ, අබ්දුල් ක්වාදිර්, මදුමල්තී කපූර්, බි‍්‍රජේන්ද්‍ර කාලා, සීමා පාහ්වා සහ කන්වල්ජිත් සිං කියන කට්ටියත් මේ සිනමාපටය හැඩ කරන්න ප‍්‍රධාන භූමිකාවක් කරනවා. එක් ලඩ්කී කෝ දේකාතෝ ඒසා ලගා හින්දී සිනමාපටයේ තියෙන සුන්දර ගේය පදවලට පණ දෙන්න ඒවා තමන්ගේ හඬින් පණ කවලා තියෙන්නේ දර්ශන් රාවල්, රෝචක් කොහ්ලී, නව‍්‍රාජ් හන්ස්, හර්ෂ්දීප් කෞර්, විෂාල් දඩ්ලානී, ශනෝන් ඩොනල්ඩ්, සුඛ්වින්දර සිං, අර්ජුන් කනුන්ගෝ සහ පරී ගී. මේ ගී සප්ත ස්වරයෙන් හැඩ කරලා තියෙන්නේ රෝචක් කෝහ්ලී විසිනුයි.

► Translation — Chandana Waravitage