සිඳු තෙර

ගං දෑල හැන්දෑව හරිම සොඳුරුයි 
සොඳුර 
අහල පහලක අතු අගිස්සක 
ඇවිත් වැහුවොත් 
නුඹත් රහසෙම 
ලිහිණියේ..

නිහඬ ගඟ දිය 
ගයන කවිකම් 
අසා ඉමු අපි 
ගෙවෙන තුරු රැය 
මිහිරි නෑ ලොව කිසිත් මෙතරම් 
තද අඳුර මිස 

නුඹේ අත්තටු සෙමින් පිරිමැද 
කියන්නද මං දිග කතන්දර 
වහින්නට පෙර මහා වැස්සක් 
අතරමං කර කොහේ හෝ අප 

ඒ හැටිම තව නෑ වෙලාවක් 
ගෙවී යන්නට මේ සුයාමය 
ඇස් හරිද්දී හරි බයයි මම 
හංඟන්නෙ ඒකමයි සෙනෙහස