ගුලි කෑවේ පොර වෙන්නලු!

 

පට්ට කවි වගයක් Internet එකෙන් හබ්බ දැක්කා. ඒක තමයි අද සීන් එකට නිමිත්ත. ඒ කවි දෙක තුනක් එහෙන් මෙහෙන් දානවා උපුටා ගැනීමක් විදිහට. ගෞරවය ඒ කවියට ආ.... අවුල් නම් සොරී වේවා...! ඔන්න පටන් ගත්තා.

ගුලී කියන්නේ මොනවා පුතී. දන්නෝ දනිතී. නොදන්නා අයට ඒ ගැන අපී කියා දෙන්න යන්නේ ඔන්න. ගුලි තියෙන්නේ සිංහල බෙහෙත් බඩු කඩවල. මේවා දෙන්නේ වෛද්‍ය නිර්දේශ පිට. මේව කෑවම පොඩි මත් බවක් ඇතිවෙනවා. පොඩි කිව්වාට පොඩිමත් නෑ. වැඩියෙන් කෑවොත් වැඩී. මේවා හදන්නේ Bro මෙන්න මේ ජාතී. Specially කංසා, කංසාවලට අමතරව ඉඟුරු, ගම්මිරිස්, තිප්පිලි, අරළු, බුළු, නෙල්ලි, එළඟිතෙල්, කොට්ටං, ඉඟුරු පියලි, කොත්තමල්ලි, අසමෝදගම්, වැල්මී, සූදුරු, කළුදුරු වගේ ජාති ගන්නවාලු.

 

 

ගුලියක් කන එක සමහරුන්ට පුරුද්දක්. ඒ වුණාට සුදා ඉඳලා හිටලා ආතල් එකට ගුලි කන උන් තමා ගොඩක් ඉන්නේ. හැබැයි ගොඩක් කොල්ලො කියන කතාවක් තමයි ගුලි කෑවට මටනම් වදින්නෙ නෑ කියලා. මෙහෙමයි එකේත් පොඩි සීන් එකක් තියෙනවා පැංචෝ. මම මුලින්ම කාපු ගුලිය ගොඩක් උන්ට දැනෙන්නේවත් නෑ. ඉතිං ඔහොම හිතෙනවා. ආයෙත් එකක් කෑවොත් බඩුම තමා. පැයක් විතර තල්ලෙ අලවගෙන හිටියොත් ආයේ මුකුත් නෑ සුදෝ සිරි අසිරි වෙනවා. ටිං ටොං වෙන්න වදිනවා.

 

 

ගුලියේ ඉතිහාස කතාව කියමුදෑ දැනගන්න ආසයි මා ෆෙන්තෝ. ශ්‍රීමත් නමින් එකක් ආවා මුලින්ම. ඊටපස්සේ කාමේ...(තව අකුරු තුනක් තියනවා), ඊළඟට සෙ....(තව අකුරු හතරක් තියනවා). ඒ කාලයේ ලොක්කෝ මත්ද්‍රව්‍ය හැටියට අපි දැනගෙන හිටියේ කසිප්පු, රා, අබිං, කලාතුරකින් ගංජා වගේ එව්වා. මඟුලකට තුලාවකට සෙට්වුණාම ගල් බෝතලය තමා ඉතින්.  ඔන්න ශ්‍රීමත් ආවා. පහේ ටොපි, පහේ ගුලි යන නම් තමයි මේ කාලේ තිබ්බේ. ගැටව් සීන් එකට ලයින් වුණා. පොඩි කුතුහලයක් එක්ක. මමත් ගුලියක් කෑවා කියන ඒක පොඩි පොර ගතියක් තිබ්බා.

 

අද අපේ Bro ලා ගුලි කනවානේ. ඒත් ඒක පුරුෂ ශක්තිය වර්ධනයට, ක්ෂණික මෝචනය පමා කිරීමට තමා මේ මදනමෝදක ජාති ආයුර්වේදයේ ගන්නේ. තවත් ලෙඩවලට ගන්නවා. මෙව්වා පාවිච්චි කිරීමේ වෛද්‍ය උපදේශය තමයි එළකිරි වීදුරැවක් සමඟ දිනකට දෙවරක් ගන්න කියන එක. අපිට කීවේ දන්න කියන පොරක් හරියටම දන්නේ නෑ. ඒ වුණාට ගුලියක් කටේ දාගෙන මස්කට් කෑල්ලක් හෝ බූන්දි ටිකක් කා වැඩි සීනි ප්ලේන්ටියක්ද බොන එක තමයි ලයින් එකේ ආතල් එක කියලා කියන්නේ. ලයින් එකේම ඉන්න එකෙක්ට උන්ව දිව්‍ය ලෝකවලටද, බ්‍රහ්ම ලෝකවලටද වීසා Free හම්බුණා වගේලු සීන් එක.

 

 

 

ගුලියේ Feeling එක මොකක්ද ඔන්න ඊළඟ ප්‍රශ්නේ. මේකේ තියෙන්නේ මත් ගතියක්. ඒ වුණාට අමුතු එකක්. හිනාවෙන්න ගත්තොත් සොරිම තමා. නවත්තන්න බෑ. බඩගින්න එනවා පැලෙන්න. බත් කෑවම වැඩිවෙනවා. මේක බඩේ බඩු තියන කල් බඩේ බඩු තමා පුතී. මේකෙන් ඔලුව කැක්කුම අල්ලන්න පුළුවන්. එහෙම වුණොත් ඉඳලා හමාරයි පැංචෝ. තව රෑට නින්ද යන්නේ නැතිවෙන්න පුළුවන්. ඔළුව විකාරවෙලා කැරකි කැරකි ඉන්න තමයි එතකොට වෙන්නේ. ඔන්න භයානක ආරංචියක් තියෙනවා. අත්තන ඇට දානවාලූ දැන් ගුලිවලට. අද ඉන්නවානේ සුදා අත්තන ඇට. ඇයි බං අර අහන්නේ අපි පිස්සු කෙළින කොට තොට අත්තන ඇට කැවිලාද කියලා. ආන් ඒවා. ඒ කියන්නේ ගුලි දිගින් දිගටම කෑවොත් පිස්සු හැදෙන්න ඉඩ තියෙනවා ඔන්න.

 

 

ගුලි කාල වෙච්ච සීන් ගොඩක් කොල්ලෝ set වල කතා අපූරු මතක. කොහොම වුණත් මත්ගුලි නීති විරෝධියි. ඒ වගේම මේවා ව්‍යාජ විදිහටත් නිර්මාණය වෙනවා. මේක ටිකක් ලොකු බිස්නස් එකක්. මේවා කාල පිස්සු හැදිච්ච අයත් ඉන්නව. ඒ නිසා හුරුවෙන්න හොඳ දෙයක් නෙවෙයි මේවා. සාපේක්ෂව දැන් රටේ මේ ප්‍රවණතා අඩුයි. මත්පෙති ස්ටෑම්ප් වගේ දේවල් තමයි දැන් trend එක. හැබයි ඒවා ගුලිවලට වඩා සිය දහස් ගුණයක් භයානකයි මගේ සුදෝ. ඔන්න අදට ඇති පැට්ටෝ! ඕන් අපි ගියා....