’බැරල්’ ’කට්’ ජිම්

යකඩ තමා ජීවිතේ බ්‍රෝ... ඔන්න අපි අද අරගෙන ආවා ජිම් පිස්සුව ගැන Y Trend  එකක්.  මචං මේ ගැන අමුතුවෙන් හඳුන්වලා දෙන්න ඕනේ නෑනී. මේක තමා ඉතින් ලංකාවේ කෙල්ලෝ කොල්ලෝ අතර තියෙන සුපිරිම Y Trend එක.
ඇයි බං ජිම් යන්නේ....?

ෆිට්නස් හදාගෙන ඇඟ හදාගන්න ඕන නිසානේ බං....
ඇයි බං ඇඟ හදාගන්නේ?

ඔන්න අපේ ජිම් පිස්සුව ගැන කතාව පටාන් ගන්න හොඳම තැන. මචෝ ලෝකේ කවුරුත් වදවෙන සීන් එකක් තමයි අනික් අය තමන්ව දකින්නේ කොහොමද කියන එක. ඒ නිසා ලෝකයා තමන්ව ප්‍රියමනාප විදිහට දකිනවට කවුරුත් කැමතියි. ජිම් සීන් එක මෙච්චර Hit වෙන්නේ ඔන්න ඔය හේතුව නිසා. ඇත්තටම නීරෝගීකම ශරීර සුවතාවය කියන්නේ ජිම් Y Trend එකේ අමතර වාසී මිසක් සැබෑ අරමුණ නෙවෙයි බං. ඔය ඔය එහෙම කිව්වම මූණ දෙක කරගන්න එපා ජිම් යන බ්‍රෝලා. පොඩ්ඩක් හිතපන් සීන් එක ඇත්තනේ....

ඇඟ කට් කරගෙන පුම්බ ගන්න කොල්ලෝ ආසයි. සිරුරේ මනා හැඩය පේන්න ඉන්න කෙල්ලෝ ආසයි. ඉතින් ජිම් තමා සරණ පුතී.
නිධාන කතාව

ජිම් සීන් එක පටන් අරන් ගොඩක් කල්. මචෝ මතකද කොන්ක්‍රීට්වලින් වීල් හදලා සෙල්ලම් කරපු කාලේ. ඔන්න වයස අවුරුදු තිහ වගේ වෙච්ච උන්ට මේ සීන් එක මතක ඇති. ඒ කාලේ යකඩ වීල් එච්චර තිබ්බේ නෑ. පට්ට කට්ටක් කෑව ඔය ඇඟ හදාගන්න සීන් එකට ඒ කාලේ ඒ වෙනුවෙන්.

කොහොම වුණත් බං කායවර්ධන ගැන කතාකරද්දී පුරාණ ග්‍රීසිය ඊජිප්තුව දක්වා ඈතට යනවා. ඔය ඇඟ කට් කරගත්තු උන්ගේ චිත්‍ර එහෙමත් තියනවාලු. එහෙම බැලුවාම සීන් එක ගොඩක් පරණයි. කායවර්ධන ක්‍රීඩාවක් විදිහට පටන් අරන් තියෙන්නේ අටසිය ගණන්වල යුරෝපයේ. 1901 සැප්තැම්බර් 14 වැනිදා තමයි පළමු ප්‍රසිද්ධ තරගය තියලා තියෙන්නේ. ලන්ඩන්හි රාජකීය ඇල්බට් ශාලාවේ. පස්සේ සීන් එක හිමීට හිමීට ලෝකේ පුරා ජනප්‍රිය වුණා. ඇඟ කට් කිරීම Trend එක වෙන්න පටන් ගත්තේ මේ එක්ක. ඔන්න ඊටපස්සේ Holiwood Films මේ කේස් එකට ලොකු දායක වුණා. අසූ ගණන්වල අනූ ගණන්වල සීන් එක නැගලා ගියා. අපේ වගේ රටවල හිටපු අයියලා සීන් එකට පට්ට ආස කළා. ඔන්න ඕක තමා මේ Trend එකේ නිධාන කතාව මචෝ...

කෙල්ලෝත් ජිම් යන අද කාලේ ආතල්....

මුල්කාලීන ජිම් සීන් එකට බ්‍රෝ, පුරැෂාධිපත්‍යය තිබ්බ සීන් කෝන් එකක්. ඔන්න මෑතකාලීනව සීන් එක වෙනස් වුණා. රූපලාවණ්‍ය ගැන ඉතිහාසයේ ඉඳන්ම උනන්දුව තිබ්බ කාන්තා පාර්ශවය සිරුරේ හැඩ මනාව පවත්වාගන්න කායවර්ධන මධ්‍යස්ථාන වලට එන්න පටන් ගත්තා. අද වෙනකොට ලෝකය පුරාව කන්තාවෝ බොහොමයක් තමන්ගේ ජීවිතේ දෛනික අංගයක් බවට ජිම් යාම පත්කරගෙන තියෙනවා.
බැරල් වගේ හිටපු කාන්තාවන්ටත් ඔන්න  ජිම් නිසා ස්ලිම් වෙන්න Chance එක ආවා. ඒ වගේම ලංකාවේ කාන්තාවන් සමාජ තත්ත්වය පෙන්නන දෙයක් බවට ජිම් සීන් එක අද වෙනකොට පත්තවෙලා මචෝ. ඔන්න එහෙම කිව්වාම අපේ ජිම් යන සුවිටිලා අපිට පුප්පන්න එහෙම එපා හරිය. කොහොම වුණත් මේ ජිම් පිස්සු නිසා අපේ සුවිටි Grail ලා සෞඛ්‍ය සම්පන්න වෙනවනේ. ඉතින් කාටද ආඩම්බර සුදා.

කොල්ලා ජිම් යනකොට....

ජිම් යන්න පටන් ගන්නවා... අනේ අම්මෝ පටන් ගන්නකොට දෙන පොර ටෝක්. ඒ වුණාට ටික දවසකින් සීන් එක මඟ හැරෙනවා. ඔන්න ආයේ යන්න ඕනා කිය කියා ඉන්නවා. ආයේ කා එක්ක හරි Set වෙලා යන්න ආයේ අලවෙනවා. ඕක තමා අපේ කොල්ලෝ බහුතරකට ජිම් යාම සම්බන්ධයෙන් තියෙන ලෙඩේ. මේ අතර ඉන්නවා වැඩේ පිළිවෙළට කරන උන්. ඒ වගේම ඇඟ හදාගෙන පුම්බ පුම්බ පොර ටෝක් බැනියම් ඇඳගෙන පුම්බගෙන යන උනුත් ඉන්නවා.
කොල්ලොන්ගේ ජිම් සීන් එකේ රසබරම දවස තමයි ජිම් ගිය පළවෙනි දවස. ගෙදර ඇවිල්ලා බත් ටිකවත් කන්න අත උස්සගන්න බැරිව විඳවපු හැටි ඔය ජිම්කානලාගෙන් අහලා බලන්න කෝ. ඒ වුණාට මොකෝ ජිම් දැන් කෙල්ලෝ කොල්ලෝ එකට යන ජිම් තියෙනවා. ආ... ආ... ඒවලදී ඇස පිනවන නාරි රූප ගැන අපේ කොල්ලෝ කියන කතා. අපූ ඒවා මෙතන කියන්නේ නෑ බ්‍රෝ. ඒ වගේම ගොඩක් කෙල්ලොත් ආසයි ජිම් බෝයිස්ලාට.

චාටර් සීන්....

මචෝ හැමෝම ජිම් එකකට ගිහින් සෙල්ලම් කරන්නෙ නෑ. සමහර අය ක්‍රීඩාවක් විදියට කායවර්ධනය කරනවා... අපි කිව්වේ... සමහර අය හොඳ පෙනුමක් ලබාගන්න ජිම් එකේ සෙල්ලම් කරනවා. ඔය කොයි විදියට සෙල්ලම් කළත් හුඟක් අයට ඕනා ටක්ගාලා ඇඟ හදාගන්න. ඒ නිසා සප්ලිමන්ට් ගහන්න සමහරැ පෙළඹෙනවා. කායවර්ධන ක්‍රීඩාවට නම් ඒවා ඕනා වෙනවා මචෝ. ඒ වුණාට හොඳ පෙනුමක් ලබාගන්න ජිම් එකේ සෙල්ලම් කරන්න යන අයට ඔය පෙති, පිටි වගේ ජාති ඇත්තටම අවශ්‍ය නෑ. එකිනෙකාගේ ශරීර සොබාවය තව කෙනෙක්ට වෙනස්.  අන්න ඒක තේරුම් ගන්න ඕනා.

කෙනෙක්ට ඕනෑම නම් වෛද්‍ය උපදෙස් අරන් මේවා පාවිච්චි කරාට කමක් නෑ. නැතුව අර පිටි එකයි මේ පෙති එකයි එක එකා කියනවා. බීලා අනාගතය අඳුරු කරගන්න එපා. අද අපේ කොල්ලෝ මේ වගේ සීන් ගොඩක් කරනවා. ක්ෂණිකව ඇඟ හදාගන්නවා. පස්සේ දුක් විඳින්න වෙනවා සිකුරුයි බ්‍රෝ....

අද කතාවේ අවසාන....

ජිම් යන එක නරක දෙයක් නෙවෙයි. ඒක ගොඩක් හොඳ දෙයක්. ඒ වගේම යකඩ එක්ක ඔට්ටු වෙනවා වෙනවා වගේම ගෙදර ඉඳන් කරන්න පුළුවන් ව්‍යායාම ඕනතරම් තියෙනවා. ඒ වගේමයි සෞඛ්‍ය ගැන හිතනකොට ජිම් යන එක වගේම ආහාර පාලනය ගැනත් සැලකිලිමත් වෙන්න ඕනා. වැදගත්ම තමයි රැල්ලට ජිම් යන්න එපා. හොඳ තැනක් හොයලා බලලා හොඳ පුහුණු උපදේශකයෙක් ඉන්න තැනක යන්න අමතක කරන්න එපා.

► Text - Nisal   /   Pic – Internet