නළුවාගේ නරි වාදන්
පසුගියදා සිදුවූ දේශපාලන විපර්යාසයන් සමඟ සිනමාව, කලාව හා සංස්කෘතිය බාරව අලුත් ඇමැතිවරයකුත් පත් වුණා.
ඒ ඇමැතිවරයා ළඟින් ඇසුරු කරන සිනමාවට සම්බන්ධ කලා ශිල්පීන් කිහිප දෙනකුට මේ අලුත් වෙනසත් එක්ක අලුත් ජවයක් ලැබුණලු. ඒ අවසරයෙන් චිත්‍රපට සංස්ථාවේ ඇතැම් නිලධාරීන්ට පවා මේ අය තර්ජනත් කරනවලු.
මේ තර්ජන ඉවසන්නට බැරි තැන සංස්ථා සේවකයො මේ කරුණු මාධ්‍යයට හෙළි කළා.
ඔන්න දැන් ඊයෙ පෙරේදා දවසක අලුත් ඇමැතිතුමාට ඕන වුණාලු දේශීය සිනමාවේ උන්නතිය වෙනුවෙන් අපේ සිනමාවට සම්බන්ධ ප්‍රධාන පාර්ශ්වකරුවන් එක්ක සාකච්ඡා කරන්න.
ඒ සාකච්ඡාවට දිනයක් වේලාවක් වෙන්කර ගත්තා. සිනමාවට සම්බන්ධ ප්‍රධාන පාර්ශ්වකරුවන්, සිනමා අධ්‍යක්ෂකවරු, නිෂ්පාදකවරු, ප්‍රදර්ශකයන්, සිනමාශාලා හිමියන්, නළු නිළියන් මේ සඳහා ඇරයුම් ලැබුවා.
විෂය බාර ඇමැතිතුමා බලාපොරොත්තුවෙන් මේ පාර්ශ්වකරුවන් සියලු දෙනාම කල් ඇතිව චිත්‍රපට සංස්ථාවට පැමිණියා.
ඒත් එක්වරම එතැනට පැමිණියේ අර ඇමැතිතුමාට හිතවත් සිනමා ශිල්පියා.ලැබෙන්නෙ නැහැ. මගේ ප්‍රධානත්වයෙන් තමයි අද මේ සාකච්ඡාව පවත්වන්නේ.. ඔහු ගාම්භීර ලීලාවෙන් කිව්වලු.
සාකච්ඡාවට ඇවිත් හිටිය කට්ටිය අතරින් වැඩි දෙනෙක් සද්ද නැතිව එතැනින් පිටවෙලා ගියාලු.
ෆෝන් එක උඩද යටද?
අද තාක්ෂණයේ දියුණුවත් එක්ක අපට බොහෝ වාසිදායක අවස්ථාවන් තියෙනවා. ඒ වගේම තමයි, වැරදි විදිහට භාවිත කළොත් ඒකෙන් ලැබෙන අහිතකර බලපෑම්.
ඒ කොයි හැටි වෙතත්, බොහෝ අය විශ්වාස කරන කාරණයක් තමයි තාක්ෂණය අතින් අපි දියුණු වෙන්න වෙන්න අපි මනුස්සකම් අතින් පිරිහෙනවා කියන එක.
දැන් ජංගම දුරකතනයක් නැති වුණොත් ඒක තියෙන තැන හොයාගන්නත් ඇප් එකක් තියෙනවනෙ.
අපේ කලා ශිල්පිනියකගෙ ජංගම දුරකතනය ෂූටිං එන අතරතුර නැතිවෙලා සෙට් එකේ ලොකු කලබලයක්. මෙයාගෙ මූඩ් එක ඉවරයි. සෙට් එකේ හිටපු තරුණයෙක් කිව්වලු නැතිවුණු ෆෝන් එක තියෙන තැන හොයාගන්න දැන් ඇප් එකක් තියෙනවා කියලා.
අපේ නිළියට හරි සතුටුයි. කොල්ලා එයාගෙ ෆෝන් එකේ විස්තර ගහනවා ඇප් එක හොයාගෙන.
හැමෝම නොඉවසිල්ලෙන් බලාගෙන ඉන්නවා.
තියෙනවා තියෙනවා. ෆෝන් එක තියෙන තැන පෙන්නනවා. කොල්ලා ජයග්‍රාහී ලීලාවෙන් කියනවා.
අනේ මල්ලි කොහෙද තියෙන්නෙ? කොහෙ හරි වැටිලද? අර නිළිය අහනවා.
නැහැ අක්කෙ, ඕක තියෙන්නෙ ඕගොල්ලන්ගෙ ගෙදරමයි, කොල්ලා කියනවා.
හානේ මට මතක් වුණා, මම එන්න කළින් සාලෙ කතා කර කර හිටියනෙ ෆෝන් එකෙන්. අනේ මල්ලියො පොඩ්ඩක් ඒකෙ ගහලා බලපන්කො ෆෝන් එක හරියට තියෙන්නෙ සෝෆා එකේ උඩද යටද කියලා.
► Text - Mithra