යකා නැටුම් හාමු සීන්
Youtube Hit වලින් අද අරගෙන ආවේ කරවල හොද්ද Official Music Video එක. මේක Chanuka Mora Youtube Channel එකෙන් එළියට දාපු Vidio එකක්. ඒකට දෙලක්ෂ අසූ තුන්දහක් විතර Views තියනවා. අපි කරවල හොද්ද තෝරගත්තේ ඒ වැඩේ තුළ වෙනස් රසයක් අපිට දැනුණ නිසා.
මේ ගීතයේ Music Melody Lyrics ඔක්කොම කරලා තියෙන්නේ Chanuka Mora විසින්. Video එක Direct කලා තියෙන්නේ Viyath Deelaka. රිලීක්ස් වුණේ 2019 මාර්තු මාසේ. Yaka Crew එක තමා වැඩේ කරලා තියෙන්නේ. ඉතින් දැන් බලමු මොකක්ද මේ Music Video එකේ අපිට පෙනුන වෙනස කියලා. සාමාන්‍යයෙන් වර්තමානයේ Youtube Hit වෙන Music Video ගොඩක් අඬන ඒවා. ආදර කතා. ඒත් මේක ආතල් වැඩක්. Lyrics වලින් Melody එකෙන් තමයි මේ ආතල් ගතිය මතුවෙන්නේ.
සින්දුව ගත්තොත් මේක ලොකු අරුත් බර එක නෙවෙයි. බීමතින් කියන ජාතියේ එකක්. ඒත් අමුතුම වචන සෙට් එකක් මෙතැන තියනවා. ඒ වගේම ඩොල්කිය බෝතල් තට්ටුව මේකෙදී විශේෂයෙන් භාවිත කෙරෙනවා. ඒක සජීවී ගතියක් මේ වැඩේට එකතු කරලා තියෙනවා.
Video එක ගත්තම One Location වැඩක්. සරල කැමරා කෝණ කිහිපයක් තමයි භාවිත කරලා තියෙන්නේ. නමුත් Video ප්‍රභලත්වයට බලපාපු ප්‍රධනතම දේ Acting. කොල්ලෝ සෙට් එකක් බීමතින් නටන රංගනයක් තමයි තියෙන්නේ. නමුත් ඔවුන් එක විදිහට චරිතවලට ආරෝපණය වෙලා ඉන්නේ. පොඩි කතාවකුත් තියෙනවා. යකාපිටිය වලව්වේ පැදුරු පාටියක් කිව්වොත් හරි.
හාමුමහත්තයා තමා ප්‍රධාන චරිතේ. ඔහු තමා සින්දුව කියන්නේ. වැඩේ සරලයි ඒත් අපූර්වත්වය ඔවුන්ගේ රංගනයෙන් අපිට පේනන තියෙනවා. සාමාන්‍යයෙන් ඉතාම අඩුවෙන් තමයි අද ලංකාවේ Music Video වල නර්තන පාවිච්චි කරන්නේ. ඒත් මේකෙදී නර්තනය තමයි ප්‍රධාන වෙලා තියෙන්නේ. ආකර්ෂණීය ස්ටෙප් කිහිපයක්ම භාවිත වෙලා තියෙනවා. Yaka Crew එකේ වැඩවලදී නර්තනය නිතරම භාවිත කරලා තියෙන බව අපිට පේනවා මෙයාලාගේ පහුගිය වැඩ බලනකොට. ඒ වගේම කලා අධ්‍යක්ෂණය ඇඳුම් පැළඳුම් හැමදේම හොඳටම තියෙනවා.
සංස්කරණය ගැන කතාකළොත් පොඩි Effect එකක් පාවිච්චි කරලා තියෙනවා වීඩියෝ පුරාවටම. ඒකෙන් පරණ ගතියක් පෙන්නීම තමයි අරමුණ වෙලා තියෙන්නේ. ඊට අමතර සාමාන්‍ය විදිහට වැඩේ ගියත් පොඩි උපක්‍රම කිහිපයක් භාවිත කරලා තියෙනවා නිර්මාණය විශේෂිත කරන්න.
සමස්යතක් විදිහය රැල්ලෙන් මිදිලා කරපු වැඩක් විදිහට කරවල හොද්ද අපිට හඳුන්වන්න පුළුවන්. විශේෂ අඩුපාඩු නැතත් තවදුරටත් නිර්මාණය ඇතුළේ Storyය ගොඩනැගුවා නම් හොඳයි කියන එක තමා අපේ අදහස.
► Text - Nisal / Pic – Internet