මම භාරත් නෑ වෙනත් නම්......

අවුරුදු 71කට කලිනුයි මේ දේශය නිදහස් වුණේ. අන්න ඒ කාලයේමයි මගේ කතාව පටන් ගන්නෙත්. මිනිස්සු හිතනවා ඇති මධ්‍යම පාන්තික මහල්ලෙක්ගේ ජීවිතේ කොච්චර බෝරින් ඇද්ද කියලා. එයාලට මොනවා කියලා කියන්නද? කොච්චර සිදු කෙස්ද මගේ ඔළුවෙයි රැවුලෙයි තියෙන්නේ? ඊට වඩා ගොඩාක් වර්ණයන් මගේ ජීවිතේ තිබුණා. තරැණ කාලේ මට හරි හැඩකාර ප්‍රේමවන්තියක් හිටියා. ඒ කාලේ පණ්ඩිත් නේරුතුමාගේ මරණය සිදුවුණා. ඒ කාලේ රස්සා තිබුණෙත් නැති ගාණයි. රට ගොඩාක් නරක තත්ත්වයක තිබුණේ. එක දවසක අපිට දැනගන්න ලැබුණා...

භාරත්ගේ යාළුවා - අපිට දැනගන්න ලැබුණා භාරතයේ තෙල් හොයාගෙන කියලා...
මැඩම් සර් - ඉතිං ඔයාලා දෙන්නා ආවේ ඔළුවේ ගාන්න ඉල්ලගන්නද? නමයි වයසයි කියන්න.

භාරත් - භාරත් 
සුන්දර තරුණිය - භාරත්ගේ නමේ ඉතුරු ටික?

භාරත් - මගේ තාත්තා මට මගේ දේශයේ නම තිබ්බේ. ඉතින් එකට ඉස්සරහින් පස්සෙන් සර් නේම් එකක් තිබ්බොත් දේශයට වගේම මටත් කරන අවනම්බුවක් විදියට තාත්තා හිතලා මට භාරත් කියන නම විතරක් තියලා.
මැඩම් සර් - භාරත් මහත්තයා මේ කාර්යාලේ අභියෝගවලින් වැඩක් වෙන්නේ නැහැ. ඔයා ඇවිල්ලා තියෙන රස්සාවට ඕන මහන්සි වෙලා වැඩ කරන එක විතරයි. 
භාරත් - ඊට පස්සේ  මගේ ජීවිතේට මැඩම් සර් ආවා. මගේ ලයිෆ් එක නියමෙට ගෙවුණා. ආදරය, යාළුවෝ, ෆැමිලි එක ඒත්... හැම හිනාවෙවී හිටිය මුහුණකටම එක වේදනාවක් ආවා.
ඔහු වැඩ කරමින් ඉන්න විට භාරත් ගාව බෝම්බයක් පුපුරනවා. ඔහු කියන මැඩම් සර් වේගයෙන් වාහනයකින් එතනින් බහින්නේ පිස්සියෙක් ගාණටයි.

මැඩම් සර් - භාරත්

ඒත් ඒ වෙද්දී තුවාල ලබා ඉන්න භාරත්ට මතක් වෙන්නේ ඔහුගේ තාත්තාව. 
භාරත් නාවික හමුදා සෙබලෙක් වෙලා නාවික කටයුතුවල නිරත වෙන්නේ ඒ සිදුවීමෙන් පස්සේ.
භාරත්ගේ පියා - දේශයක් හැදෙන්නේ මිනිස්සුන්ගෙන්. ඒ මිනිස්සු අඳුනාගැනීම සිද්ධ වෙන්නේ ඔවුන්ගේ පවුලෙනුයි. ඔයා තුළ සම්පූර්ණයෙන් භාරත දේශයම තියෙනවා.
කතාව සුන්දර එකක් වගේ නේද? ඒත් මේ කතාවේ ඉතුරු ටික දැනගන්න සහ රසවිඳින්න 2019 ජුනි 05 වැනිදා වෙනකම් බලාගෙන ඉන්න වෙනවා. මොකද භාරත් කියන එම හින්දී සිනමාපටය තිරගතවෙන්නේ එදාට. භාරත් කියන මේ හින්දි සිනමාපටය අධ්‍යක්ෂණය කරලා තියෙන්නේ අලී අබ්බාස් සෆර් වන අතර නිෂ්පාදනය කරලා තියෙන්නේ අතුල් අග්නීහෝත‍්‍රී අල්විරා ඛාන් අග්නීහෝත‍්‍රී භූෂන් කුමාර් සහ නිඛිල් නමිත්. මේ කතාව අධ්‍යකෂක අලි අබ්බාස්සෆර් සහ වරුන් වී ශර්මා තමයි මේ සිනමා පටයේ කතාවට හිමිකම් කියන්නෙත්. ඒ වගේම භාරත් හින්දී සිනමාපටයේ තිර රචනය කරලා තියෙන්නෙත් ඔවුන් දෙන්නමයි. ඒත් මේ සිනමාපටය හදලා තියෙන්නේ Ode to My Father පදනම් කරගෙන කියලා තමයි ඔවුන් කියන්නේ. ආ ඔය කලින් කිව්වේ දකුනු කොරියාවේ  යූන් ජෙ - ක්යූන් කියන අධ්‍යක්ෂවරයා අධ්‍යක්ෂයනය කරන ලද ඔහුම නිෂ්පාදනය කරලා තියෙන 2014 දෙසැම්බර් 17 වැනිදා තිරගත වුණු සිනමාපටයක් ගැන කියන එකත් ඔබගේ දැනගැනීමට සඳහන් කරනවා. ඒ වගේම මේ හින්දි සිනමාපටයේ පසුබිම සප්ත ස්වරයෙන් හැඩ කරලා තියෙන්නේ ජුලියස් පැක්කියම් වන අතර මේ භාරත් කියන සුන්දර සිනමාපටයේ භාරත්ගේ චරිතයට පණ පොවන්නේ ඔබ අපි දන්න ඔබ ආදරය කරන තරුවක්. ඔහු ගැන විස්තර කියන්න පෙරාතුව මෙන්න මේ ඔහු හිටිය සිනමාපට කිහිපයක නම් සඳහන් කරන්නේ ඔහු ගැන ඔබට ඉඟියක් ලබා දෙන්න හිතාගෙනයි.

Biwi Ho To Aisi (1988) Maine Pyar Kiya (1989). 1990 Hum Aapke Hain Koun..! (1994), Karan Arjun (1995), Biwi No.1 (1999), Hum Saath-Saath Hain (1999). Dabangg (2010), Ready (2011), Ek Tha Tiger (2012), Kick (2014), Sultan (2016) Tiger Zinda Hai (2017), Tere Naam, (2003) 2007 Salaam E Ishq.,2015, Bajrangi Bhaijaan, Prem Ratan Dhan Payo.

1965 දෙසැම්බර් 27 වැනිදා ඉන්දියාවේ මධ්‍ය ප‍්‍රදේශ්හි ඉන්ඩෝර්වල ඉපදුණු මේ කියන හාදයා දැනට නම් ජීවත්වෙන්නේ ඉන්දියාවේ මහාරාෂ්ට‍්‍රා ප‍්‍රාන්තයේ මුම්බායි නගරයේ. 1988 වසරේ පටන් හින්දී සිනමාවේ නළුවෙක් නිෂ්පාදකයෙක් 
ගායකයෙක් වගේම වැඩසටහන් ඉදිරිපත් කරන්නෙක් වශයෙනුත් ඔහු කටයුතු කරනවා. සිනමා සම්මාන රාශියක් තමන්ගේ නමට වෙන කරගන්න සමත් වෙලා ඉන්න මේ තනිකඩයා වෙන කිසිවෙක් නෙවෙයි. ඔහු තමයි සල්මාන් ඛාන්. සල්මාන් තමයි භාරත් හින්දී සිනමාපටයේ භාරත්ගේ චරිතයට පණ පොවන්නේ. භාරත්ට රස්සාව දීලා පස්සේ කාලයක ඔහුට ආදරය කරන ඒ හැඩකාරිය තමයි මේ චරිතය හැඩ කරන්න කලින් මෙන්න මේ සිනමාපටවලත් විවිධ ප‍්‍රධාන චරිතයන්ට පණ දුන්නේ. බලන්න ඇය කවුද කියන එක ඔබට මතක් වෙනවද කියලා.

Boom (2003), Maine Pyaar Kyun Kiya? (2005) Namastey London (2007).New York (2009) Ajab Prem Ki Ghazab Kahani (2009), Raajneeti (2010) Zindagi Na Milegi Dobara (2011),Mere Brother Ki Dulhan (2011). Ek Tha Tiger (2012) Dhoom 3 (2013), Zero (2018).

1983 ජූලි 16 වැනිදා හොංකොංවලදි ඉපදිලා තියෙන ඇයට දැන් වයස අවුරැදු 35 ක් වන අතර ඇය බ්‍රිතාන්‍යයේ පුරවැසියෙක් වුණත් මේ වෙනකොට ඇය ජීවත්වෙන්නේ ඉන්දියාවේ මුම්බායිවලයි. 2003 වසරේ පටන් අය හින්දී සිනමාවේ නිළියක් ලෙසින් කටයුතු කරන අතර සිනමා සම්මානත් බොහෝ ප‍්‍රමාණයක් ඇයගේ නමට ලියා ගන්න ඇය සමත් වුණා. ඇය වෙනින් කවුරුවත් නෙවෙයි කෙළිලොල් දඟකාර හැඩකාර කත‍්‍රිනා කයිෆ් තමයි භාරත් කියන විදියට භාරත් හින්දි සිනමාපටයේ භාරත්ගේ මැඩම් සර්ගේ චරිතය හැඩ කරන්නේ. සල්මන් සහ කත‍්‍රිනා එක්ක මේ භාරත් කියන් හින්දී සිනමාපටයේ විවිධ චරිත හැඩ කරන්න තාබූ, සුනිල් ග්‍රෝවර්, දිශා පටානී, සතිශ් කෞශික්, ජැකී ශ්රොෆ්, සොනාලී කුල්කාර්නී, ඉවාන් සිවෙස්ටර් රොඩ්රිගෝ, අභිෂේක් දුහාන්, අනන්ත් විධාත් ශර්මා, ආසිෆ් ශෙයික්, නෝරා ෆටේහී, ශෂන්ක් අරෝරා සහ කුශ්මිරා ඉරානීත් එකමුතු වෙලා ඉන්නවා. 2018 ජුනිවලදී පටිගත කිරීම ආරම්භ කරලා තියෙන භාරත් හින්දි සිනමාපටයේ දර්ශන අබුඩාබී, ස්පාඤ්ඤය, මෝල්ටාව, පන්ජාබය සහ දිල්ලිවල කරලා තියෙනවා කියලයි අපිට දැනගන්න ලබුණේ. ඒ වගේම කත‍්‍රිනා වෙනුවට ඇය පණ දෙන චරිතයට මුලින් ගන්න සැලසුම් කරලා තියෙන්නේ ප‍්‍රියංකා චොප්රා බවත් දැනගන්න ලැබුණා. භාරත් හින්දි සිනමාපටයේ ගීත සප්ත ස්වරයෙන් හැඩ කරලා තියෙන්නේ විශාල් - ෂේකර් ද්විත්වය විසිනුයි. ඒ ගීතවල පද අමුණලා තියෙන්නේ ඉර්ශාද් කමිල්. ඒ ගී පද ජීවත් කරන්න ඒවට තමන්ගේ හඬින් ඒවා සුන්දර කරලා තියෙන්නේ නකාශ් අසීස්, ශ‍්‍රියා ගෝශාල් සහ අභ්ජීත් ශ්‍රී වාස්තව්.

Translation — Chandana Waravitage