චනුක්ස් ලොක්කා

Chanux Bro කියලා කියන්නේ ලංකාවේ ඉතාම ඉහළ ජනප්‍රියත්වයක් තියෙන Youtube Channel එකක්. අද අපි කතා කරන්නේ Chanux Bro ඉතාම මෑතකදී කරපු නොදන්න VPN කතාව කියන Video එක ගැන.
මුලින්ම Chanux Bro Channel එක ගැන පොඩ්ඩක් හොයලා බලමු. Youtube ලංකාවේ ජනප්‍රිය වෙන්න පටන්ගත්ත මුල්කාලෙම තමයි මේ චැනල් එක පටන් අරගත්තේ. ඉදිනෙදා තාක්ෂණික දේවල් ගැන දැනුම්වත් කිරීම තමයි Chanux කළේ. ඒ මොඩලයේ ලංකාවේ පළවෙනි වාගේම සාර්ථකම Youtube Channel එක තමයි මේක. ඒ ගැන කිසිම විවාදයක් නෑ. Subscribe ලා හාර ලක්ෂ අසූ එක් දහසක් විතර ඉන්න මේ චැනල් එකේ Views හතළිස් එක ලක්ෂයක් පමණ තියෙනවා.

අපි කතා කරන VIP ගැන වීඩියෝ එක තියෙන්නේ Chanux Bro ගේ Sinhala Geek Show කියන Play List එකේ. එදිනෙදා ජීවිතේදී වැදගත් වෙන ටෙක්නොලොජි දැනුම තමයි මේකෙන් ලබාදෙන්නේ. සරලවම කිව්වොත්, කම්පියුටරේට වින්ඩෝස් දාගන්නේ කොහොමද? ඔන්ලයින් ෂොපින් කරන්නේ කොහොමද? වගේ සරල දේවල්වල ඉඳලා කාලීන දේවල් මේ හරහා කියලා දෙනවා. ඒ විතරක් නෙවෙයි, ඉස්සරහට එන්න තියෙන නව තාක්ෂණයක් ගැන, අලුතෙන් ඩිවයිස් ගැන මේ චැනල් එකෙන් කතා වෙනවා. 

VPN වීඩියෝවෙන් බොහොම පැහැදිලිව චනුක්ස් බ්‍රෝ VPN ගැන කියලා දෙනවා. VPN කියන්නේ මොකක්ද? ඒක ක්‍රියාත්මක වෙන්නේ කොහොමද? ඒ හරහා තිබෙන වාසි වගේ දේවල් සාකච්ඡා කරනවා. මේ වීඩියෝ එක සහ පොදුවේ චැනල් එකේ වීඩියෝවල තියෙන විශේෂත්වය තමා තාක්ෂණික කරුණු ඉතාම සරල පැහැදිලි කිරීම. ඒක චනුක්ස් බ්‍රෝවල විශේෂ හැකියාවක් කියන්න පුළුවන්. මේ පැහැදිලියි කිරීමේදී Graphic එහෙම භාවිතා කරලා තියෙනවා. ඒ වගේම වැඩේ ගැන හොඳ අවබෝධයක් ලබාදෙන්න Lap එකෙන් ඒක සිද්ධ කරන හැටි වීඩියෝ ගතකරල සංස්කරණ කරලා තිබෙනවා.

VPN Video එකට Views හතළිස් පන්දාහක් විතර තියෙනවා. ඒක චැනල් එකේ Views සාමාන්‍ය ප්‍රමාණයක්. මොකද මේ චැනල් එකකින් සතියකට වීඩියෝ දෙකක් වගේ රිලීක්ස් වෙනවා. මෙහි වීඩියෝකරණය ගැන කියනවා නම් ඉතාම සරල කැමරා කෝණයක් දිගින් දිගටම භාවිතාවට අරගෙන තිබෙනවා. සංස්කරණයේදී Flashing වගේ Effect භාවිතා කරලා තියෙනවා. කොහොම වුණත් මෙතැනදී Video එක වඩා පැහැදිලි කිරීමට Audio එකට තමා කාගෙත් අවධානය යොමුවෙන්නේ. ඒ වුණත් Graphic භාවිතය හා තවත් උපක්‍රම භාවිතය නිසා මෙතැනදී වීඩියෝ එකටත් අපූර්වත්වයක් එකතුවෙලා කියලා අපිට පේනවා.

මෙතැනදී විශේෂයෙන්ම කියන්න ඕන දෙයක් තමයි චනුක්ස් බ්‍රෝ ජනප්‍රියත්වය ගැන. මොකද ලංකාවේ Youtube කියන්නේ විනෝදාස්වාදය පදනම් කරගත්ත දෙයක්. ඊට අමතරව ප්‍රවෘත්තිමය වටිනාකම් යම් පමණකට තිබෙනවා. ලංකාවේදී Youtube එකට අධ්‍යාපනික වටිනාකමක්, දැනුම කේන්ද්‍රීය වටිනාකමක් ලබාදුන්නේ මේ චැනලය හරහා. සාමාන්‍යයෙන් එහෙම උත්සාහයන් සාර්ථක නොවුණත් මේ උත්සාහය සාර්ථක වෙලා තිබෙනවා.

► Text - Nisal   /   Pic – Internet