ඇඟට හිතට පත්තියන් Music

ඔන්න මචෝ අපි Y Trend වලින් අද දෙන්න යන්නේ Music වලට අදාළ Storyක්. මේ කාලේ ලංකාවේ Youth Gen එක කොහොමද Music Follow කරන්නේ? මොනවාද Music එක්ක බැඳුන තාරුණ්‍යයේ නව ප්‍රවණතා...? එහෙම ටිකක් අමාරු ප්‍රශ්නයක් බ්‍රෝ... ඒකට උත්තරයක් ගලපගන්න බෑ. ඔන්න ඒ නිසා අපි සීන් එක ගැන බැලුවා.

Music වලදී එක එක්කෙනාගේ Choice එක වෙනස්. ඒ වුණාට මේ දවස්වල Music සම්බන්ධ පොදු දේවල් ටිකක් මුලින්ම බලමු. බස් එකේ ට්‍රේන් එකේ දකින්න පුළුවන් Hand Free, Head set දාගෙන යන Boysලා Girlsලා ඕනතරම්. මේක ලොකු Y Trend එකක්. අපේ බ්‍රෝලා සිස්ලා Music වලට අම්බානට Love නිසාම නෙවෙයි මේ සීන් එක Trend එකක් වුණේ. මේක එක විදිහක Fashion එකක්. ගමන් යනකොට බාහිර පරිසරයෙන් මිදෙන්න යොදාගන්න උපක්‍රමයක්. මේ Trend එක අපේ පරම්පරාවට ආවේ කොහොමද පොඩ්ඩක් කල්පනා කරලා බලමු බ්‍රෝ.

අපේ අයට තිබ්බා ග්‍රැමෆෝන් එකෙන් වෑර්ලස් එකෙන් සිංදු අහපු යුගයක්. පස්සේ Radio එක ගෙදරට ආවා. ටෙලිවිෂන් එක ආවා. හැමදෙයක් එක්කම Music කියන දේ අපේ ඇඟට සෙට් වුණා. මචෝ මතකද වෝක්මන්වලින් සින්දු අහපු කාලේ. ඒ කාලේ ඒ සීන් එක ලොකු Trend එකක්. මතකද තව ගෙවල්වලට ගත්තා තඩි සෙටප් කන පැලෙන්න සින්දු ඇහුවා. අසල්වැසියෝ අතර වලිත් ගියා. පසේ ඔන්න ආවා ටී.වී. එකේ චැට් ෂෝ යුගය. රේඩියෝ එකේ සිංග්ලිෂ් යුගය. මේ සීන් එකත් එක්ක Music තවත් අපේ අයගේ ඇඟට පත්තියන් වුණා. මොන මොන කාලේ මොන මොන දේවල් වුණත් ඒ කාලවල හිටපු තාරුණ්‍යය තමා Music සීන් එක රන් කළේ.

ඔන්න සුදා මේ කාලේ සීන් එක ගොඩක් Develop වෙලා අර මුලින් කිව්වා වගේ කිට මරලා Head Set එකක් දාගෙන යන බුවාලා හැමතැනම. ඒක වෙනම සීන් එකක්. ඕක මචෝ ප්‍රදර්ශන කාමය. පොෂ් සීන් එකක්. මේවා ලංකාවේ විතරක් නෙවෙයි ලෝකේම Trend හරියට තියෙනවා. නරක දෙයක් නෙවෙයි හොඳට දැනෙන්න සින්දුවක් අහන්න තියෙන සුපිරි විදිහක් තමා මේ. ඒ වුණාට ඒ වෙනුවෙන්ම විතරක් නෙවෙයි ඉතින් Head Set පාවිච්චි වෙන්නේ.

බූම් එකක් අරගෙන ගමන් යන අය ගැන දන්නවාද? බෲම් එකක නෙවෙයි බූම් එකක්. ඒ කියන්නේ මා පුතී Bluetooth වලින් සින්දු අහන බිත්තරේ වගෙ ලොකු ගැජට් එක. ආන් ඒක. ඔන්න ඕකත් දැන් ලංකාවේ ගොඩක් Hit. Trip එකක් යනකොට දෙතුන් දෙනෙක් එකතුවෙලා Partyයක් දානකොට මේක පට්ට වටිනවා. ඒක එහෙම වුණත් යන යන තැන වාහනේ ඕක දාගෙන යන අය ඉන්නවා. ඒකත් ඉතින් ලොකු සීන් එකක් පුතී. මේ බූම් සීන් එක පිටිපස්සේ වෙනම කතාවකුත් තියෙනවා. ෆීල් දාන උන් කියන්නේ පෙති, ස්ටෑම් පාවිච්චි කරපු අයට Music ඕනනේ. Music කිව්වාට Track බීට් එක තමා ඕනා. ඉතින් අද වෙනකොට මේ අයට Private Set වෙලා දෙතුන් දෙනෙක් එක්ක අරවා කාලා බූම් එකට Phone එක connect කරලා Track එකක් අහනවා. මේක ඔන්න ඔහොම භයානක Trend එකක් සුදා.

ලංකාවේ Music ගැන කතා කරනකොට දැන් TV එකට Radio එකට තිබ්බ තැන නැතිවෙලා. අපි කිව්වේ මුලින්ම මේ සීන් එකේ පරිණාමවාදය ගැන. අද Internet එක තමා අද තරුණ පරම්පරාවේ සංගීත මනදොළ පිනවන්නේ. ඉස්සර මචෝ අපි ඇහැව්වේ අපිට එයාලා දෙන දේ. අද අපි අහන්නේ අපිට ඕනා දේ. ගීත ඉල්ලීම් වගේ දේවල් අද Generation එකට එච්චර අදාළ නෑ. ඕන සිංදුව Download කරලා ගන්න පුළුවන්. කැමති Music Video එක Youtube එකෙන් බලන්න පුළුවන්. හරි Simple සුදා. මේ නිසා Music සම්බන්ධ මාධ්‍ය ඒකාධිකාරිය බිඳිලා තියෙන්නේ.

අපි දැන් Music ඉන්ඩ්‍රස්ට්‍රි එක පැත්තට හැරෙමුකෝ. අද තරුණ ශිල්පීන් තවදුරටත් TV එක Radio එල ඉලක්ක කරගෙන නිර්මාණකරණයේ යෙදෙන්නේ නෑ. ඔවුන් තමන්ගේ ප්‍රේක්ෂකාගාරය නිර්මාණය කරගෙන තියෙන්නේ Youtube එකේ. මෙතැනදී ඔවුනට සෘජු ආදායමකුත් තියෙනවා. ඉතින් බ්‍රෝ අපේ Youth එකේ Artists එක එකාට වැඳ වැඳ යන්නේ නෑ තවත්. මේ Trend එක එයාලගේ Life එක වෙනස් කරලා.

අද අපේ තරුණ ප්‍රේක්ෂකාගාරය ගැනත් කතා කරන්න ඕනා ලාවට හරි. ඉස්සර ලංකාවේ රසවින්දයේ විවිධත්වය සීමාසහිත වෙලා තිබුණේ. ඒත් දැන් එතකොට එක එක අය අහන්නේ එක එක ස්ටයිල්.  Music ගෝලීයකරණය වෙලා බ්‍රෝ. අද ලොකු විවිධත්වයක් තියෙනවා. ඒ වගේම ඉන්දියානු ගීතවලට තිබ්බ රුචිකත්වයක් අඩුවෙලා අම්බානට. ඉස්සර හින්දි සින්දුවලට තිබ්බේ මාර තැනක් නේ. මතකද සුදා? දැන් බටහිර නැඹුරුව ගොඩක් වැඩියි. Rap, DJ, Hipop වගේම Matra වගේම Trackවලට ලොකු අවධානයක් ආකර්ෂණයක් අද ලංකාවේ තියෙනවා.

හැබයි  පැරැණි ගීත ගැනත් වෙනමම එකක් හිත ඇතුළේ තියෙනවා අපේ Generation එකේ. ඒවා රසය විඳින්න අමතක කරන්නේ නෑ. ඩොල්කියක් ගහලා ගිටාර් එක ගහලා ආතල් එකක් දානකොට පරණ ගීත තමා Hit. ඒ වගේම පරණ සින්දු අහන එකත් අද Trend එකක් වෙලා තියෙනවා. සැලකිය යුතු පිරිසක් මේ සීන් එකෙත් ඉන්නවා. ඒ වගේම එළිමහන් ප්‍රසංගවලට තියෙන කැමැත්තට ක්‍රමයෙන් අඩුවෙන බවක් පේනවා. ඒ එක්කම Indoor වැඩවලට කට්ටිය ඇදෙනවා.

මගෙ පැංචෝ පැංචියොන්ට අපි කිව්වේ සීන් එකෙන් බොහොම ටිකයි. කාලේ තාලයට හැමදේම වෙනස් වෙනවානේ සුදා. ඒත් කොහොම වුණත් Music කියන්නේ ලෝකයේ බාල මහලු වැඩිහිටියො කොයි කාගේත් ආදරය දිනාගත්තු සුප්පා Trend එකක්. මේ ගැන පොඩ්ඩක් නිවී සැනසිල්ලේ කල්පනා කරන්න කෝ. Line එක History එක Change වෙන Trend ටික පට්ටයි කියලා ඔයාලටත් හිතෙයි. ඔන්න අද අපි ගියා. ලබන සතියේ හම්බ වෙමු හරිය.

► Text - Nisal   /   Pic – Internet