මචෝ ජීවිතය කියන්නේ සංචාරයක්

මා බ්‍රෝ මචෝ මචී පැංචෝ පැංචී,
ඔයාලා හැමෝටම ආදරෙයි.... හාද?

ඩිස්ටි ඩිඩින් ආතල් බ්‍රෝ ආතල්. මේ දවස්වල අපිටත් Anniversary සුදාලා. දේශයට අවුරුදු පහයි. ඔන්න ඉතින් ආසිරි සුභ පැතුම් එක්කරන්න ඕනා හරිය....

Anniversary ගැනම අද Line එක ගහන්න අපි තීරණය කළා. දැන් කාලේ මේ Anniversary කියන්නේ පට්ට Trend එකක්නේ සහෝ. ඉතින් ඕනෑම සැමරුම කරන ප්‍රධාන විධි දෙක අද ලෝකේ තියෙනවා. අපි මුලින්ම බලමුකෝ ඒ ගැන.
ආතල් වෑහෙන Anniversary. සංවත්සරයක් කියන්න සතුටක දැනෙන දෙයක් නිසා ආතල් එකේ වැඩේ සමරන එක තමා මෙතන දී වෙන්නේ.  කෑම, බීම මල් පළතුරු බෝතල් එක්ක Music and Dancing මේකෙදී අනිවා තියෙනවා නේ. ඒ උඹලාගේ Anniversary එකනේ කියලා ඔන්න අපෙන් පාටි ඉල්ලන්න ඔට්ටු නෑ පාඨක පැංචෝ පැංචියෝ. අපි ඕවට නෑනී...

කොහොම වුණත් ආතල් දාන සංවත්සර දැන ලොකු Trend එකක්. කොහෙන් හරි හේතුවක් හොයාගෙන පාටියක් දානවා. දාන අයගේ පොකට් එකට තට්ටු වෙනවා. එන අයගෙත් පොකට් එකට තට්ටු වෙනවා. ඇති හැකි පංතියේ පොෂ් Life ගතකරන අයට නම් මේ System එක අවුලක් නෑ. හොඳ Anniversary Party දාන්න වගේ සුපිරි Gift දෙන්නත් පුළුවන්නේ එයාලට. ඒත් මාස් පඩිගන්න එදා වේල ටුවර් යන අයට නම් මේ ඔට්ටු නෑ. So සංකීර්ණයි Most භයානකයි. අතේ වත සිඳෙනා සුළුයි.
ඔන්න Anniversary ගන්න අනික් විදිහ තමා දැහැමින් සෙමින් සැමරුම්. සතුට බෙදාගන්නවා අර්ථවත් විදිහට. මේකත් දැන් Trend එකක්. නැති බැරි අයට උදව් කරනවා. ගොඩක් වෙලාවට මේ කාලේ පිළිකා රෝහලට උදව් කරන එක විශාල වශයෙන් වෙන දෙයක්. එව්වා හොඳ වැඩ. ළමා නිවාසයක වැඩිහිටි නිවාසයක ගිහින් ඒ අය එක්ක විනෝද වෙන අයත් ඉන්නවා සෑහෙන්න. ඒවත් ‍ගොඩක් හොඳ වැඩ. ඊට අමතර ආගමානුකූලව කෙරෙන වැඩත් තියෙනවානේ. ඒවා කොයිකත් හොඳයි. 
කොහොම වුණත් අර්ථවත් විදිහට දෙයක් සමරන එක තමා හොඳ මගේ සුදාලා. විනෝද වුණාට කමක් නෑ ඒවත් ඕනා. ඒත් බොරැවට පිස්සු කෙළියම ජීවිතේ හොඳම දවස්වල ලස්සන මතක ඉතිරි වෙන්නේ නෑනේ මචෝ. ඔන්න අපි Anniversary සමරන්න ඔයාලා යෝජනා කරන්නේ  මේ වගේ යහපත් විදිහට.

අපේ Anniversary එක නිසා අද හැමදාම අපි කියන දේවල් ටික එකතු කරලා මෙහෙම ගලපන්න හිතුණා. අපේ යුතුකම සුදාලට ලියන එකනී...
මචෝ ජීවිතය කියන්නේ සංචාරයක්. මතක විතරක් අරගෙන යන්න පුළුවන් සුන්දර ගමනක් හැමෝගෙම දවසක ගමනාන්තයට යනවා. ඒ අතර ගමනේදී සමහර පහන් කණු යට නැවතිලා පුංචි විවේකයක් අරගෙන අපිට පුළුවන් හිතලා බලන්න අපි ආපු ගමන ගැන. ඇත්තටම Anniversary යක් කියන්නේ ඒ වගේ දෙයකට. අතීතය ගැන හොඳට කියෙව්වොත් කවදාවත් අනාගතයේ වරදින එකක් නෑ. අපේ ආදරණීය පැංචෝ පැංචියෝත් ජීවන සංචාරේ පහන් කණු යටදී ආපහු හැරිලා බලන්න. අනිවා ජීවිතේ ලොකු වෙනසක් වේවි.

ඉතින් අපේ Anniversary එක දවසේ අපි ප්‍රාර්ථනා කරන්නේ එකම දෙයයි.
මව්බිමේ අපිට උඹලට හැමෝට ලස්සන කාලයක් උදාවේවා...!

► Text - Nisal   /   Pic – Internet