පියවර පහක මතක සමුදාය

විජය පුවත්පත් ප්‍රකාශන ආයතනයේ පුවත්පතක් ලෙසින් දේශය අපි ඉතා අගය කළයුතු පුවත්පතක් ලෙසයි මා දකින්නේ.
දේශපාලනය, කලාව, එමෙන්ම අපගේ සංස්කෘතිය අපේ භාෂාව, ආගම යන සියලුම අංශ යටතේ ලිපි සහ ඒ පිළිබඳව විද්වතුන්ගේ ප්‍රකාශ මේ පුවත්පතෙහි සඳහන් වෙනවා. ජනතාව දැනුම්වත් කිරීම සහ බුද්ධිමත් කිරීම පුවත්පතක යුතුකම ලෙස දකිද්දී දේශය පුවත්පතෙන් අපිට මේ කියනා සියලු දේ ඉෂ්ඨ වනවායැයි මම විශ්වාස කරනවා. අපගේ සංගීතය, සිනමාව, නාටක මෙන්ම සියලුම කලා විෂයන් සම්බන්ධව දේශය පුවත්පතෙන් ජනතාව දැනුම්වත් කිරීමේ ලේඛන පළවෙන බව අපිට දකින්නට ලැබෙනවා. දේශය පුවත්පත පස් වසරක් තුළ මේ කළ සේවාව මෙන්ම ඉදිරියටත් දේශය පුවත්පතට මේ හැකියාව තව දියුණු කරමින් තව තවත් බුද්ධිමත් ප්‍රකාශන සහ බුද්ධිමත් ලිපි ඉදිරිපත් කරමින් ජාතිය දැනුම්වත් කිරීමටත්, ජාතියේ නුවණක්කාරයන් පහළ කිරීමටත් මෙම පුවත්පතට හැකිවේවායි මම ප්‍රාර්ථනා කරනවා.

මම වික්ටර් රත්නායක

 

දේශය පුවත්පත කෙටි කලකින් ජනතාවගේ හිත් දිනාගත් හිතට දැනෙන තොරතුරු, සැබෑ තොරතුරු ලබා දෙන පුවත්පතක් ලෙස මට හඳුන්වන්න පුළුවන්. මිනිස්සු හැම විටම උණුසුම් පුවත් බලාපොරොත්තු වෙනවා. 
එවැනි පුවත් ඉතා සමබරව මේ පුවත්පත තුළින් අපිට දකින්නට පුළුවන්. විශේෂයෙන් කලාකරුවන්ගේ සැබෑ තොරතුරු දැනගන්නත් ඔවුන් හා කරන සුන්දර කතාබහටත් මේ රටේ බොහෝ දෙනෙක් කැමතියි. දේශය පුවත්පත කලාකරුවන්ටත් විශේෂ තැනක් ලබා දීලා තියෙනවා. ඒ ගැනත් හුඟක් සතුටුයි. මේ නිසා වසර පහක් සපිරෙන දේශය පුවත්පත තව චිරාත් කාලයක් අපේ හිත් දිනාගන්නා ආකාරයෙන් පුවත් සපයන්නට හැකියාව ලැබේවායි මම ප්‍රාර්ථනා කරනවා. දේශයට සුභ උපන්දිනයක් වේවා....

මම නිරංජලා සරෝජනී

 

දේ  ශය පුවත්පත කලාකරුවන්ට විශේෂයි. අපේ රටේ කලාකරුවන්ගේ කලාකාරිනියන්ගේ හිත් දිනාගත්තු, ඔවුන්ගේ සැබෑ තොරතුරු පළකරන පුවත්පතක් ලෙස මම දේශය හඳුන්වනවා. 
කලාකරුවන් සමඟ හිතවත්ව සිටිනා පුවත්පතක් වන දේශය ඔවුන්ගේ දුකේදිත් සතුටේදිත් එකසේ ළඟින්ම හිටියා. ආදරණීය ප්‍රේක්ෂකයන් කලාකරුවන්ගේ තොරතුරු දැනගන්න හරි කැමතියි. කලාකරුවන් හා ප්‍රේක්ෂකයන් අතර පාලම තනලා දෙන්න දේශය බොහෝ උදව් කරනවා. සමස්ත දේශය පුවත්පතම මේ රටේ මිනිසුන්ට සමීපයි. කලාකරුවන්ගේ නිවැරදි තොරතුරු පළකරන දේශය පුවත්පත බොරැ ගොසිප්, අනවශ්‍ය ඕපදූපවලින් තොර සැබෑම පුවත්පතක්. වසර පහක් සපිරෙන දේශය පුවත්පතට මගෙන් උණුසුම් සුබ පැතුම්...

මම රොෂාන් රණවන

 

මගේ ජීවිතේ මට දේශය පුවත්පත හරිම සුවිශේෂියි. මම කලාවට සම්බන්ධ වෙලා මගේ මුල්ම ලිපියක් සමඟ කවරයක් පළවුණේ දේශය පුවත්පතෙයි.
ඊට කලින් පුවත්පත් සම්මුඛ සාකච්ඡාවකටවත්, පුවත්පත් කවර ඡායාරූපයකටවත් මම පෙනී ඉඳලා තිබුණේ නැහැ. නමුත් දේශය පුවත්පත හරිම සුහදශීලීව මගේ පුවත්පත් සාකච්ඡාව පැවැත්වුවා. දේශය පුවත්පතේ කාර්ය මණ්ඩලයම හරිම සුහදශීලීයි. මගේ ජීවිතේ මුල්ම අවස්ථාවේ ඔවුන් හා වැඩ කරද්දි ඒ සුහදශීලීකම නිසාම මාධ්‍යයට තිබුණු බය මගෙන් නැතිවුණා. දේශය ඉතා වටිනා පුවත්පතක්. අපි හැමදාම දේශය පුවත්පත ගන්නවා. දේශය මගේ ජීවිතේ මතක හිටිනා පුවත්පතක්. දේශයට මගේ හදවතින්ම ආයු බෝ වේවායි ප්‍රාර්ථනා කරනවා.

මම ඖෂාණි රත්නායක

 

දේශය කියන්නේ දේශයටම අවශ්‍ය පුවත්පතක්. මාත් එක්කත් දේශය කීප වතාවක්ම සම්මුඛ සාකච්ඡා කළා. ඒ කිසිම ලිපියකින් අනවශ්‍ය දේ පළකරලා තිබුණේ නෑ. ඇත්ත ඇති සැටියෙන් පළකළා.
මේ රටේ දැන් තත්ත්වය එච්චර හරි නැහැ. අපි කියන දේ දැනෙනවා ගොඩක් අඩුයි. නමුත් එකදිගටම දැනෙන්න ඕන දේ කියාගෙන ආපු දේ ලොකු දෙයක්. දේශයට ධෛර්යය, ශක්තිය මම ප්‍රාර්ථනා කරනවා මීටත් වඩා සේවයක් මේ දේශයට කරන්න දේශයට හැකි වේවා.

මම මහේන්ද්‍ර පෙරේරා

 

ජාතික වගකීම ඉෂ්ඨ කරන අතරතුර කලාවට සහ කලා සංස්කෘතිය වෙනුවෙන් මෙතෙක් කරන ලද දායකත්වයට දේශයට සුභ පතන අතරේ තවත් වැඩි වැඩියෙන් ජාතික පුවත් පතක් ලෙස තමන්ගේ වගකීම ඉෂ්ඨ කරන්න අවශ්‍ය ශක්තිය දේශය කාර්ය මණ්ඩලයට ලැබේවායි කියලා මම මගේ මුළු හදවතින්ම ප්‍රාර්ථනා කරනවා.

මම තුමිඳු දොඩන්තැන්න

 

දේශය පුවත්පත දේශයට හිතැති දේශයට සත්‍යම තොරතුරු ගෙන එන පුවත්පතක් ලෙසයි මම දකින්නේ. ඒ නිසා මේ පුවත්පතේ කාර්ය මණ්ඩලයම කලාකරුවන් කලාකාරියන් සමඟ වැඩ කරන්නෙත් හරිම සුහදශීලීවයි. 
දේශයට වසර පහක් සපිරෙන මේ මොහොතේ මගේ හදපිරි සුභාශිංසනය පිරිනමනවා. ඒ වගේම දේශය වෙනුවෙන් හඬ නගන්න, මිනිසුන්ගේ සිත් සතන් දේශීය උරුමය වෙනුවෙන් සනාථ කරන්න තව තවත් දේශයට ශක්තිය සහ වාසනාව ලැබෙන්නැයි මම ප්‍රාර්ථනා කරනවා.

මම සමන් ලෙනින්

 

කලාවට මම සම්බන්ධ වුණේ උදුම්බරා චිත්‍රපටය හරහායි. දේශය පුවත්පතේ හදසර කලා අතිරේකයේ තමයි මගේ මුල්ම කලා ලිපිය පළවුණේ.
ඇත්තටම දේශය මට මගේ ජීවිතයට බොහෝ සමීපයි. මට කවදාවත් දේශය අමතක වෙන්නේ නැහැ. අපි වගේ ආධුනිකයන්ට ඉතා සුහදශීලීව අත දෙන දේශය වසර පහක් සපුරන මේ මොහොතේ ඔවුන් දිරිමත් කරන්න තවත් අවස්ථාව උදා වේවායි මම ප්‍රාර්ථනා කරනවා. දේශයට සුභම සුභ උපන් දිනයක් වේවා..!!!

මම නදීශානී හෙන්ද්‍රිසන්

 

දේශය පුවත්පතේ මම ස්ථිර පාඨකයෙකු බවට පත්වීම පිටුපස තිබුණු විශේෂත්වය තමයි නිසි තෝරා බේරාගැනීමකින් සමාජයීය අවශ්‍යතා සහ ජන විඥානය තේරැම් අරගෙන ජඩ දේශපාලන න්‍යාය පත්‍රයකට නතු නොවී ස්වාධීන හා ජනහිතෛෂී පදනමක සිට කටයුතු කරන්නට සැමවිටම දරන උත්සාහය.
විශේෂයෙන්ම දේශය පුවත්පතේ ප්‍රවෘත්තිවලටත්, ගවේෂණාත්මක හා සෘජු හෙළිදරව් කිරීම්වලටත් කාටුන්වලටත් මම විශේෂ ඇල්මක් දක්වනවා. අවුරුද්දක පමණ කාලයක් දේශය හදසර කලා අතිරේකයේ මම ගීත විචාර ලිපි සංග්‍රහයක් ලීවා. ඇත්තටම මා ලේඛකයකු බවට පත් කළේ දේශය පුවත්පතයි. මා ග්‍රන්ථ කතුවරයකු බවට පත්කළේ දේශය පුවත්පතයි. ඒ පුවත්පතේ පළවූ ගීත විචාර සංග්‍රහය ගීතයකින් ජීවිතය කියවමු නම් ග්‍රන්ථයක් ලෙස පළකරන්නට මට මඟ පෙන්වමින්. දූරදර්ශී දැක්මකින් කෙටි කාලයකින් දුර ගමනක් පැමිණි දේශය පුවත්පතට මා හැඟි සමාජ සත්කාර වෙනුවෙන් දායක වෙන්න තව තවත් දිරිය ශක්තිය මම ප්‍රාර්ථනා කරනවා.

මම අසේල විජේසුන්දර

 

මුද්‍රිත මාධ්‍යයකින් සමාජයට විය යුතු යුතුකම් අත්‍යවශ්‍ය කාලයක ඒ යුතුකම නොපිරිහෙලා නිරන්තරයෙන් ඉටුකරන දේශය පුවත්පතේ සංවත්සරයට මුළු හදවතින්ම සුභ පතනවා. 

මුද්‍රිත මාධ්‍යයකින් සමාජයේ දේශපාලන, කලාව, සංස්කෘතිය වැනි සියලුම කොටස් ස්පර්ශ කිරීමට අවශ්‍ය වෙනවා.විවිධ මාතෘකා යටතේ ඒ සියල්ලම දේශය ස්පර්ශ කරනවා. මේ නිසා වසර පහක් සපිරෙන දේශයට ඉදිරියේදීත් ඒ යුතුකම ඉටු කරලන්නට අවශ්‍ය ශක්තිය, වීර්යය දේශය කාර්ය මණ්ඩලයට ලැබේවායි මම ප්‍රාර්ථනා කරනවා.

මම අනුරාධා නන්දසිරි

 

ඇත්ත ඇති සැටියෙන් පවසන දේශය පුවත්පතට මම මුළු හදවතින්ම සුභ ප්‍රාර්ථනා කරනවා. 
හැම පැතිකඩක්ම හරිම සාධරණව පළකරන දේශය පුවත්පතට කලාකරුවන් බොහෝ සමීපයි. ඉදිරියේදීත් හැමදාමත් අපි දේශය එක්කම ඉන්නවා. දේශයට සුභම සුභ උපන්දිනයක් වේවා...!!!

මම අනූෂා දමයන්ති

 

දේශය පුවත්පත සැමවිටම සත්‍ය කතා කළා. පුළුවන් තරම් ඉක්මනින් ජනතාවට සත්‍ය තොරතුරු හැකි තරම් ඉක්මනින් ලබා දීමට දේශය උත්සාහ ගත්තා.
ජනතාව අගේ කළ යුතු පුවත්පතක් ලෙස දේශය මම හඳුන්වනවා. අවුරුදු පහක් සපිරෙන දේශය පුවත්පතට මෙලෙසින්ම තව වසර ගණනාවක්ම ජනතාවට සත්‍ය තොරතුරු ලබාදිය හැකි පුවත්පතක් ලෙස මුද්‍රිත ක්ෂේත්‍රයේ ගමන් කළ හැකිවේවායි මම ප්‍රාර්ථනා කරනවා. දේශය කලාකරුවන්ට කලාකාරියන්ට බොහෝ සමීප පුවත්පතක්.

මම ක්ලීටස් මෙන්ඩිස්

මාධ්‍යක් තුළින් මුද්‍රිත මාධ්‍ය කියන්නේ ලංකාවේ විශාල තැනක් ලැබෙන මාධ්‍යයක්. 
වසර පහක් තිස්සේ දේශය පුවත්පත හරි දේ හරි විදිහට ජනතාවට ලබා දුන්නා. අවුරුදු පහක් තුළින් දේශය කළ සේවය බොහෝයි. මේ සේවය තව තවත් වසර ගණනාවක්ම පවතීවායි මම සුභ පතනවා. දේශයට හැපි බර්ත් ඩේ.

මම නිරංජනී ශන්මුගරාජා

 

මගේ කලා ජීවිතේ මුල්ම පුවත්පත් ලිපිය පළකළේ දේශය පුවත්පතයි. එදා සිට අද වනතුරු මගේ ජීවිතේ හැම විශේෂ අවස්ථාවකදීම දේශය මාත් එක්කම හිටියා.
දේශයට වසර පහක් පිරෙන මේ මොහොතේදී මගේ ගමනට මුල්ම ශක්තිය වුණු දේශයට සුභ පතන්නේ මගේ මුළු හදවතින්මයි. මට දේශය වටිනවා. ඒ වගේම මේ දේශයට දේශයත් ගොඩක් වටිනවා. අපි වගේ අලුතින් ආ අයට මේ ගමන යන්නට ශක්තියක් වුණ දේශයට සදා ජය.

මම අනුරාධා එදිරිසිංහ 

 

► Text - Dishani  /   Pic -  Sumudu & Channa