කුඩ්ඩෙක් සහ කෙල්ලෙක්

අද කියන්න හදන්නේ ටිකක් අමුතු කතාවක්. අද කියන්න හදන කතාවේ නායකයගේ නම කබීර්... කබීර් සිං. මේ කබීර් කියන්නේ රැවුල මුහුණු පුරා වවාගෙන ඉන්න කඩවසම් තරුණයෙක්. ඒත් ඔහු බේබද්දෙක්. මත්පැන් මත්කුඩු ගංජා ඔය කිව්ව නොකිව්ව හැමදෙයක්ම කබීර් පාවිච්චි කරනවා. ඒවා පාවිච්චි කරලා ඔහු නිකම් ඉන්නෙත් නැහැ. කේන්ති ගිහින් මිනිස්සු එක ගහ මරා ගන්නවා. කබීර් බෝතලයක් කටේ තියාගෙන බීගෙන බීගෙන ගිහිල්ලා එක්වරම තමන්ගේ මිතුරෙක්ට දවසක් දුරකථන ඇමතුමක් ගන්නවා. 

කබීර් - ඒයී ශිවා මේ අහන්න. මම එදා ඔයා බෙහෙත් දෙන ඔයාගේ ක්ලිනික් එකට ආව දවසේ කෙල්ලෙක්ව දැක්කා. 
ශිවා - යාළුවා ප්ලීස් මම ලෙඩෙක් බලන ගමන් ඉන්නේ. ප්ලීස් සහෝදරයා එහෙම කියන්නනම් එපා.

කබීර් - ඒයී මම මොකක්ද අහන්න හදන්නේ? උඹ මොකක්ද මේ කියන්න හදන්නේ?
ශිවා - උඹ කොයි වගේ කාම විකෘතිකයෙක්ද ආ? හැම වෙලාවෙම කේන්තියෙන් ඉන්න ගමන් කලිසම තෙත් කරගන්නවද ආ?
කබීර් - ඒයි කටවහගනින්
ශිවා - කබීර් 

කබීර් දුරකථනය විසන්ධි කරනවා. ඔහු ඒ වෙලාවේ ඉන්නේ පදික වේදිකාවක් අසල තියෙන සරැවත් කඩයක් ගාව. ඔහු එතන තියෙන අයිස් කැට පෙට්ටියක් ඇරලා ඒකෙන් අයිස් කැට දෝතක් අරගෙන අනිත් හැමෝම බලාගෙන ඉද්දී තමන්ගේ පිරිමිකම තියෙන හරියට ඒ අයිස් කැට දෝත දාගන්නවා. මේ ඊට ටික දවසකට පස්සේ සිදුවීමක්. කඩවසම් තරුණයෙක් රැවුල වවාගෙන පිස්සෙක් වගේ ඉන්න කබීර් එක්ක කතා කරමින් ඉන්නවා. ඒ ඉන්නේ කබීර්ගේ අයියා.
කබීර් අයියා - මත්ද්‍රව්‍ය ලෝලියෙක් මත්පැන් ලෝලියෙක් ඔයා ගැන හැමෝම කියන්නේ එහෙමයි. මම ආවේ ඔයාව එක්ක යන්න. ලෑස්තිවෙන්න. 
කබීර් - මම කොහේවත් යන්නේ නැහැ.
කබීර් අයියා - ඇයි?

කබීර් - නැහැ එන්නේ කියන්නේ එන්නේ නැහැ කියන එකනේ. කිව්වනේ මම එන්නේ නැහැ කියලා.  
මේ ඊට දින කිහිපයකට පස්සේ ඔහුගේ නිවසේ සිදුවීමක්. මහත කාන්තාවක් ඔහුගේ නිවස අස්පස් කරමින් ඉද්දී මත්පැන් පුරවලා ටියෙන වීදුරැවක් ඇය අතින් ගිලිහිලා බිම වැටෙනවා. වෛද්‍යවරයෙක් වන ශිවා එක්ක කතා කරමින් ඉන්න කබීර් ඒක දැකලා ඒ කාන්තාව දිහා බලන්නේ ලොකු කේන්තියකින්.

වැඩකාරී - මහත්තයා සමාවෙන්න අත ලිස්සලා වැටුණේ හිතාමතා කළේ නැහැ. එපා එපා සර්.
ඇය පණ එපා කියලා දුවනවා. ඔහු ඇය පස්සෙන් ගේට්ටුව ගාවට යනකම් එලවගෙන යනවා.
ශිවා - ගොනෝ උඹ ඔච්චර මත්පැන් බීලා මැරිලා යාවී නවත්තපන්.

කබීර් - මේක මගේ ගෙදර. මට ඕන දෙයක් මම කරනවා උඹත් පලයන් යන්න.
එහෙම කියලා කබීර් වෛද්‍යවරයෙක් වන තමන්ගේ මිත‍්‍රයා ශිවාව ගෙයින් එළියට දලා දොර වහලා දානවා.

කබීර් ප්‍රොජෙක්ටර් එකකින් තමන් ආදරය කළ යුවතියගේ ඡායාරූප නරඹමින් ඉන්නවා. ඔහු ඉන්නේ මත්පැන් බොමින් ඇඳක වාඩිවෙලා. ඇඳ විට්ටමට හිස තියාගෙනයි. ඒ අසලම කාමරයේ ඔහුගේ මිතුරා ඉන්නවා. 
ශිවා - ඔය දේවල් කරලා උඹට එයාව අමතක කරන්න පුළුවන් කියලද හිතන්නේ?

කබීර්ට අතීතේ දවසක් මතක් වෙනවා. එතකොට කබීර් රැවුල කපලා පිළිවෙලකට ඉන්න කෙනෙක්. එයා සුදුපාට සල්වාර් එකකින් සැරසිලා ඉන්න වෛද්‍යවරියක් වෙන්න ඉගෙනගන්න ප‍්‍රීතිව දකිනවා. තරැණියන් පිරිස ඉදිරියේ කබීර් හිටගෙන ඉන්නවා.
කබීර් - මේක ඔය එසේ මෙසේ උපාධියක් නෙවෙයි. මේ එම්බීබීඑස් (වෛද්‍ය උපාධියක්) ඔයා පස්සේ වාඩිවෙලා ඉන්නේ ඇයි? ඔයාට අද තියෙන ලෙක්චර් එක මොකක්ද?

ප‍්‍රීතී - ව්‍යූහ විද්‍යාව (ඇනටොමි)
කබීර් - එන්න., මම ඔයාට උගන්නන්නම්.

අනිත් හැමෝම කබිර්ට බයෙන් බිම බලගෙන ඉන්නේ. ඔහු ප‍්‍රීතිව එක්කගෙන යද්දී ඔවුන් ඔළුව උස්සලා ඔවුන් යන දෙස බැලුවත් ආපහු කබීර් ඒ ශිෂ්‍ය ශිෂ්‍යාවන් දිහා හැරිලා බලද්දීම ඔවුන් සියලු දෙනාම බිම බලා ගන්නවා. 
කබීර් ඇයට ගොඩාක් ආදරය කරනවා. ඒත් ඒ ආදරය ඔහුට අහිමි වෙනවා. ප‍්‍රීතී අහිමි වෙන දුකට තමයි ඔහු මත් ද්‍රව්‍යවලට ඇබ්බැහි වෙන්නේ. කබීර්ගේ කතාවේ ඉතුරු ටික රහ බලන්නනම් 2019 ජුනි 21 වැනිදා තිරගත වෙන සන්දීප් වන්ගා අධ්‍යක්ෂණය කළ මුරාද් ඛේතනී, අශ්වින් වාර්දේ, භූෂන් කුමාර් සහ ක‍්‍රිෂන් කුමාර් නිෂ්පාදනය කළ කබීර් සිං කියන හින්දි සිනමාපටය නරඹන්නම වෙනවා. මේ සිනමාපටය හදලා තියෙන්නේ අර්ජුන් රෙඩ්ඩි තෙළිඟු සිනමාපටයක් ඇසුරෙන් සංදීප් වන්ගාගේ රචනයක් විදියටයි. මේ සිනමාපටය සප්ත ස්වරයෙන් හැඩ කරලා තියෙන්නේ මිතූන්, අමාල් මලීක්, විශාල් මිශ‍්‍රා සහ සචේත් - පරම්පරා කියන කට්ටිය. කබීර් රජ්වීර් සිං කියන වෛද්‍ය ශිෂ්‍යාගේ චරිතයට පණ පොවන්නේ ඔබ අපි දන්න කෙනෙක්. මෙන්න මේ සිනමාපටවලින් ඔබ අපි ඔහුගේ දක්ෂතා දැකලා තියෙනවා. බලන්න ඔබට මේ සිනමාපට දැක්ක ගමන් මතක් වෙනවද කියලා.

2003 Ishq Vishk, Vivah (2006), Jab We Met (2007), Kaminey (2009), R... Rajkumar (2013), Haider (2014), Udta Punjab (2016), 2018 Padmaavat, Kismat Konnection (2008), Teri Meri Kahaani in 2012, Mausam (2011).

1981 පෙබරවාරි 25 වැනිදා ඉන්දියාවේ නව දිල්ලිවලදි ඉපැදුණු ඔහු 2003 වාරේ පටන් නළුවෙක් විදියට හින්දි සිනමවේ කටයුතු කරනවා. ඒ වගේම ඔහු දක්ෂ නර්ථන ශිල්පියෙක් වගේම වැඩසටහන් ඉදිරිපත් කරන්නෙක් ද වෙනවා. ප‍්‍රියංකා චොප්රා කරීනා කපූර් එක්ක විතරක් නෙවෙයි දීපිකා පදුකෝන් එක්කත් ආදර පලහිලව් තිබුණා කියලා මොහු ගැන බොලිවුඩයේ කතා පැතිරැණත් 2015දී ඔහු සිනමාවට සම්බන්ද නැති කෙනෙක් එක්ක තමයි විවාහ වුණේ. ෆිල්ම් ෆෙයාර් සම්මාන ඇතුළු සිනමා සමානවලින් තමන්ගේ නමට සම්මාන රාශියක් වෙන් කරගන්න සමත්කම් දැක්වූ මේ නළුවා විවාහ වුණේ මීරා රාජ්පුත් එක්ක. දැනට දරුවන් දෙදෙනෙක් සිටින ඔහුගේ දෙමාපියන් වෙන්නේ පන්කජ් කපූර් සහ නීලිමා අසීම්. ඔවුන් දෙන්නම හින්දී සිනමාවේ නළු නිළියන් බව අපි හැමෝම දනන්වනේ නේද? ඔහු වෙනින් කිසිවෙක් නෙවෙයි ශහීද් කපූර්. ඔහු තමයි ඒ බේබදු චරිතයට පණ පොවන්නේ. දැන් ඔබට කියන්න හදන්නේ ප‍්‍රීතීගේ චරිතයට පණ පොවන ඇය ගැනයි. මෙන්න මේ සිනමාපට ඔබ නරඹලා තියෙනවනම් මේ කියන්න හදන ඒ සුන්දර කෙල්ල ගැන ඔබ දැනටමත් දන්නවා. 

2014 Fugly, M.S. Dhoni: The Untold Story (2016), Lust Stories (2018), Bharat Ane Nenu (2018), 2017Machine.
1992 ජූලි 31 වැනිදා ඉන්දියාවේ මහරෂ්ට‍්‍රා ප‍්‍රාන්තයේ මුම්බායි නගරයේදී ඉපදුණු ඇය 2014 වසරේ පටන් හින්දි සිනමාවට සම්බන්ධ වෙලා ඉන්නවා. අශෝක් කුමාර් ඇයගේ සීයා කෙනෙක් වන අතර සයීද් ජෙෆ‍්‍රි ඇයගේ මාමා කෙනෙක් වන අතර ජනප‍්‍රිය සුරූපි නිළි ජුහී චාව්ලා ඇයගේ නැන්දනියක් ද වෙනවා. මේ කියන සුන්දර කෙල්ල හින්දි සිනමාපටවල මෙන්ම තෙළිඟු සිනමාපටවලත් දකින්න ඉන්න කෙනෙක්. ඇය නමින් කියාරා අද්වානී.
ඇය තමයි මේ සිනමාපටයේ කබීර් ආදරය කරන ප‍්‍රීතිගේ චරිතයට පණ පොවන්නේ. මේ සිනමාපටයේ ඔය කිව්ව දෙන්නට අමතරව කබීර්ගේ අයියා විදිහට අර්ජුන් බාජ්වාත් කබීර්ගේ තාත්තා විදියට සුරේශ් ඔබරෝයි වගේම නිළියක් විදියට නිඛිතා දත්තාත් ශිවාගේ චරිතයට සෝහම් මජුම්දර් සහ අමිත්ගේ චරිතයට අමිත් ශර්මාත් කුමාල්ගේ චරිතයට කුනාල් තාකූර් සහ කීර්තීගේ චරිතය අනූෂා සම්පත් ද විද්‍යාගේ චරිතය ආවතී සෙත්ද ස්සියා මහජන් සහ ටීනාද චරිතවලට පණ දෙන්න එකතු වෙලා ඉන්නවා. කබීර් සිං හින්දි සිනමාපටයේ තියෙන මන බඳින ගීතයන්ගේ පද අමුණලා තියෙන්නේ ඉර්ශාද් කමිල් සහ මිතූන් වන අතර ඒවා සප්ත ස්වරයෙන් හැඩ කරලා තියෙන්නේ සචෙත් - පරම්පරා, මිතූන් විසිනුයි. ඒ ගේය පදවලට පණ දෙන්න තමන්ගේ හඬින් ඒවාට පණ දීලා තියෙන්නේ සචේත් තන්ඩන් සහ අර්ජිත් සිං.

► Translation — Chandana Waravitage