Cup-up කරන Fans පොරේ

ඔන්න මචෝ මේ දවස්වල නොලියම බැරි Y Trend එක Cricket. දැන් ICC World Cup එකත් සැරටම නැගලා යනවනේ. අපේ Sri Lankan Cricket Fans ලා මේ ටිකේ Game එකේ තමා ඉන්නේ. Sri Lankan ලා විදියට මේ පාර World Cup එක ගැන සතුටු හිතෙන දුක හිතෙන කතා බොහොමයි. ඒවා පැත්තකින් තියමුකෝ සුදා... අද අපි කතා කරන්නේ මේ පාර World Cup එක සහ Cricket ක්‍රීඩාව එක්ක බැඳිලා තියෙන අපේ රටේ Social Media වල Trend වෙලා තියෙන දේවල් මොනවද කියලා.

මචෝ ඉස්සර World Cup එක ආවාම අපිට කෙස් ගහේ ඉඳන් උණනේ. ඒත් මෙදා සැරේ ඒ ගතිය ටිකක් අඩුවෙලා තියෙන්නේ. ඒ නිසා Trend ටිකක් අඩුයි. ලංකාවේ Marketing පැත්ත බැලුවාමත් ලොකුවට විකුණන්න බෑ වගේ කියලා තමා හිතෙන්නේ. ඒත් Trend හදන්න එල Marketing පොරවල් Try කරනවා. ඒ වුණාට තාම ප්‍රතිඵලයක්නම් පේන්නේ නෑ.

හරි...  ඒවාත් පැත්තකින් තියමුකෝ පැංචෝ... දැන් බුකිය පැත්තට එබෙමුකෝ... බුකියේනම් ඉතින් Cricket කියන්නේ ආතල් ලෝකයක්. විචාරය, ප්‍රතිචාර, සමාචාර බොහෝමයි. ඒ නිසා අපි කතා කරන්නේ බුකී ජනයාගේ World Cup උණ ගැන. බුකියේ ඉන්නවා ක්‍රිකට් පිස්සෝ සෑහෙන්න. මේ අයගෙත් දරුණුම අය හඳුන්වන්නේ ඔස්තාර්ලා කියලා. අම්මෝ එයාලා හරි භයංකාරයි. මෙයාලා තමා ඇඟ කිලිපොලා යන ටෝක් දෙන්නේ. විචාර කරන්නේ. එයාලා රුඩිකල්. වෙලාවකට ගහන්න හිතෙනවා භූමිතෙල්. සෝ ආතල්... ඩෝන්ට් වොරි පුතා... සොරි ආ...

ඒක වෙන්නේ මෙහෙමයි. Cricket වලට Special Page ටිකක් තියෙනවා බුකියේ. ඒවා කරන්නේ මේ ඔස්තාර් ලෙවල් එකේ ඉන්න අය. මෙයාලා දානවා පට්ට පෝස්ට්. සමහරුන්ට රිදෙන්න. සමහරුන්ට දැනෙන්න. අන්න ඒ Post වලට Comment කරලා මරාගැනීම Trend එකක්.  ඒ වගේ අනාවැකි කියන්නේ මේ දවස්වල Trend එකක්. ඉන්දියාව පැත්තේනම් මේ Trend එක නැගලා යනවා. මෙහේ ටිකක් නෝමල්. හේතුව දන්නවනේ. අපේ ක්‍රිකට් ගැන තියෙන අවිනිශ්චිත බව තමා. කොහොම වුණත් අපේ page වල අනාවැකි වගේම Analyst කිරීම් සිද්ධවෙනවා මේ කාලේ. 

ඔන්න Cricket Group ටිකකුත් තියෙනවා ලංකාවේ. මෙයාලා තමා Trend Create කරන්නේ ගොඩක් වෙලාවට. ඒ වගේ ලක්ෂ ගණනක පිරිස් මේ Group වල ඉන්නවා. මෝඩ ආතල් වගේම ප්‍රබල විචාරත් තියෙනවා. ඒ වගේ එක එක ක්‍රීඩකයන් වෙනුවෙන් කඩේ යාම මේ Group ඇතුලේ ජනප්‍රිය රැල්ලක්. හරියට දේශපාලනය වගේ. මැතිව්ස්වාදියෝ... කුසල් මැන්ඩිස් වාදියෝ... වගේ අය ඉන්නවා. ඒ වගේම සමහර චරිතවලට සමතලා වෙනකම්ම ගහන්න මෙයාලා කටයුතු කරනවා.
මේකනම් එච්චර හොඳ තත්ත්වයක් නෙවෙයි. ක්‍රිකට් ලොක්කන්ගෙත් මේකට අවධානය යොමුවෙලා තියෙනවලු. ලංකාවේ අතිශය ජනප්‍රිය කඩේ යාමේ සහ මඩ ගැසීමේ සංස්කෘතිය Group ඇතුලේ තියෙනවා කියන එක සත්‍යයක්. ඒක අහිතකර විදිහට රටේ ක්‍රිකට්වලට බලපාලා තියෙනවා. World Cup එක වෙලාවේ මේ තත්ත්වය අඩු වෙනවානම් තමා හොඳ. සමහරුනම් තේරුම් අරගෙන සංයමයෙන් වැඩ. 

සුදෝ.. මේ පාර ඉතින් FB Live මැච් එක දෙන එකත් ලොකු Trend එක. ඒකේ පොඩි ආතල් එකක් තියෙනවා. කට්ටිය Comment කර කර තමා මැච් එක බලන්නේ. විකට් ගියාම බණිනවා. අනාවැකි කියනවා. ආතල් ගොඩයි. තදයි.. කොර හොදේ... මේ සීන් එකට ඉස්සර ක්‍රිකට් බෝඩ් එකෙන් කේස් දැම්මා. Page වලින් තමා මේ වැඩේ කරන්නේ.

Trend වෙලා තියෙන සිඟිති ආතල් ටික ගැනත් කියන්න ඕනනේ පැංචයොන්ට... බොරු කීම කියන එක... ඒක මෙහෙමයි වෙන්නෙ. අද මැච් එකට වහිනවානම් බොරුවට ලකුණු ගණන් දානවා කියලා FB පෝස්ට් දානවා. සමහර ක්‍රිකට් ගැන ලොකු අවධානයක් නැති අය ඇත්තටම රැවටෙනවා. සමහරු ජෝක් එකට ගන්නවා. ඔය අස්සෙ සුද්ද සිංහල බසින් Comment කරන අයත් ඉන්නවා මේවාට. මේ අස්සේ  පිටරට ක්‍රීඩකයන්ට ලංකාවේ සම්බන්ධතා තියෙනවා කියලා ලස්සන කතා ගලපලා දානවා. උදාහරණයක් විදිහට විරාට් කෝලි කියන්නේ ලංකාවෙන් ගිය කෙනෙක් කියලා කතාවක් ලියනවා. හද්ද බොරු... සෝ ආතල්...  

ඔන්න තව කට්ටියක් තමන්ගේම කියලා ක්‍රීඩකයෝ එකොළහක් නම් කරනවා තරගෙට කලින්. අනිත් අය ඒකට පට්ට විචාර දෙනවා. තේරීම් කමිටුව පරාදයි. ඒ වගේම තේරීම් කමිටුවට වගේම පුහුණුකරුවන්ට බනින, උපදෙස් දෙන එකත් මේ කාලේ ලොකු Trend එකක්. තවත් අය මැච් Live එක යනකොට ලකුණු විකට් Post කරනවා අනිත් අයට පේන්න. ඔය වගේ සිඟිති වැඩ ඕසෙට. ආතල් නිසා මේවා ඔයාලත් කරලා ඇතිනේ සුදාලා. ආ බොරුද? 
ඔන්න ඉතින් ඕවා තමා Social Media පැත්තේ Cricket Trend. මේවා කාලෙන් කාලෙට වෙනස් වෙනවා. කොහොම වුණත් Social Media Cricket Fans කියන්නේ රටේ ක්‍රිකට්වලට බලපෑම් කරන කණ්ඩායමක්. හොඳ නරක දෙපැත්තම තියෙනවා. කොහොම වුණත් අවසානෙදී කියන්නෙ තියෙන්නේ අපි හැමෝම තේරුම් ගන්න ඕන මේ යුගය වෙනස් කියලා. නැද්ද මචෝ... ඒ වගේ නිර්දය විදියට විවේචන ප්‍රතිපත්ති ලබාගන්න බෑ කියලත් මතක තියාගන්න ඕන. මොනවා වුණත් මේ එකොළොස් දෙනා නියෝජනය කරන්නේ අපේ රට නී සහෝ... ඒ නිසා අපි දිරිගන්වමු. අධෛර්යමත් නොකර ඉමු. එහෙම නේද හොඳ මගේ පුතීලා. 

► Text - Nisal   /   Pic – Internet