සිරි ලංකාවේ කරමුද සංචාරේ

අද අපි YouTube Hit වලින් කතා කරන්නේ Sri Lanka After the Attack කියන විඩියෝ එක ගැන. Steve Yalo කියන එක්සත් ජනපදයේ ඉන්න Travel Vlog කෙනෙක් තමයි මේ Video එක කරලා තියෙන්නෙ. පාස්කු ප්‍රහාරෙන් පස්සේ ලංකාවේ සංචාරක මණ්ඩලයත් හවුල් වෙලා සංවිධානය කරපු ප්‍රවර්ධන ශ්‍රී ලංකා සවාරියක් ඇසුරෙන් තමා මේ විඩියෝ එක බිහිවෙන්නේ. මේ Channel එක ජාත්‍යන්තර වශයෙන් ක්‍රියාත්මක වෙන Channel එකක්. Subscribe ලා 42k විතර ඉන්නවා. ලෝකේ නොයෙක් තැන්වල සංචාරය කරන Yalo මේ හරහා තමන්ගේ අත්දැකීම් බෙදාගන්නවා.

මේක වීඩියෝ එක පදනම් කරගෙන අපි කතා කරන්නේ ලෝකේ පුරා YouTubers ලා අතර ජනප්‍රිය Travel Vlog කියන සංකල්පය ගැන. ලංකාවේ නම් මේක ඒ හැටි ජනප්‍රිය නෑ. ටිකක් කරන්න අමාරු වැඩක් විශාල වශයෙන් වියදම් යන වැඩක්. ලංකාව ගැන කරපු මේ Vlog එක episode කිහිපයකින් තමා කරලා තියෙන්නෙ. ලංකාවට එන විදිහ මුදල් මාරු කරගන්න විදිහ. සිම් එක මිලදී ගන්න විදිහේ ඉඳලා ට්‍රැවල් කරන අත්දැකීමක් ගොඩක් ඊට අන්තර්ගතයි. ඇත්තටම විදේශික සංචාරකයන් ලංකාව දකින විදිහ ඉගෙනගන්න මේක කියාපු වීඩියෝ එකක්. අපිට වඩා අපේ රටේ සුන්දරත්වය ඔවුන් විඳිනවා කියන්න මේක නියම උදාහරණයක්.

අපි නරඹනකොට Views 12k වගේ තමා තිබ්බේ. මුළු ධාවන කාලය මිනිත්තු 21 ක්. ලංකාවේ YouTube රසිකයෝ වෙන අපිට මේක ටිකක් දිග කාලයක්. මෙතැනදී ගොඩක් දුරට Self Video තමා භාවිත වෙන්නේ. ඊට අමතරව ලංකාවේදී ඔවුගේ හිත ඇඳ බැඳගත් සුන්දර දර්ශන තලවල රූප වගේ දේවලුත් ඇතුළත්. සංස්කරණ කියන කාරණ හරහා තමා මේ විඩියෝක මුළුමනින්ම ආකර්ෂණීය එකක් වෙලා තියෙන්නේ. ඉතාම සියුම් විදිහට නවීන සංකල්ප භාවිත කරමින් වැඩේ කරලා තියනවා. ලංකාවේ YouTubers ලාට Trend Vlog කරන්න අපහසු වුණත් කැමරාකරණය වගේම සංස්කරණ ගැන ඉගෙන ගන්න පාඩම් ගොඩක් මේ විඩියෝ එකේ ඇතුළත්.

මේ සංචාරයන්ට තවත් රටවල් කිහිපයක අය සහභාගී වෙනවා. ඔවුන් කරන කියන දේවල් මේ අතර තියනවා. සංචාරකයන්ට ලංකාවේ ආරක්ෂාව තහවුරු වෙලා තියනවා කියන එක මේ විඩියෝ එක ඇතුළේ ගොඩක් වෙලාවට තහවුරු වෙනවා. අනෙක් කාරණාව තමයි සංචාරක කර්මාන්තය ප්‍රවර්ධන මේ විදිහේ වැඩ කරන එක Creative. පළවෙනි එපියෙන් යාපනය බලා යන සංචාරේ අවස්ථා නිරූපණය වෙනවා. දවස දවස වෙනම අරගෙන ඒ දවසේ ඔවුන් කරන කියන දේවල් එකතු කරලා තමා වීඩියෝ එක නිර්මාණය වෙන්නේ.

කොහොම වුණත් අවසාන වශයෙන් කියන්න ඕනෑ අපි මේ විඩියෝ තෝරගෙන හේතු ටික ලංකාවේ You tubersලා ජාත්‍යන්තර ප්‍රමිතිය කරා ගමන් කරන්න නම් මේවගේ විඩියෝ පිළිබඳව හොඳ අධ්‍යනයක් කරන්න ඕනෑ. ඒ වගේම ලංකාවේ අපිට අපේ රටට පේන විදිහට වඩා කොච්චර වෙනස් විදිහට ලෝකයට පේනවාද කියලා තේරුම්ගන්න මේක කදිම අවස්ථාවක්. සියල්ල අතරේ මේ Video එක්ක ශ්‍රී ලංකිකයන් වුණ අපිට දැනෙන ආඩම්බරය ඔක්කොටම වඩා වැඩියි. 

► Text - Nisal   /   Pic – Internet