Exam ඉවරායි...
කේම්බ්‍රිජ් විශ්වවිද්‍යාලෙ කිව්වම කාගෙත් සිහියට එන්නේ හරිම ගරු ගාම්භීර තැනක් විදිහටයි. මහා විද්‍යාඥ ස්ටීවන් හෝකින්ස්, ඔටුන්න හිමි චාල්ස් කුමාරයා, ඉන්දියාවේ රජීව් ගාන්ධි වගේම ලංකාවේ ගාමිණී දිසානායක වැනි දේශපාලනඥයන් ද තම උසස් අධ්‍යාපනය හැදෑරුවේ කේම්බ්‍රිජ් සරසවියෙනි. මේ අතර ඉකුත් මැයි මාසයේ පැවති විභාගයෙන් පසු කේම්බ්‍රිජ් සරසවියේ අවසන් විභාගය නිම කළ සිසු සිසුවියන් පෙළකගේ ඡායාරූප බ්‍රිතාන්‍ය ඩේලිමේල් වෙබ් අඩවියට එක්කර තිබුණා.
මීට පෙර වසරකදී වාගේ අඩ නිරුවත් ඡායාරූප මේ අතර දකින්න නොතිබුණත් සරසවි සම්ප්‍රදායේ මුල් බිමක් විදිහට සැලකෙන කේම්බ්‍රිජ් සිසුන්නම් සම්ප්‍රදාය ගැන පොඩි හෝ තැකීමක් කර තිබුණු බවක් මෙවරත් පෙනෙන්න තිබුණේ නැහැ. ඔවුන් රිසි සේ වීදි සරමින් අවසන් විභාගය නිම කිරීමේ සතුට භුක්ති විඳින ආකාරය කැමරා කාචවල සටහන් වෙලා තිබුණා.
කේම්බ්‍රිජයටම ඈඳුණු ට්‍රිනිටි කොලීජියේ තිබුණු ආහාර මෙනූ පහක සුපිරි භෝජන සංග්‍රහයකින් සහ වයින් ෂැම්පේන් පිරුණු සාදයකින් මේ අවසන් වසර සාදය හැඩගැන්විලා තිබුණා. ඒ වගේම ජෑස් සංගීතය, විකට ශිල්පීන්ගේ ප්‍රසංග විතරක් නෙමෙයි, මල් වෙඩි පවා මේ සාදය වර්ණවත් කරලා තිබුණා.
කොහොම වුණත් සාදයෙන් පස්සේ කට්ටිය ගෙදර යන විදිහ මෙන්න මේ විදිහට කැමරාවල සටහන් වෙලා තිබුණා.
► Text - Suranga / Pic - Internet