මගේ පවුල කලවම් මැල්ලුමක්

රජත් - පරේශ් රාවල කියලා තියෙනවා‘‘, හින්දුන්ගේ විශ්වාසය බිඳලා තියෙනවා. ඒත් එහෙම වෙලත් හින්දු සමිති සමාගම් ඒ ගැන විරුද්ධත්වයක් පෙන්නුවේ නැහැ. ඒ නිසා මේ ෆිල්ම් එක හැම එකකටම වඩා හිට් එකක් වුණා කියලා.
අමීර් - රජත් ජී මම ඔබට කියන්නේ මේ ෆිල්ම් එකෙන් මිනිස්සු කරන වැරදි දේවල් ගැන ඔවුන්ට අවබෝධයක් ලබා දුන්නා කියන එකයි. එහෙම නොවුණනම් එතරම් සාර්ථක වෙන්න බැහැනේ. අපි කියන දෙය හැමෝම තේරුම් ගත්තා. එහෙම නොවුණනම් ඔවුන් වර වර මුදල් ගෙවමින් ඇයි මේ සිනමාපටය බලන්න යන්නේ නේද?

රජත් - රාහුල් ගාන්ධි, සීතා රාම්ජී, නිතිශ් කුමාර් වගේ ගොඩාක් දේශපාලන නායකයන් කිව්වා ආමීර් ඛාන් කියන දේ හරි. මේ රටේ ජීවත් වෙන්න වෙලා තියෙන්නේ බයෙන් තමයි කියලා සහ මේ තත්ත්වයට වග කියන්න ඕන නරේන්ද්‍ර මෝදි කියලත්.

ආමීර් - මම දේශපාලනයෙන් ගොඩාක් ඈත්වෙලා ඉන්න කෙනෙක්. ඇත්තම ඔබට කියනවානම් මම දේශපාලනය ගැන දන්නේ නැහැ. දේශපාලකයන් මොන හේතුවක් නිසාද? ඇයි එහෙම කියන්නේ? ඒක මට තේරැම් ගන්න නොහැකි දෙයක්. ඒගොල්ලෝ එහෙම කියන්න ඇත්තේ ඒගොල්ලන්ගේ මොනවා හරි හේතුවක් නිසා වෙන්න ඇති. මම ඉතාම පැහැදිලිව කිව්වේ මගේ ප‍්‍රාර්ථනයක් තියෙනවා මිනිස්සුන්ගේ මනසෙහි හොඳ දේවල් විතරක් තියෙන, මිනිස්සුන්ගේ මනසෙහි නෙගෙටිව් නොවිය යුතුයි. පසුගිය දවසක මම කවි පන්තියක් කියෙව්වා. ඒ ගැන මම ඔබට කියන්න කැමතියි.

ඒකේ නම ෆසායදාන්. ඒ කවි පන්තිය මරාටිවලින් ලියවුණු එකක්. කවි පන්තියේ අන්තිම කවිය, ශංත ඤනේශ්වරම් කියන 13 වැනි සියවසේ කවියා තමයි ඒක ලියලා තිබුණේ. ඔහු ප‍්‍රාර්ථනා කරනවා, දෙවියන්ගෙන් ඉල්ලීමක් කරනවා ඔබ මගේ මහන්සිය ගැන සතුටු වෙනවානම් සහ සතුටු වූවානම් ඔබ මට දෙන දානයක් විදියට ලබාදෙන්න. මොනවද ඉල්ලන්නේ ඔහු? ඔහු තමන් වෙනුවෙන් මොකුත්ම ඉල්ලන්නේ නැහැ. ඔහු හැමදෙයක්ම ඉල්ලන්නේ ලෝකයා වෙනුවෙන්. මිනිස් ජීවිත විතරක් වෙනුවෙන් නෙවෙයි සෑමදෙයක් වෙනුවෙන්ම ඔහු ඉල්ලනවා. මිනිස්සු සත්තු ජීවයක් ඇති සෑමදෙයක් වෙනුවෙන්මයි ඔහු ඉල්ලන්නේ. මගේ විරුද්ධකරැවන් සහ සතුරන්ටත් සහ ලොව වෙසෙන නරක මිනිස්සුන්ටත් දෙවියන්ටත් කියනවා නරක මිනිස්සු නැති කරන්න අවශ්‍ය නැහැ, ඔවුන්ගේ නරක වැඩ නැති කරන්න. මේ කවි පන්තිය මම කියෙව්වේ හෝලි දවසේ. මමත් ඒ වගේ දෙවියන්ගෙන් ඉල්ලනවා අපේ දේශය සහ මුළු පෘථිවි පොළෝතලයම සාමයෙන් සහ සතුටින් තියන්න කියලා. නෙගටිව් විදියට හිතන අයත් ඉන්න ඕන. ඒත් ඔවුන්ගේ නෙගටිව් හිතන එක නතර කරවන්න  ඕන. 

රජත් - මම ඔබෙන් කෙළින්ම අහන්නම්. මේ වෙනකම් සිද්ධ වුණු කතාබහට අනුව අපට වැටහෙන්නේ නරේන්ද්‍ර මෝදිගේ රජය බිහිවුණාට පස්සේ ඉන්දියාවේ අහිතකර, ජීවත් විය නොහැකි තත්ත්වයක් ඇතිවුණා වගේ අර්ථයක් තමයි ඔබේ කතාවෙන් පැහැදිලි වුණේ. ඊට පස්සෙ තමයි මිනිස්සුන්ගේ හිත්වලට බයක් ඇති වුණේ.

ආමීර් - මම කියන දෙයම අපේ රටේ අගමැති විදියට පත්වුණාට පස්සේ මෝදි ජීත් කිව්වා. අපි දෙන්න දෙකක් නෙවෙයි කියන්නේ. එතුමත් කියනවා නෙගෙටිව් දේ සිද්ධවෙන්න බැහැ කියලා. අපි එකමුතුවෙලා එකාවන්ව ඉදිරියට යා යුතුයි කියලා ඔහුත් කියනවනේ. අනාගතය අපි හැමෝම ආගම් භේද, ජාති භේද, ප‍්‍රාන්ත භේද, වර්ග භේද නැතුව ජයගත යුතුයි කියලයි එතුමාත් කියන්නේ. හැම ආගමකම ආගමේ නාමයෙන් වැරදි කරන අය ඉන්නවා සහ තමන්ගේ වැරදි නිවැරදියි කියලා හිතාගෙන ඔවුන් අනිත් මිනිස්සුන්ටත් තමන්ගේ මතයම දෙන්න යනවා. ආගම් මුල්කරගෙන ත‍්‍රස්තවාදීන් වෙනවා .අනිත් අයට ප‍්‍රශ්න ඇති කරන ගමන් ඔවුන් රට කෑලිවලට කඩන්න කතා කරනවා. හැම ආගමකම ඒ වගේ අය ඉන්නවා කියලයි මමනම් කියන්නේ. ඉතා අඩු ප‍්‍රමාණයක් වෙන්න පුළුවන්. ඒත් ඉන්නවා.

රජත් - ඒක කවුරුන් විසින් නිවැරදි කරයිද?
ආමීර් - ඒක මෝදි ජී හරිගස්සයි. වෙන කවුරු කරන්නද?

(පිරිසගේ අත්පොළසන්)
අපි ඡන්දයෙන් තෝරාගත්තේ ඒකනේ. මෝදී ජී මගෙත් ඔබ හැමෝගෙමත් අගමැති. ඒ නිසා අපිට සහෝදරයා ඔබ මේක නිවැරදි කරන්න කියලා කියන්න පුළුවන්.
රජත් - ඔබගේ නාමය ඉන්දියාවේ විතරක් නෙවෙයි මුළු ලෝකයේම ප‍්‍රචලිතයි. ඔබ කියන දේ ලොව පුරා පැතිරෙනවා. ආමීර් ඛාන් තමන්ගේ කතාවලින් ඉන්දියාව නැමති බ‍්‍රෑන්ඩ් අයිඩෙන්ටිටි එකට හානියක් කළා කියලා අමිතාබ් ඛාන් කියලා තියෙනවා.

ආමීර් - මම ගැන මීඩියාවල ගිය දේවල් වැරදියි කියන එක මම නැවතත් කියන්න ඕන. මම ඉන්දියාව හැර යනවා සහ ඉන්දියාව නරකයි කිව්වා කියලනේ මීඩියාවලින් කිව්වේ. ඒක බොරැ කතාවක්. මම කිව්වේ මට ආරක්ෂාව ගැන බයක් දැනෙනවා කියලයි. නරක හැඟීමක් දැනෙනවා කියන එකෙයි, රට නරකයි කියන එකයි අතරේ ලොකු වෙනසක් තියෙනවා. මේ රටේ වෙන වෙන ප‍්‍රාන්තවලට බෙදී වෙන වෙනම රාජ්‍ය විදියට තිබිලත්, විවිධ ආගම් තිබුණත්, විවිධ භාෂා කතා කළත්, විවිධ ජාතීන් ඉඳලත් මේ කියන ඔක්කොම නරක තිබිලත්, හිනාවෙලා සතුටින් මේ රටේ මිනිස්සු හැමෝම ජීවත් වෙනවා. මම මගේ ෆැමිලි එකෙන් උදාහරණයක් දෙන්නම්. අපේ ෆැමිලි එක ඉන්දියාව වගෙයි. මගේ දැන් බිරිය කිරන් ජී හින්දු. මගේ කළින් බිරිය රීනත් හින්දු. (1986 දී රීනා දත්තා සමඟ විවාහ වුණු අතර 2002 දී දික්කසාද විය). දැන් දරුවෝ තුන් දෙනෙක් ඉන්නවා. ඔවුන් භාගෙට හින්දු. අනිත් භාගය මුස්ලිම්. (ජුනයිද්, ඉරා සහ අසාද් රාඕ) මට සහෝදරියෝ දෙන්නෙක් ඉන්නවා. අක්කයි, නංගියි. ඒ දෙන්නම විවාහ වුණේ හින්දු අය එක්ක. ඒ දෙන්නගෙම සැමියන් හින්දු අය. මගේ ඥාති සහෝදරයා මංසූක් විවාහ වුණේ ක‍්‍රිස්තියානි යුවතියක් සමඟයි.

(නඩුව ඊළඟ සතියට කල්තැබේ)

► Translation — Chandana waravitage