2018 මැයි 05 වන සෙනසුරාදා
සිඳුතෙර
2018 මැයි 05 වන සෙනසුරාදා, පෙ.ව. 06:00 100
මහ වැස්ස එනු මැනව
ඇස් පියා හිඳිමි මම
කළුවරෙහි පියන් පත්
හැර දැමූ මහ රැක
නුඹේ හඬ අසන්නට
ඇස් පියා හිඳිමි මම....
ජීවිතේ පතුලකම
ගුලි ගැහී ඉකිගසන
දුක්බරම සීතලක
කඳුළු බිඳ සිපගන්න
මහ වැස්ස එනු මැනව
ඇස් පියා හිඳිමි මම
අරුත් පසිඳින්න නුඹ
කවිකාර ස්නේහයේ
කාගෙවත් ඇස නොදුටු
අනන්තයේ ඉමක හිඳ
මගේමයි මේ අහස
වැහි අරන් එන දාට
කළුවරත් කවියක්ය
ප්‍රේමයක් තරමටම
I saa