අහසට ගිය වැට්!

උතුරේ වැල්වැටිතුරේ තරුණ කණ්ඩායම් එකතු සංවිධානය කරන වාර්ෂික තෛයිපොංගල් සරුංගල් උළෙල ඉතා විචිත්‍රවත් ලෙස මෙවරද ක්‍රියාත්මක කර තිබිණි. එම උළෙල පැවැත්වූ උදයසූරියන් මුහුදු වෙරළට ඉතා විශාල පිරිසක් පැමිණ සිටියේ එයට සහභාගි වීමටත් එය නැරඹීම සඳහාත්ය. එදින උතුරේ අහසට නැංවූ යෝධ සරුංගල් 70ක් පමණ එම ජනතාවගේ දැඩි ආකර්ශනයට ලක්වී තිබිණි. ඊසාන දිග මෝසම් සුළඟේ බලපෑම හේතුවෙන් එම සරුංගල් සවස් වනතුරුම අහසේ සැරිසරමින් තිබිණි.

ඒ සරුංගල් අතරින් එකක් සියලුදෙනාගේම අවධානය දිනාගත්තේ එය හැමගේම එදිනෙදා ජීවිතයට සම්බන්ධ වීම හේතුවෙනි. ජීවන වියදමට මෑතකදී එකතු වූ වැට් බද්ද මිනිසා උසුලාගෙන සිටීම එම සරුංගල් නිර්මාණයට පාදක කරගෙන තිබිණි. කාලයට ගැලපෙන පණිවුඩයක් දෙන එම සරුංගලය නිර්මාණකරුට එහි පැමිණ සිටි ජනතාවගෙන් පැසසුම් හිමිවූ අතර බොහෝ දෙනා එය තම කැමරාවලට හසුකර ගෙන තිබිණි. මෙහි දැක්වෙන්නේ එම &වැට්* සරුංගලය සහ තවත් එක් නිර්මාණයකි.

- සන්ඩේ ටයිම්ස්